ဘၫစံၩလံၫအိၫကလၭ

ထၧၫ့ဖုဝဲထံၩၥိၭထီးလူၬၥံၪဧႉႇ မံၩ့ဎိၩၥၪဖျီၪမုၪခွၫလၧအအီၪအနိၫ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭရၩလၩ့န့အ့ၪ ဘၪ နၥံၪနီၪ ၦအဒဲၩ့ဖိၪလဂၩ အမံၩ့မွဲဝ့ၫ ဘၫစံၩလံၫ အိၫကလၭ အဂဲးအကၠီၩ့ နီၪလီၫႉ ဘၫစံၫလံၫအိၫကလၭ အမိမိနီၪ မွဲဝ့ၫခး ဖံလံပံၩ့မုၪဖိၪ ဂီၩ့ အဖါဖါနီၪမွဲဝ့ၫခးအမ့ၫရံက ဖိၪ လဂၩနီၪလီၫႉ ဘၫစံၩလံၫအိၫ အဖါဖါနီၪ လဲၪ့ၥိၪစုၭ ထဲး ဘၪအဝ့ၫအကၠီၩ့ ဘၫစံၫလံၫအိၫၥံၪ ခၪ့ဖျီၪ လၧ အၥၭဆံၭအခံၫ့အိၩ အဖါဖါၥံၫဒၪခွံၬ ယူၭနီၪလီၫႉ  ဘၫစံၩလံၫအိၫ အဖါဖါၥံၫဂီၩ့ အမိမိဒဲ အထၧၫ့ ဖုဝဲၥံၪနီၪ ကဘၪအၪ့ က ဘၪအီၪအဂး ဆၧလၧၫ့ဆၧဎွ့ၩ လအီၪ ဘၪနီၪလီၫႉ မွဲဆၧနီၪ ဘၫစံၫလံၫ အိၫ လဂၩ အၪ့ဂူၪအၪ့ ဆၧအၪ့ဆၧအီၩၥံၪလၧ ဖၧၩ့ၥၭနဲၩ့ ၦၡၩ အၪ့ဆၫဆၧအလးဂီၩ့ အဝ့ၫ အဆၧၥၭ မၧၫ့နီၪ မၧၫ့ထၪ့ဝ့ၫဒၪလၧ ဖၧၩ့ၥၭဖၩ့ခိၪနီၪလီၫႉ

        ထၧၫ့ဖုဝဲထံၩၥိၭၥံၪဧႉ ႇ ဘၫစံၩလံၫအိၫကလၭ ဂဲၫလိၪဘီၩ့ထၪ့အၥၭအခံၫ့  ကဲၪထၪ့ ၦအၪ့ ဂူၬ ဆၧ ႇ ၦအၪ့ဂူၪဆၧ ႇ ၦထမျၬဆၧ ႇ ၦမၩၥံၪဆၧ ခရၧၫ့လလးဖၧၩ့ ခိၪနါလဂၩနီၪလီၫႉ မုကနၩတၭ ဘၫစံၩလံၫအိၫလဂၩ လၧ အဝ့ၫအခရၧၫ့ဖိၪၥံၪကၠၧၫ့ ကၠၧၫ့ နုၬလၩ့မံၫလၧ ဆၧအိၩလးလလးဖၧၩ့အခံၫ့ ၦဒူၩယၪ့ဖိၪၥံၪ ဖီၪ့ချုၭန့ အဝ့ၫၥံၪနီၪ လီၫႉ ဘၫစံၫလံၫအိၫကလၭ အလိၬၥၭၥံၪနီၪ မွဲဝ့ၫၦအဒဲၩ့ဖိၪ ၥံၪ တၭ ဘၪထိးဖီၪ့အၥၭ ကကၠၪ ၦစ့ၩရၫ့ခွးၥံၪ အဆၧယၫ့ၥၭ လအီၪ ဘၪလၧ အဝ့ၫၥံၪအဖၫ့ခိၪနီၪလီၫႉ က ဘၪဆၧမၩၥံၫအဝ့ၫၥံၪလၧ စီၩ့ဂဲး ဆၧၫ့နၩ့လး ဖၧၩ့နီၪလီၫႉ ဘၫစံၫလံၫအိၫဒဲ အလိၬၥၭၥံၪ နီၪ ကဘၪ ထိးၥံၫအၥၭ ဘဲၫယီၩၥိၭအဂး ဆၧၥၭမဲၪကဲၪထၪ့ဎိၩဒိၪတၭ အလိၬၥၭ ခွံၫဂၩ နီၪ ဆၧၫ့နၩ့အီၪ လးဝၩ့ဒၩ့ဂီၩ့ အီၩၥံၫလၩ့အၥၭလၧ ၥံၪ့ဎွံၪ အစုၪအီၪနီၪလီၫႉ ၥံၪ့ဎွံၪအစုၪ ယီၩ အလိၬၥၭခွံၫဂၩလူၬ အီၩဝ့ၫ ဒၪလါနၫ့  လၥံၫ ဘၪအီၪထးဝ့ၫဒၪနီၪ မွဲဝ့ၫ ဘၫစံၫလံၫ အိၫ ကလၭနီၪလီၫႉလၥံၫ ဘၪလါနၫ့ အမ့ၬ ၥၪ နံၫဖျိၪ့နီၪ ဒၪဆၧလၥ့ၪလၧၩ့ ဘၪနီၪလီၫႉ မွဲဆၧနီ ဘၫစံၩလံၫအိၫလဂၩ က ဘၪထိးၥံၫအၥၭလၧ စီၩ့ဂဲး ဆၧၫ့နၩ့လးဖၧၩ့အဂးဘၪ ခိၭ ဝ့ၫဒၪနီၪလီၫႉ  က ဘၪထိးၥံၫအၥၭမုနံၩကထီၩ့အဂး ခိၭဝ့ၫ အခံၫ့ ဘၪဒီၪနါခိၭနၪ ဆၧရၩလၩ့လၧ လၫ့ခွ့ၩလူဖၧၩ့တၭ လၫ့ခွ့ၩလူ အဆၧရၩလၩ့ဖၧၩ့နီၪ ရၩလၩ့ဝ့ၫဒၪ ယွၩအ ဆၧ ၥီၪ့ဆၧၥၫ့ လမံၩ့လီၫအကၠီၩ့ ဘၫစံၩလံၫအိၫကလၭ လဂၩ န့ထၪ့ ဆၧနီၫ့ယါဂီၩ့  ထွံၩလၩ့အခၪ့ ထိးဆၧၫ့ထဲၩ့ ကဆါယွၩလၧ ဆၧနီၫ့ယါ ဎိၩဒိၪဖၧၩ့နီၪလီၫႉ

        လခဲၫ့ထုၬ ခးဖံလံပံၩ့ ထံၫခးခိၪနါနီၪ ကွဲၪဖျါခွံၬ ဘၫစံၩလံၫအိၫကလၭ အဆၧမၪ ဂီၩ့ ဖ့ၪဖီၩ့ဖျ့ၭ အ့ၪဝ့ၫဒၪလၧ  က ဘၪထိးၥံၫၥၭ အလးဖၧၩ့နီၪလီၫႉ လမွဲလၧၩ့ ဘၪၦအဒဲၩ့ ဘၫစံၩလံၫအိၫကလၭယီၩ အမ့ၬၥၪနံၫဖျိၪ့ ဒၪဆၧလၥ့ၪလၧၩ့ ဘၪလါနၫ့  ဆၧဆူနဲၩ ကဲၪ ထၪ့လၧ ယွၩအဖၫ့ခိၪ ဘဲၫၥ့ၪလဲၪ ဂဲၫ ထဲၩ့ အၪ့နၩ့ ဖ့ၪၥ့ၪယၫထဲၩ့အ့ၪ ၦဂူၫဂၩၥံၪနီၪလီၫႉ ၦ အဒဲၩ့ဖိၪ ဘၫစံၩလံၫအိၫကလၭ အဂဲးအဖးယီၩ မွဲဝ့ၫဒၪထၧၫ့ယီၩလီၫႉ မွဲနၥံၪလၧၫ့ဎွ့ၩဝ့ၫ ဒၪလၧ ယွၩအဆၧယၫ့ၥုၪ့ယၫ့ၥၭ ကိၭဂၩလါဆံၭႉ

Add new comment

16 + 3 =