ဘရၫဇံၩ ခၩ့ခိၪဒိၪ ဖနၩ့ဒိၪ ဟံၫရံၫကွံၩ ကၫဒိၩစိၫ

လၧဆၧအဲၪဆၧကွံၩဖၧၩ့ ထၧၫ့ဖုဝဲထံၩၥိၭထီးအလူၬၥံၪဧ့ႇ မံၩ့ဎိၩၥၪဖျီၪ မုၪခွၫလၧ အအီၪအနိၫ့ အဆၧရၩလၩ့ဖၧၩ့ မုကနံၩယီၩ ယအဲၪဒိၭရၩလၩ့န့အ့ၪ ဘၪနၥံၪနီၪ မွဲဝ့ၫဒၪ ခး ဘရၫဇံၩ ခၩ့ခိၪဒိၪ ဖနၩ့ဒိၪ ဟံၫရံၫကွံၩ ကၫဒိၩစိၫ အဂဲးအကၠီၩ့နီၪလီၫႉ ဖနၩ့ဒိၪ ဟံၫရံၫကွံၩ ကၫဒိၩစိၫ ယီၩ အီၪဖျဲၪလၧ နံၪ့ ၁၉၃၁ နံၪ့ လၧ ဘရၫဇံၩ ထံၫခး နီၪလီၫႉ ကၫဒိၩစိၫ နုၬလၩ့လၧ ထံၫဂဲးခးဂဲး အဆၧမၩဖၧၩ့နီၪ မွဲဝ့ၫလၧ အၥၭအီၪဝ့ၫ (၅၅) နံၪ့ နံၪ့ ၁၉၈၆ နံၪ့ အခံၫ့အိၩနီၪလီၫႉ နံၪ့ ၁၉၈၈ နံၪ့ နီၪ ၥုၪ့ထၪ့ ဘရၫဇံၩ ဆိၫၡဲၫ ဒံၫမိၫ ခရဲတ့ၭ ခရၧၫ့နီၪလီၫႉ ထီၩ့ထဲၩ့နံၪ့ ၁၉၉၂ နံၪ့နီၪ ခၩ့ခိၪဒိၪ ဖနၩ့ဒိၪနီၪ ဘၪထိးအီၪက့ၪ ဆၧမၪလၧ အဝ့ၫအဖၫ့ခိၪအကၠီၩ့ ဘၪစဲၪ့ထၪ့ လၧ အဝ့ၫ အခၩ့ခိၪဒိၪ အလးဂီၩ့ ဘၪကဲၪ ထၪ့ထဲၩ့ ကျိၪစ့ၩခၩ့ဒိၪ နီၪလီၫႉ
ကၫဒိၩစိၫယီၩ နံၪ့ ၁၉၉၄ နံၪ့နီၪ နုၬလၩ့ ထိးရွံအၥၭလၧ ခၩ့ခိၪဒိၪ အလးတၭ ခီၫ့ၡၩဂဲး ၦၡၩၥံၪ အဆၧထိးဆၧၫ့အကၠီၩ့ န့ထၪ့ဘၪ ဆၧအနၧၩ့ နီၪလီၫႉ အဝ့ၫကဲၪ ခၩ့ခိၪဒိၪအခံၫ့ ထံၫခးဂူၫဂၩ အဆၧဆုးကျိၭ မၩဂုထၪ့အၪထၪ့ဝ့ၫဂီၩ့ ခီၫ့ၡၩဂဲး အဆၧမၩ အၪ့လဲၩထၪ့ထဲၩ့ဝ့ၫဒၪ လကၭဒံၭဘၪ ဘၪထွ့ၪလၧ ဆၧကိၪ့ဘၪကိၪ့ၥ့ၪ အဆၧမၩအဂးႇ ၡၩခံးဂး အဆၧမၩအဂး ဖ့ၪအ့ၪဝ့ၫ ကျိၪစ့ၩအဆၧမၩဆၧၩ့နီၪလီၫႉ နံၪ့ ၁၉၉၇ နံၪ့နီၪ ခၩ့ခိၪဒိၪ အဆၧပၧၩ့အခံၫ့ ကမၩအၪထၪ့ဝ့ၫအဂး အၪ့လဲၩထၪ့ထဲၩ့ ဆၧကၧၩ့ထၪ့ ထံၫခး အၥနိၫအခၪ့ထံၭဂီၩ့ ကၫဒိၩဆိၫ ဘၪထိးရွံထၪ့ထဲၩ့အၥၭ နံၫဘျၩ့လဘျၩ့ ခၩ့ခိၪဒိၪအလး နီၪလီၫႉ ကၫဒိၩဆိၫယီၩ လၧ ခးဘရၫဇံၩ ဘၪထိးရွံအၥၭ နံၫဘျၩ့လဘျၩ့ ခၩ့ခိၪဖၧၩ့ မွဲဝ့ၫ အဂုခိၪထုၬ လဂၩနီၪလီၫႉ လါနၫ့ အခံၫ့ အနီၪအိၩ ထံၫခးအကျိၪစ့ၩ ဆၧကၪဆၧဂဲၩ အီၪဝ့ၫဒၪအကၠီၩ့ ထံၫခးဖိၪၥံၪ ကျိၪစ့ၩအဆၧၥိၩ့ ကအီၪက့ၪလၩ့ၡၩဝ့ၫအဂး အဆၧဆၪ့ ထွ့ၪအီၪဝ့ၫဒၪနီၪလီၫႉ ဘရၫဇံၩ ခၩ့ခိၪဒိၪ ကၫဒိၩဆိၫယီၩ နံၪ့ ၂၀၀၃ နံၪ့နီၪ စဲၪ့ထၪ့ထဲၩ့ လၧ ခၩ့ခိၪဒိၪအလးနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭ ထီးအလူၬၥံၪဧႉ ႇ ၦအဘၪ ထိးရွံအၥၭ ဘရၫဇံၩ ခၩ့ခိၪဒိၪ နံၫဘျၩ့လဘျၩ့ အဂုခိၪထုၬ ဖနၩ့ဒိၪ ဟံၫရံၫကွံၩ ကၫဒိၩဆိၫ အဂဲး မွဲဝ့ၫထၨၫယီၩလီၫႉ မွဲနၥံၪလၧၫ့ဎွ့ၩဝ့ၫဒၪလၧ ကဆါယွၩ အဆၧဆိၪဂ့ၩ ဆိၪဘွၩ ကိၭဒံၩကိၭဂၩလါဆံၭႉ