အဒိၫနံၫယၫ့ ယူဒၥၫ့

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုၪခွၫလၧအအီၪအနိၫ့အဆၧရၩလၩ့ဖၧၩ့ယအဲၪဒိၭယၩလၩ့န့အ့ၪဘၪနၥံၪနီၪ မွဲဝ့ၫဒၪ “အဒိၫနံၫယၫ့ယူဒၥၫ့“ အဂဲးအကၠီၩ့နီၪလီၫႉ ယူဒၥၫ့ယီၩဘၪထိးကိၭအၥၭလၧ “ခးယယၩ့ဖၧၩ့ ကဆါဎြံၭ အၦၡၩ“ နီၪလီၫႉ အဝ့ၫနီၪ မွဲဝ့ၫ ဎြံၭဆၧအီၪကီၪ့ဆၧရၫလဂၩတၭဂဲၫမၩဆၧအီၪကီၪ့ဆရၫအဆၧမၩလၧ ခးပယၩ့ဖၧၩ့နီၪလီၫႉ ယူဒၥၫ့ဂဲၫထီၩ့ခးပယၩ့အခံၫ့အိၩအၥၭအီၪဝ့ၫဒၪ (၂၅) နံၪ့ဒံၭလီၫဂီၩ့ အမၪၥၭဘီၩ့နီၪအၥၭအီၪဝ့ၫ (၂၀)  နံၪ့နီၪလီၫႉ

ထၧၫ့ဖုဝဲထံၩၥိၭၥံၪဧ့ႇ ဎြံၬဆၧဘိၪ့ဆၧဘၩဆၧအီၪကီၪ့ဆရၫဆရၫယူဒၥၫ့ယီၩ ဂဲၫထီၩ့ခးပယၩ့အခံၫ့အိၩ ခးပယၩ့ဖိၪၥံၪလထိးဆၧၫ့ဘၪအဝ့ၫနီၪလီၫႉ ဘွနီၪလဲၪစွါဘဲၫအဝ့ၫနီၪ မွဲဝ့ခးအမ့ၫရံကၭဖိၪလဂၩအကၠီၩ့နီၪလီၫႉ အခံၫ့အနီအိၩခးပယၩ့နီၪ စဎွၩထံၫဂးအခံၫ့မွဲဝ့ၫတၭ ဆရၫယူဒၥၫ့ယီၩ ဂဲၫမၩဆၧအီၪကီၪ့ဆရၫအဆၧမၩယါနၫ့ စဎွၩဒဲ ထံၫခးၦဒိၪ ၦမုၥံၪနီၪ ဆၧနဲၩလအီၪဘၪလၧအဝ့ၫအဖၫ့ခိၪအခီၩ့ဘၪထိးဖီၪ့ထၬအၥၭလၧ ခးပယၩ့ဖၧၩ့နီၪလီၫႉ ဘၪထိးဖီၪ့အၥၭအခံၫ့ ဘၪအၪ့ၡၪ့အီၪၡၪ့နီၪကမံၩ့ ဘၪထိးမၩနၧၩ့မၩစၪနီၪကမံၩ့ အၥုၪ့ၡၪ့ၥၭၡၪ့နီၪကမံၩ့ အီၪလမုၬဆီၪ့လချဲၫ့ဘၪနီၪ ကမံၩ့အကၠီၩ့ လၧအဂုခိၪအဝ့ၫအဆၧတိစိၩအီၪကထၪ့ထၪ့ဎြံၬဆၧဘိၪ့ဆၧဘၩၥံၪအလံၬဆံၫ့ဎံၪလၧပမၩ့အလံၬလဲအဂးဘၪအီၪ ဖျါထုၬထၬဝ့ၫ (၂) နံၪ့နီၪလီၫပႉ

ဆရၫယူဒၥၫ့ယီၩ ဘၪအီၪလၧခးပယၩ့ဖၧၩ့ယီၩနီၪ ဆၧကၪဆၧဂဲၩအီၪဝ့ၫဒၪအၪမၬဒ့ၭ အကၠီၩ့အၥၭကဆုးမၧၫ့အဂးမၬအဆၧယိလါလအီၪလၧၩ့ဘၪနီၪလီၫႉ ဂဲၫထီၩ့ခးပယၩ့ဖၧၩ့လဘၪထိးဖီၪ့ဒံၭဘၪအၥၭအခံၫ့အိၩ ကွ့ၩထုၬထၪ့ထၬထဲၩ့ ဎြံၬအဆၧဘိၪ့ဆၧဘၩအလံၬဆံၫ့ဎံၪ လၧပယၩ့အလံၬလဲအီၪဝ့ၫဒၪလါနၫ့ ဘၪထိးဖီၪ့အၥၭအခံၫ့အဆၧမၩယီၩ ဆုးမၩကဲၪထၪ့ဝ့ၫလန့လၧၩ့ဘၪ ဘၪအီဖျါထုၬထၬဝ့ၫဒၪ (၂) နံၪ့နီၪလီၫႉ အဝ့ၫဘၪထိးဖီၪ့အၥၭ ဘဲၫယီၩ ၥိၭအကၠီၩ့ ကွ့ၭထုၬဖျီၪထၪ့ထၬဂီၩ့ဝဲၩ ဝံၭဆံၫ့ဎံၪလၧ ပမါလဖၪနီၪအၪ့ယိၪခဲၫ့ကံၭဝ့ၫလၧ ၦၡၩၥံၪကမၩဂၭဂီၩ့ခွံၬဝ့ၫအကၠီၩ့အမၪၥၭဘီၩ့နီၪ အီၪက့ၪၥူၪထၬန့အ့ၪအဝ့ၫအလံၬလဲလဖၪၥံၪလီၩလၧ ခိၪခုၪ့ဖၧၩ့ဂီၩ့ ဖ့ၪစိၩ ခိၪခုၪ့ယီၩလၧ ယုဒၥၫ့အီၪ ဘၪထိးဖီၪ့ထၬအၥၭအလးဖၧၩ့နီၪလီၫႉ ယူဒၥၫ့နးဆ့မံၫခုၪ့ခိၪခုၪ့ယီၩဂီၩ့ ကွ့ၭထၬလံၬဆံၫ့ဎံၪ လံၬလဲယီၩအဂး အၪ့ကံၩ့ဘၩဆိၪဖၪဝ့ၫဒၪနီၪလီၫႉ ကွ့ၬထုၬထၪ့လံၬဆံၫ့ဎံၪလၧပယၩ့လံၬဝဲယီၩ ထၨၪဂီၩ့အဝ့ၫအၥၭ ကမၧၫ့လမၧၫ့နီၪအၪ့ယီၪခဲၫ့ကံၭလၩ့အၥၭ အီၪဝ့ၫဒၪနီၪလီၫႉ

အခံၫ့အနီအိၩ ခးပယၩ့နီၪဆၧဒုၭဆၧယၩ ကဲၪထၪ့လၧ ခိၩလၩဘွၩအၥုၭတၭ ကိၩလၩဘွၩအၥုၭၥံၪဂဲၫထၪ့ဒုၭဆၧလၧခးပယၩ့စဎွၩၥံၪအီၪအလးယူၭအကၠီၩ့ ခးပယၩ့ ပဒိၪၥံၪနီၪ အၪ့ကံၩ့ဆၧမၩဆၧၩ့လဆရၫယူဒၥၫ့အီၪဆၧဒုၭဆၧယၩ ကအီၪဖျါထုၬအဂး ဆၧအၪ့ကံၩ့ အၪ့ယၫ ဆၧချဲၩ့ကဘၪလီၩဖ့ၪၥ့ၪယၧအ့ၪ ကဘၪအၪ့ကံၩ့အၪ့ယၧအ့ွခိၩလၩဘွၩ အၥုၬဟံၪအဂးနီၪလီၫႉ မွဲဆၧနီ ဆရၫယူဒၥၫ့နီၪ ဖီၩ့ဖျ့ၭဝ့ၫဒၪလၧဘၪထိးဖီၪ့အၥၭ အလးဖၧၩ့နီၪလီၫႉ ဘၪထိးဖီၪ့အၥၭအခံၪ့အိၩ ကွ့ၭထၬလံၬဆံၫ့ဎံလၧ ပယၩ့အလံၬလဲအီၪက့ၪၥူၪထၬဝ့ၫလၧ အခိၪခုၪနီၪ လဂ့ၩလၧၩ့ဘၪတၭ ၦၡၩၥံၪခွံၬၡိၬခွံၬဝ့ၫဒၪနီၪလီၫပႉ

အကနံၩတၭဆရၫယူဒၥၫ့အထံၩဖျဲလဂၩနီၪ ဒၪန့ အဝ့ၫကွ့ၭထၬအလံၬဆံၬဎံၬယီၩ ဂဲၫဖ့ၪထဲၩ့အ့ၪအဝ့ၫကကၠၪဆရၫယူဒၥၫ့အၥၭဎွံၫကဲၪထၪ့ဎိၩဒိၪဒ့ၭဂီၩ့ ဆုးကွ့ၭဎြံၬဆၧဘိၪ့ဆၧဘၩ ၥံၪအလံၬဆံၫ့ဎံၪလၧပယၩ့လံၬအဆၧကွ့ၭနီၪလီၫႉ ခးပယၩ့ဖၧၩ့ဎြံၬဆၧဘိၪ့ဆၧဘၩဖိၪၥံၪဖီၪ့လံၬဆံၫ့ဎံၪနီၪ အဂုခိၪထုၬ ဆရၫယူဒၥၫ့ကွ့ၭထုၬထၪ့ထၬဝ့ၫဒၪနီၪလီၫႉ ခးပယၩ့ဖၧၩ့ ၦၡၩဘၪထိးကိၭအၥၭအမံၩ့လၧ “ခးပယၩ့ဖၧၩ့ ကဆါဎြံၬအၦၡၩနီၪ“ မွဲဝ့ၫဒၪ ခးအမ့ၫရံကၭဖိၪဆရၫယူဒၥၫ့နီၪလီၫႉ ခးပယၩ့ဖၧၩ ၦအကွ့ၭထုၬထၪ့ထဲၩ့ ဎြံၬဆၧဘိၪ့ဆၧဘၩဖိၪၥံၪအဂး လံၬဆံၫ့ဝံၪလၧ ပယၩ့ဆရၫယူဒၥၫ့ အဂဲးမွဲဝ့ၫဒၪထၨၪယီၩလီၫႉ