ဝံၫလျၫ့ ဘိၩဒ့ၩ

ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪမူၪခွၫလၧအအီၪအနိၫ့ အဆၧရၩလၩ့ဖၧၩ့ မုကနံၩ ယီၩ ယအဲၪဒိၭ ရၩလၩ့န့အ့ၪ ဘၪနၥံၪနီၪမွဲဝ့ၫဒၪ ဝံၫလျၫ့ ဘိၩဒ့ၩ အဂဲးအကၠီၩ့နီၪလီၫႉ ဝံၫလျၫ့ ဘိၩဒ့ၩ ယီၩမွဲဝ့ၫ ၦကဲၪဒိၪဖိၪလဂၩ လါနၫ့ အကျိၪစ့ၩလဖၪနီၪ ဘဲၫအဝ့ၫအၥၭအီၪၥိၭ လၥိၩ့ ဘၪဝ့ၫနီၪလီၫႉ လၧအကျိၪစ့ၩအဖၫ့ခိၪ ၥိၩ့ဝ့ၫဒၪလၧ ဆၧအၪ့ ဎၬထိၪတွၭဖၧၩ့အကၠီၩ့ ၦဂူၫဂၩၥံၪလၥ့ၪယၫ ဘၪအဝ့ၫ လၧ ဆၧကဲၪဒိၪဖိၪလဂၩနီၪလီၫႉ အဝ့ၫအကျိၪစ့ၩ ႇ အဆၧပၧၩ့ဆၧဎီး လဖၪနီၪ လအီၪက့ၪထၬ ဘၪဝ့ၫ ဘဲၫအဝ့ၫ အဆၧၥိၭနီၪလီၫႉ ၦဂူၫဂၩၥံၪ အၪ့မၧၫ့အဝ့ၫအၪ့ဎွ့ၩ လဲၪၥိၪလါနၫ့ အဝ့ၫလအၪ့ဎွ့ၩ ဘၪဝ့ၫနီၪလီၫႉ ဆၧလဖၪၥံၪယီၩအဝ့ၫအဂး မွဲဝ့ၫ ဆၧအီၪဂီၩ့အီၪစၪ နီၪလီၫႉ ဝံၫလျၫ့ ဘိၩဒ့ၩယီၩ အီၪလၧ ၦအၡၪ့ဖိၪၥံၪကၠၧၫ့ကၠၧၫ့ဂီၩ့ အ့ၪ ဘၪလ့ၩဆၧထဲၩ့ဆၧအီၪစွါဘဲၫ ထၪ့ထူၬဝ့ၫဒၪမွဲလဲၪ့နီၪလီၫႉ

          အဝ့ၫဂဲၫဎိၩထၪ့ကကၠၪ ထၪ့ဆၧမၩလိၪလၧ ဆၧအီၪကီၪ့ ဘျၪ့ကိၪ့ဒိၪလးဖၧၩ့အခံၫ့ ၦအီၩၥံၭ ထံၫဂၬထံၫဆါ ၥံၪအဂး ၥုၪ့ထၪ့အ့ၪဝ့ၫဒၪ ဆၧအီၪကီၪ့ ဆၧမၩလးနီၪလီၫႉ ဝံၫလျၫ့ ဘိၩဒ့ၩ အၥၭအီၪ ဝ့ၫ (၂၃)  နံၪ့အခံၫ့နီၪ ဘၪ ထွ့ၪလၧ ဆၧလီၩလၩ့လၬလၩ့ ဆၧၥၭထိၬအပရၧၫ့အဂဲး ကွ့ၭထုၬဖျီၪထၪ့ ထၬ လံၬလဲ က ဘၪၥီၪ့ၥၫ့ဝ့ၫ အဂး နီၪ လီၫႉ အဝ့ၫမၩ ဆၧအီၪကီၪ့အဆၧမၩနီၪ လအၪ့န့ ဘၪ အလံၩ့ အလဲၪအကၠီၩ့ ၦၡၩၥံၪ အဲၪဒိၭအဝ့ၫဒိၪမၬဒ့ၭနီၪလီၫႉ  ၦၡၩအဲၪဒိၭအဝ့ၫနီၪ ဘၪထွ့ၪလၧ အဝ့ၫအကျိၪ စ့ၩအီၪအဖၫ့ခိၪမွဲအ့ၬႉ အဝ့ၫအီၪၥၭမၧၫ့လၧ အတခ့ၭဖဝၭ အဂ့ၩဖၧၩ့ အဂဲး ႇ အၪ့ဎၬထိၪတွၭဆၧ ကြၨၭတီၩ အဂဲးဒဲ လုထၪ့လၩ့အၥၭလၧ ယွၩအီၪလူၬထူၭလူၬဆံၫ့အကၠီၩ့ ၦၡၩၥံၪအၥၭ ဆုးလၩ့အီၪ လၧ အဝ့ၫအဖၫ့ခိၪ ဘဲၫယီၩၥိၭနီၪလီၫႉ

          ထၧၫ့ဖုဝဲထံၩၥိၭၥံၪဧ့ ႇ ဝံၫလျၫ့ ဘိၩဒ့ၩယီၩဖီၪ့ထၪ့ဖံၭထၪ့ ဆၧအီၪကီၪ့အဆၧမၩ လၧၥုၪ့ၥၭအဂ့ၩထုၬႇ ၥုၪ့ဆုး လၩ့ ၥၭဆုးလၩ့အီၪဝ့ၫ အဒိၪထုၬလါနၫ့ အဆၧၥၭမၧၫ့နီၪ အီၪ ဘၪဝ့ၫလၧ ဂၪ့ခိၪချိၫ့ဖၧၩ့ ယီၩ အခံၫ့လယံၬ ဘၪနီၪ လီၫႉ အဝ့ၫနီၪ ဘၪၥံၫဝ့ၫဒၪလၧ ခိၪနူၬထီၪ့ဖျါဆၧဆၫ ဂီၩ့ အဝ့ၫလၥံၫဒံၭ ဘၪနီၪ ကွ့ၭထၬလံၬဆၧၥံၫအဂးနီၪလီၫႉ လၧဆၧၥံၫအဂးကွ့ၭထၬလံၬလဲဖၧၩ့ ကအီၪက့ၪထးထၬ အကျိၪစ့ၩ ႇ အဆၧပၧၩ့ဆၧဎီးၥံၪလဖၪနီၪ အဝ့ၫၥံၫကကၠၪ အီၪက့ၪထးထၬဝ့ၫအၪနဲၩန့ အဆၧကွ့ၭ ထၬအီၪဝဲၩနီၪလီၫႉ ဝံၫလျၫ့ ဘိၩဒ့ၩ အီၪက့ၪထၬ အဆၧထိထီၫနီၪ မွဲဝ့ၫ “ ကအီၪက့ၪထၬအဝ့ၫအဂး ဆၧလိၪနးမံၩ့အ့ၬ ႇ ခ့ၭထဲၩ့အလးခဲၫ့အ့ၬ ႇ အဆၧဖံၭဆၧမၩအဖၫ့ခိၪ ၥုၪ့ၥၭလမုၬ ဘၪ ဆၧနီၫ့ယါ ကကဲၪထၪ့အဂဲး မၩဝ့ၫအ့ၬနီၪလီၫႉ”

          ထၧၫ့ဖုဝဲထံၩၥိၭထီးအလူၬၥံၪဧႉႇ ဝံၫလျၫ့ ဘိၩဒ့ၩ အဆၧၥၭမၧၫ့အခံၫ့ အီၪၥၭမၧၫ့အ့ၪ ၦဂူၫဂၩၥံၪ ဘဲၫၥ့ၪလဲၪအဂဲး ႇ ဖီၪ့ထၪ့ဖံၭထၪ့ ဆၧအီၪကီၪ့အဆၧဖံၭဆၧမၩ ဘဲၫၥ့ၪလဲၪအဂဲး မွဲဝ့ၫဒၪ ထၨၪယီၩလီၫႉ ထၧၫ့ဖုဝဲထံၩၥိၭအဖၫ့ခိၪ မွဲယွၩ အဆၧဆိၪဂ့ၩဆိၪ ဘွၩ လၩ့ယွၩဝ့ၫဒၪလၧ နၥံၪအီၪ ကိၭဒံၩကိၭဂၩလါဆံၭႉ

ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪမူၪခွၫလၧအအီၪအနိၫ့ အဆၧရၩလၩ့ဖၧၩ့ မုကနံၩ ယီၩ ယအဲၪဒိၭ ရၩလၩ့န့အ့ၪ ဘၪနၥံၪနီၪမွဲဝ့ၫဒၪ ဝံၫလျၫ့ ဘိၩဒ့ၩ အဂဲးအကၠီၩ့နီၪလီၫႉ ဝံၫလျၫ့ ဘိၩဒ့ၩ ယီၩမွဲဝ့ၫ ၦကဲၪဒိၪဖိၪလဂၩ လါနၫ့ အကျိၪစ့ၩလဖၪနီၪ ဘဲၫအဝ့ၫအၥၭအီၪၥိၭ လၥိၩ့ ဘၪဝ့ၫနီၪလီၫႉ လၧအကျိၪစ့ၩအဖၫ့ခိၪ ၥိၩ့ဝ့ၫဒၪလၧ ဆၧအၪ့ ဎၬထိၪတွၭဖၧၩ့အကၠီၩ့ ၦဂူၫဂၩၥံၪလၥ့ၪယၫ ဘၪအဝ့ၫ လၧ ဆၧကဲၪဒိၪဖိၪလဂၩနီၪလီၫႉ အဝ့ၫအကျိၪစ့ၩ ႇ အဆၧပၧၩ့ဆၧဎီး လဖၪနီၪ လအီၪက့ၪထၬ ဘၪဝ့ၫ ဘဲၫအဝ့ၫ အဆၧၥိၭနီၪလီၫႉ ၦဂူၫဂၩၥံၪ အၪ့မၧၫ့အဝ့ၫအၪ့ဎွ့ၩ လဲၪၥိၪလါနၫ့ အဝ့ၫလအၪ့ဎွ့ၩ ဘၪဝ့ၫနီၪလီၫႉ ဆၧလဖၪၥံၪယီၩအဝ့ၫအဂး မွဲဝ့ၫ ဆၧအီၪဂီၩ့အီၪစၪ နီၪလီၫႉ ဝံၫလျၫ့ ဘိၩဒ့ၩယီၩ အီၪလၧ ၦအၡၪ့ဖိၪၥံၪကၠၧၫ့ကၠၧၫ့ဂီၩ့ အ့ၪ ဘၪလ့ၩဆၧထဲၩ့ဆၧအီၪစွါဘဲၫ ထၪ့ထူၬဝ့ၫဒၪမွဲလဲၪ့နီၪလီၫႉ

          အဝ့ၫဂဲၫဎိၩထၪ့ကကၠၪ ထၪ့ဆၧမၩလိၪလၧ ဆၧအီၪကီၪ့ ဘျၪ့ကိၪ့ဒိၪလးဖၧၩ့အခံၫ့ ၦအီၩၥံၭ ထံၫဂၬထံၫဆါ ၥံၪအဂး ၥုၪ့ထၪ့အ့ၪဝ့ၫဒၪ ဆၧအီၪကီၪ့ ဆၧမၩလးနီၪလီၫႉ ဝံၫလျၫ့ ဘိၩဒ့ၩ အၥၭအီၪ ဝ့ၫ (၂၃)  နံၪ့အခံၫ့နီၪ ဘၪ ထွ့ၪလၧ ဆၧလီၩလၩ့လၬလၩ့ ဆၧၥၭထိၬအပရၧၫ့အဂဲး ကွ့ၭထုၬဖျီၪထၪ့ ထၬ လံၬလဲ က ဘၪၥီၪ့ၥၫ့ဝ့ၫ အဂး နီၪ လီၫႉ အဝ့ၫမၩ ဆၧအီၪကီၪ့အဆၧမၩနီၪ လအၪ့န့ ဘၪ အလံၩ့ အလဲၪအကၠီၩ့ ၦၡၩၥံၪ အဲၪဒိၭအဝ့ၫဒိၪမၬဒ့ၭနီၪလီၫႉ  ၦၡၩအဲၪဒိၭအဝ့ၫနီၪ ဘၪထွ့ၪလၧ အဝ့ၫအကျိၪ စ့ၩအီၪအဖၫ့ခိၪမွဲအ့ၬႉ အဝ့ၫအီၪၥၭမၧၫ့လၧ အတခ့ၭဖဝၭ အဂ့ၩဖၧၩ့ အဂဲး ႇ အၪ့ဎၬထိၪတွၭဆၧ ကြၨၭတီၩ အဂဲးဒဲ လုထၪ့လၩ့အၥၭလၧ ယွၩအီၪလူၬထူၭလူၬဆံၫ့အကၠီၩ့ ၦၡၩၥံၪအၥၭ ဆုးလၩ့အီၪ လၧ အဝ့ၫအဖၫ့ခိၪ ဘဲၫယီၩၥိၭနီၪလီၫႉ

          ထၧၫ့ဖုဝဲထံၩၥိၭၥံၪဧ့ ႇ ဝံၫလျၫ့ ဘိၩဒ့ၩယီၩဖီၪ့ထၪ့ဖံၭထၪ့ ဆၧအီၪကီၪ့အဆၧမၩ လၧၥုၪ့ၥၭအဂ့ၩထုၬႇ ၥုၪ့ဆုး လၩ့ ၥၭဆုးလၩ့အီၪဝ့ၫ အဒိၪထုၬလါနၫ့ အဆၧၥၭမၧၫ့နီၪ အီၪ ဘၪဝ့ၫလၧ ဂၪ့ခိၪချိၫ့ဖၧၩ့ ယီၩ အခံၫ့လယံၬ ဘၪနီၪ လီၫႉ အဝ့ၫနီၪ ဘၪၥံၫဝ့ၫဒၪလၧ ခိၪနူၬထီၪ့ဖျါဆၧဆၫ ဂီၩ့ အဝ့ၫလၥံၫဒံၭ ဘၪနီၪ ကွ့ၭထၬလံၬဆၧၥံၫအဂးနီၪလီၫႉ လၧဆၧၥံၫအဂးကွ့ၭထၬလံၬလဲဖၧၩ့ ကအီၪက့ၪထးထၬ အကျိၪစ့ၩ ႇ အဆၧပၧၩ့ဆၧဎီးၥံၪလဖၪနီၪ အဝ့ၫၥံၫကကၠၪ အီၪက့ၪထးထၬဝ့ၫအၪနဲၩန့ အဆၧကွ့ၭ ထၬအီၪဝဲၩနီၪလီၫႉ ဝံၫလျၫ့ ဘိၩဒ့ၩ အီၪက့ၪထၬ အဆၧထိထီၫနီၪ မွဲဝ့ၫ “ ကအီၪက့ၪထၬအဝ့ၫအဂး ဆၧလိၪနးမံၩ့အ့ၬ ႇ ခ့ၭထဲၩ့အလးခဲၫ့အ့ၬ ႇ အဆၧဖံၭဆၧမၩအဖၫ့ခိၪ ၥုၪ့ၥၭလမုၬ ဘၪ ဆၧနီၫ့ယါ ကကဲၪထၪ့အဂဲး မၩဝ့ၫအ့ၬနီၪလီၫႉ”

          ထၧၫ့ဖုဝဲထံၩၥိၭထီးအလူၬၥံၪဧႉႇ ဝံၫလျၫ့ ဘိၩဒ့ၩ အဆၧၥၭမၧၫ့အခံၫ့ အီၪၥၭမၧၫ့အ့ၪ ၦဂူၫဂၩၥံၪ ဘဲၫၥ့ၪလဲၪအဂဲး ႇ ဖီၪ့ထၪ့ဖံၭထၪ့ ဆၧအီၪကီၪ့အဆၧဖံၭဆၧမၩ ဘဲၫၥ့ၪလဲၪအဂဲး မွဲဝ့ၫဒၪ ထၨၪယီၩလီၫႉ ထၧၫ့ဖုဝဲထံၩၥိၭအဖၫ့ခိၪ မွဲယွၩ အဆၧဆိၪဂ့ၩဆိၪ ဘွၩ လၩ့ယွၩဝ့ၫဒၪလၧ နၥံၪအီၪ ကိၭဒံၩကိၭဂၩလါဆံၭႉ