ၦလၧအဂဲၫထဲၩ့ပဒၩ့ ဆၧမၩလၩ့ဎွံၪဖိၪၥၪႇ ကၭၥလံၬဆၧဘိၪ့ဆၧဘၩဖိၪလဂၩမွဲဝ့ၫ Chris Slattery အဂဲး

ဆၧလယိလါဘၪအဖၧၩ့ ဒၧၩ့ထၪ့ၦမုၪလဖၪႇ ကအၪ့လုအဖိၪအဂး ဆၧလၧၫ့ဆၧဎွ့ၩလအီၪ ဘၪၦမုၪလဖၪႇ လမိမၩဘၪအဖိၪအကၠီၩ့ ကမိမၩလၩ့ဎွံၪခွံၬအဖိၪၦမုၪလဖၪနီၪ ထၧၩ့လမၩလၩ့ဎွံၪဘၪ အဖိၪအဂး ဆၧချဲၩ့လၩ့ဎိၭဖ့ၪကိၪ့ဖ့ၪတဲၩ့ဒဲဆၧမၩဆၧၩ့ဝ့ၫဒၪ ဆၧမၩလးEMCနီၪ လၧအဖီၩ့ခွံၬ အနံၪ့ ၄၀အိၩ Chris Slatteryယီၩ ဂဲၫထဲၩ့ၥုၪ့လၩ့ထၬဝ့ၫဒၪလၧ နယူးယောခ့်ပြည်နယ်၊ Bronxဝံးနီၪ လီၫႉ

ဆၧမၩလးနီၪ ဂဲၫထဲၩ့ပြံၭထဲၩ့ ဖိၪၥၪလၧကဘၪထိးမၩလၩ့ဎွံၪအၥၭအဂၩ(၄၃၀၀၀)အဂဲး လၧ အဝ့ၫအဆိၫၡဲၫမံၫဒံၫယၫအဖၫ့ခိၪ ထုၬဖျီၪထၪ့ထၬဝ့ၫဒၪနီၪလီၫႉ ဆၧပြံၭထဲၩ့ဖိၪၥၪ ဆၧမၩလးယီၩ အီၪဂဲၫကဲၪထၪ့ဝ့ၫဒၪ ဘဲၫၥ့ၪလဲၪစွါဘဲၫ လၧၦၡၩမၩလၩ့ဎွံၪဖိၪၥၪဆၧဆၫဒူၭကဖျိၪ့(Manhattan) အမ့ၬယၫ Chrisယီၩ လ့ၩချဲၩ့ဒုၪ့ၦမုၪလၧကမၩလၩ့ဎွံၪအဖိၪအဂး အီၪခိၭဆၧလဂၩဂီၩ့ အီၪစၭကဲၪ ထၪ့ဝ့ၫနီၪလီၫႉ

ၦမုၪနီၪချဲၩ့လၩ့ဎိၭဘၪလၧ Slatteryဂီၩ့အခၫ ကမိမၩလၩ့ဎွံၪအဖိၪ အၥၭနီၪ မွဲအၪ့လဲၩ့ထၪ့ထဲၩ့ အၥၭအဂဲး  ဘၪန့လဲၪနီၪဘိၭ Slattery ၥုၪ့လၩ့ထၬဆၧမၩလးနီၪ မွဲလၧဖ့ၪဂဲးဖ့ၪဘၭ ၦမုၪအဒၧၩ့ ဝ့ၫဒၪလဖၪႇ ဖ့ၪနဲၪဝ့ၫဒၪ လၧဆၧမၩဆၧၩ့ကန့ဝ့ၫဒၪတၡါအလးလဖၪႇ လၩ့ဖျဲၪန့အဖိၪဂီၩ့ဆ့ လိၫဝ့ၫ ဒၪဆၧမၩဆၧၩ့လဖၪနီၪ ဘဲၫမၩဆၧၩ့ဝ့ၫန့အၥိၭမၩဆၧၩ့ဝ့ၫဒၪႇ ဖ့ၪလၫ့ဝ့ၫဆၧကိၪ့ဘၪကိၪ့ၥ့ၪ ဒဲ  ဝဲလၫ့ အ့ၪဝ့ၫ ဆၧဒၪလဖၪအကၠီၩ့နီၪလီၫႉ လၧအဝ့ၫၥံၪအထံၪခးဖၧၩ့ အခံၫ့နီၪမွဲလၧထီၫ့ဂီၩ့ ဖီၩ့မၬလၧကရု နၫ ဆၧဖံၭဆၧမၩလဖၪနီၪ လၧဆၧမၩလးဂူၫဂၩအဖၧၩ့ ဆၧမၩဆၧၩ့အပျီၩ လအီၪဘၪနးမံၩ့နီၪလီၫႉ

အဲၪကွံၩဘၪထၧၫ့ဖုဝဲထံၩၥိၭထီးအလူၬၥံၪဧ့ႇ Chris Slatteryယီၩ ကၠီးဂီၩ့ခွံၬလၧ Boston  ဘျၪ့ကိၪ့ဒိၪနီၪလီၫႉ ၦအနုၬလၩ့ဂဲၩဝၭလၧ ဆၧပ ဒၩ့ဆၧၫ့ ဆၧမၩလၩ့ဎွံၪဖိၪၥၪဆၧမၩဖၧၩ့လဖၪနီၪ အဝ့ၫယီၩလီၩ့ဖ့ၪလၫ့ယံၩယါၥဖၠးနီၪလီၫႉ အဝ့ၫၥံၫဒၪ ခွံၬအကၠီၩ့ ‘40 Days for Life’ ခရၧၫ့ခိၪနါဒိၪ Shawn Carney ယီၩ အၥၭလမုၬဘၪအဂဲးႇ ၦလၧအပဒၩ့ၡၩအဆၧၥၭမၧၫ့ၦၥုၭခိၪဒိၪယီၩ လ့ၩထီၩ့လၧဆၧအလးမုၬလဆိၩယၫယူၭအဂဲးႇ အဝ့ၫနီၪ မွဲၦအၥၭဆီၪ့ဒဲဂုးခၧၫ့လၧ ဆၧဘိၪ့ဆၧဘၩအဖၫ့ခိၪ ၦကၭၥလံၬဖိၪလဂၩအဂဲး Shawn Carney ယီၩ စံၭဝ့ၫဒၪနီၪလီၫႉ  ဖိၪၥၪလၧလအီၪဖျဲၪထၪ့ဒံၭဘၪလဖၪအဂး အဝ့ၫယီၩအၪ့ထၩဝ့ၫလၧအၥၭဂီၩ့ ပဒၩ့ထၬဖိၪၥၪလဖၪအၥၭ လၧကဖီၩ့ဖျ့ၭဆၧမၩလၩ့ထ့ၬဎွံၪဖၧၩ့နီၪလီၫႉ

အဝ့ၫယီၩ မွဲဝ့ၫဒၪ (အိုင်ယာလန်) ဆၨၩဖိၪလဂၩနီၪလီၫႉ လၧအဖီၩ့ခွံၬ၂၀၀၇နံၪ့အထီအိၩ ဘဲၫၦၡၩကၥ့ၪယၫ ထၪ့‘40 Days for Life’ ဆၧၥၭမၧၫ့အၥၫ့၄၀ခရၧၫ့ယီၩအဂး အဝ့ၫယီၩဂဲၫထဲၩ့မၩၥ့ၪယၫထၪ့ ၦၡၩ ကဆံၭကဆံၭနီၪလီၫႉ ခရၧၫ့နီၪ ၥုၪ့လၩ့ထၬဝ့ၫလၧ နယူးယောခ့်ပြည်နယ်၊ Bronx ဝံးနီၪလီၫႉ

ဘၪထွ့ၫလၧ Chris Slattery ယီၩ ပၥၭနၪ့လန့ဘၪဆၧအဂဲးလဖၪ အီၪထးဝ့ၫအၪမၬအဂဲးႇ ပဖီၪ့ထၪ့ဖံၭ ထၪ့ဆၧဖံၭဆၧမၩလၧအဝ့ၫ နံၪ့လဖၪအဖၧၩ့ ဆၧနံဆၧကွ့ၩလဖၪ အီၪဝ့ၫအၪမၬဒဲ အဝ့ၫယီၩ ထဲၩ့အီၪ မၧၫ့အၥၭ လၧဆၧမုၬလၩၥၭဎွံၪဖၧၩ့ထၧၫ့အၥံၫအၡါအဂဲးႇ  ဘဲၫအဝ့ၫအနးၥၭ ကထီၩ့စိၩလၧ ဖါက ဆါယွၩအဂံၪ့အဂး အၪ့ကံၩ့ဘၩဆိၪဖ့ၪအ့ၪအဝ့ၫအဂးဒၪလူၬအဂဲး Shawn Carneyယီၩနီၪ အၪ့ယၫထၬဝ့ၫဒံၭနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭထီးအလူၬၥံၪဧ့ႇ ဘၪထွ့ၫလၧ Chris Slattery အဂဲး ယရၩလၩ့န့အ့ၪဘၪ နၥံၪနီၪ ထၨၪယီၩနီၪလီၫႉ အဲၪကွံၩဘၪထၧၫ့ဖုဝဲထံၩၥိၭထီးအလူၬ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧအဲၪဆၧကွံၩလါဆံၭႉ