ၦမုအပံၫ့ဂၠလံၩ့ဘွံ

ထၧၫ့ဖုဝဲထံၩၥိၭထီးလူၬၥံၪဧ့ႇ မံၩ့ဎိၩၥၪဖျီၪ မုၪခွၫလအအီၪအနိၫ့ အဆၧရၩလၩ့ဖၧၩ့မုကနံၩယီၩ ယအဲၪဒိၭရၩ လၩ့န့အ့ၪ ဘၪနၥံၪနီၪ မွဝ့ၫဒၪ ၦမုၪ အပံၫ့ဂၠလံၩ့ ဘွံ အဂဲးအကၠီၩ့နီၪလီၫႉ လၧ အပံၫဂၠလံၩ့ ဘွံ အဆၧၥၭမၧၫ့ဖၧၩ့ ဆၧအလၩ့ဆၫ့နီၪမွဲဝ့ၫဒၪ အီၪၥၭမၧၫ့လၧ ၦဂူၫဂၩၥံၪအဂးဂီၩ့ ၦၡၩလၧဒၪအဝ့ၫ ထီးအလူၬလဖၪ ကအီၪၥၭမၧၫ့ လၧဆၧအဂ့ၩဖၧၩ့ ကအၪထၪ့အဂး မၩဂဲၪထၪ့ထဲၩ့ အ့ၪဝ့ၫဒၪနီၪလီၫႉ ၦခွၫအဂၩ အထီၫ့အၪအၪဂီဂီနီၪ ကထၪ့အီၪ ဎုၬလၧအဝ့ၫအဂး အၪ့ကံၩ့အဝ့ၫ အဆၧအဲၪနီၪလီၫႉ အဝ့ၫအၥၭထီၩ့ဝ့ၫ ၇၀ ယူၭလါနၫ့ ၦခွၫၥံၪ အၪ့ကံၩ့အဝ့ၫအဆၧ အဲၪအီၪဝ့ၫဒၪ အၪမၬဒ့ၭနီၪလီၫႉ အပံၫ့ဂၠလံၩ့ ဘွံ ယီၩအထံၩအၥိၭၥံၪ အီၪဝ့ၫဒၪ အၪမၬဒ့ၭဂီၩ့ ၦၡၩအဲၪအဝ့ၫ အီၪဝ့ၫ ဒၪအၪမၬအကၠီၩ့ ဆၧလရၧၫ့ဆါလဂၩအၪ့စၪ့ ဘၪအဝ့ၫ နထံၩၥိၭၥံၪ ဘၪအီၪအၪဝ့ၫ ဘၪယီၩၥိၭဂိၩ့ ၦၥ့ၪယၫလိၬ ၥၭလၧ နၧၩထီးအလူၬလဖၪအီၪအၪ့ၥၭမၧၫ့ထၪ့ထဲၩ့ ဆၧၥၭမၧၫ့အဂ့ၩန့ဝ့ၫဒၪနီၪ နဖီၪ့ဂုးထၬ မနီၪလဲၪအဂဲးလဲၪ အၪ့ စၪ့ဝ့ၫ ဘဲၪယီၩၥိၭအခၫ အပံၫဂၠလံၩ့ ဘွံ အဆၧစံၭဆၧၫ့အီၪထဲၩ့ဝ့ၫ ယၧၩနီၪ ယအီၪၥၭမၧၫ့လၧ ၦဂူၫဂၩၥံၪအဂး အကၠီၩ့ အဝ့ၫအၥၭလုအီၪအဒိၪထုၬအဂဲးအဖးနီၪမွဲ ၦၡၩလၧ အဒၪခီၩ့အဝ့ၫထီးအလူၬလဖၪ လၧအဝ့ၫၥံၪအဆၧၥၭမၧၫ့ဖၧၩ့ဆၧအဂ့ၩကအၪထၪ့အဂး မၩကဲၪထၪ့ဝ့ၫဒၪ အကၠီၩ့နီၪလီၫႉ