ခ့ၫဘၩ့ဖိၪခွၫအီၪဒဲၥၭဒူၩ (၁)

လၧဖျိၩ့လံၩလံၩအိၩ ထံၫခးကခးဖၧၩ့နီၪစဎွၩဖၭဒိၪအီၪဝ့ၫကဂၩနီၪလီၫႉ အဝ့ၫလဂၩ ယီၩ အဖိၪခွၫအီၪကဂၩလါနၫ့ဂ့ၩ အခိၪနူၬလၧၫ့ဎွ့ၩအ့ၬႉ မုကနံၩတၭ စဎွၩယီၩလ့ၩဂၬကွ့ၩ လၧမံၩ့လၬဒိၪဒဲလီၩ့အၪ့ဎၬမၩၥံၫ ဆၧဖိၪဆၧဎါဎုၬလၧ အခ့ၫအၡၩလဖၪနီၪလီၫႉ ထီးနီၪ ကကၠၪ အဝ့ၫဒၪစိၩခ့ၫဘၩ့ကဒုၩ ကထံၪဎး တၩ့လၫ့အချံၪဖျံၩ ကခၭစိၩဝ့ၫ အဘိၩ့ဘၭနီၪ ဘၪအီၪပထုၬခွံၬဝ့ၫဒၪလီၫႉ ဘၪမနီၫလဲၪနီၪ ဒၪစိၩခ့ၫဘၩ့ကဒုၩယီၩ ဖိၪဆါထၪ့ဝ့ၫအကၠီၩ့ အၥၭအၪ့လဲၩ့ထၪ့ထဲၩ့ဝ့ၫလီၫႉ စဎွၩယီၩ ဒံၭဒူၭအမ့ၬၥၪနံၫဖျိၪ့ ယိဝ့ၫလခီၫနဲၩဝ့ၫ လါလါ အ့ၬႉ ခ့ၫဘၩ့ကဒုၩနီၪ ဖိၪဆါန့ၦၡၩအကၠီၩ့လီၫႉ ဆၧလၩ့ဆၫ့လၩ့မဲၩနၭမၬလၧအဂးယူၭႉ ဆၧဖိၪဆၧဎါနီၪ မွဲဘၪနီၪ ဘၪလၩ့ဖျဲၪန့ ၦၡၩဖိၪလဲၪႉ

စဎွၩနၪဝ့ၫၥ့ၪလါလါအ့ၬနီၪလီၫႉ အခွၫဖိၪလီၫႉ စဎွၩအထံၩအဖျဲၥံၪ နၪ့စဲၪ့ခွံၬ ခ့ၫဘၩ့အကၠီၩ့ ဘၪစဲၪ့ဖျိၭဝ့ၫယူၭႉ ထီးလ့ၩထီၩ့ အလးထီးနီၪတၭ ခ့ၫဘၩ့အဖိၪခွၫယီၩ ဂၪ့ဝ့ၫဘဲၫၦၡၩအၥိၭလီၫႉ စဎွၩထဲၩ့ဆိၬခ့ၫဘၩ့အဖိၪခွၫလၧနီးတၭ အၪ့လုဝ့ၫဘဲၫအဖိၪ ထံးထံးလဂၩအၥိၭနီၪလီၫႉ ဖျိၭန့အမံၩ့လၧ ခ့ၫဘၩ့ ဖိၪခွၫနီၪဆ့လီၫႉ အဝ့ၫမွဲဒၪၦၡၩ လဂၩလါနၫ့ဂ့ၩ ဆၧဖိၪဆၧဎါအၥွံၪဒဲ အချံၫအၥၪအီၪဝဲၩအကၠီၩ့ နၪၥ့ၪဆၧဖိၪဆၧဎါ အလူဒဲ ဆၧချဲၩ့လီၫႉ မုကနံၩတၭ ထၧၫ့ဖုဝဲနံၫဂၩ လ့ၩဂၬကွ့ၩလၧ မံၩ့လၬဒိၪဖၧၩ့ကၠၧၫ့ ကၠၧၫ့လီၫႉ

စဎွၩအဖိၪခွၫနီၪ အၥၭအုၭလၧ အဖုအဖၫ့ခိၪလီၫႉ မၩဒဲၩဘၭဆၧ ခိၪမၬခိၪမၬ ဆ့လီၫႉ အခၫထီးနီၪ စဎွၩအဖိၪခွၫလဂၩ ခၭစိၩအဖျါကထံၪဎး လ့ၩဘၪထဲး ၦမုၪလဂၩ အထံၩတၭလၩ့ထ့ၬထ့ၬဖၭလီၫႉ ၦမုၪယီၩအၥၭကဲၩ့လၫ့ဝ့ၫအကၠီၩ့ ဆိၪကၠီၩ့(ကျိန်ဆို) စဎွၩအဖိၪခွၫလဂၩ

 မုကနံၩ ထီးနဒၪဘၪ ၦမုၪနၩ့ဎံၫလၩလဂၩနီၪ နၥၭဖၧၩ့နအီၪလနၧၩ့ဘၪတၭ နမိ ၥံၫထလၧၫ့လီၫႉ လၧဆၧချဲၩ့ကမီၪ့အကၠီၩ့ စဎွၩအဖိၪခွၫလဂၩမံၫန့အၪ့န့လၧၩ့အ့ၬႉ

ၦမုၪနၩ့ယီၩ မပၧၩလဲၪနီၪ ၥ့ၪယၫဝ့ၫအ့ၬႉ အၥၭဖၧၩ့ဆိၫ့ဒၪန့ ၦမုၪနၩ့ဖိၪအကၠီၩ့ ကနံၩဘၪ ကနံၩ ဎွ့လၩ့ဆံၭယူၭနီၪလီၫႉ ထီးစဎွၩနါဂၧၫ့ဆၧပရၧၫ့နီၪ အၪ့စၪ့အဖိၪဆံၭ(ခ့ၫဘၩ့ဖိၪ ခွၫ)လဂၩတၭ ၥ့ၪယၫဝ့ၫလၧ အဖိၪခွၫလဂၩ အၥၭဆိၫ့န့ဘၪ ၦမုၪနၩ့လၧ လဒၪယံၩယါ ဘၪနးကၠၪအကၠီၩ့လီၫႉ