ဒီၫဆ့ၫထရီမ့ၩ

ထၧၫ့ဖုဝဲထံၩၥိၭထီးအလူၬၥံၪဧႉႇ မံၩ့ဎိၩၥၪဖျီၪ မူၪခွၫလၧအအီၪအနိၫ့ အဆၧရၩလၩ့ဖၧၩ့ မုက နံၩယီၩ ယအဲၪ ဒိၭရၩလၩ့န့အ့ၪ ဘၪနၥံၪနီၪမွဲဝ့ၫဒၪ ၦအီၩၥံၭထံၫဂၬထံၫ ဂီၩ့ ဖီလံၬဆံၫ့ဎံၪအကၠီၩ့ ဆၧ အၪ့ လဲၩထၪ့ထဲၩ့အၥၭလၧ ယွၩအဆၧဖံၬဆၧမၩဖၧၩ့ ၦမၩဆၧဖိၪလဂၩ ဒီၫဆ့ၫထရီမ့ၩ အဂဲးနီၪလီၫႉ ဒီၫဆ့ၫထရီမ့ၩယီၩ ထၪ့ဆၧမၩလိၪ တၩ့ထီၫ အခံၫ့အီၩ ဘၪဆၧထိးရွံထၪ့အၥၭလၧ ဆၧမၩလိၪဖိၪၥံၪ အခိၪနါ ႇ ဆၧမၩလိၪဖိၪၥံၪ အခီၩ့စၧၩ့လးဖၧၩ့ ဘၪကဲၪ ပၧၩ့လး ဆၧၫ့နၩ့ ခိၪနါ ႇ ဘၭစကဲၭဘီၩ စကွ့ၩ အလးဖၧၩ့ ဘၪကဲၪ ခရၧၫ့ခိၪနါ ႇ အဆၧမၩလိၪလးဖၧၩ့နီၪ ဒီၫဆ့ၫ ထရီမ့ၩယီၩ မွဲဝ့ၫ ၦအဂ့ၩဒိၪထုၬလ ဂၩလီၫႉ ထၪ့ဆၧမၩလိၪဂီၩ့ကကၠၪ အဝ့ၫအဆၧၥၭမၧၫ့နီၪ  အီၪဝ့ၫဒၪလၧ ဆၧ လဂ့ၩလဘၪ ဘၪ ဖၧၩ့ ၥၭဖၧၩ့နီၪလီၫႉ မၩ ဆၧအနၧၩ့အစၪ အဆၧမၩ ႇ အီၩၥံၭထံၫဂၬထံၫ ဖၧၩ့ အခံၫ့လူၬ ဝ့ၫဒၪ နီၪလီၫႉ

          မၧၩ့ၥံၭထံၫဂၬထံၫ ကနံၩတၭ အီၪက့ၪထၬအလဲၪ့ၥိၪလၧ အဝ့ၫအနဲၩ့ထံၭလီၫလါနၫ့ လဒၪဘၪ ဝ့ၫကကၠၪ ဂၭဖၭကံၭကၭကံၭကၭ လၧ ဖၧၩ့ၥၭ ထၧၫ့ဘီၩ့ယၫ အဝ့ၫကဂၩလီၫအကၠီၩ့ ၦဒူၩဖိၪလဂၩ ဒၪအဝ့ၫတၭ အၪ့စၪ့ဘၪအဝ့ၫ “ နဘၪနၥၭ နဆၧၥၭမၧၫ့ ဘဲၫယီၩၥိၭနီၪဧၪ” အနီၪတၭ ဒီၫဆၫ့ထရီမ့ၫ စံၭထဲၩ့ဘၪ ၦဒူၩဖိၪ မ့ၬလဲၩ ဆၧၥၭမၧၫ့ယီၩ အကၠီၩ့နီၪလီၫႉ ၦဒူၩဖိၪယီၩ လစ့ၩရၫ့ဘၪ  အဝ့ၫနးမံၩ့ဂီၩ့ ဖ့ၪဂဲးဖ့ၪဘၭအ့ၪ ဒီၫဆ့ၫထရီမ့ၩလၧ ဆၧချဲၩ့ၡၩမီၪ့နီၪလီၫႉ

          ၦဒူၩဖိၪအဆၧဖံၭဆၧမၩယီၩ ဒီၫဆ့ၫထရီမ့ၩအဂး ကဲၪထၪ့ ဆၧအၪ့လဲၩထၪ့ၥၭနီၪလီၫႉ ဘၪထၪ့ ဘၩယွၩလၧ ဎြံၬဆၧအီၪကီၪ့လးကလးဖၧၩ့တၭ ဘၪဆၧအၪ့မၧၫ့ဖီလံၬဆံၫ့ဎံၪနီၪလီၫႉ ဘၪဆၧအၪ့မၧၫ့ဖီလံၬဆံၫ့ဎံၪ ဘဲၫယီၩၥိၭ မုနွံၫယံၬထၪ့ကကၠၪ လံၬဆံၫ့ဎံၪယီၩ ဘၪအဝ့ၫအၥုၪ့အၥၭ ယူၬနီၪလီၫႉ အၪ့ဎၬထၪ့လံၬဆံၫ့ဎံၪယီၩဂီၩ့ အဝ့ၫအၥၭ ခံဖၧၩ့ အဲၪဒိၭထုၬဆၧၫ့ထၪ့ ကဆါဎြံၬယူၬနီၪ လီၫႉ ယွၩအလူအထၫ အစီၩ့အမၩ့နီၪ အၪ့လဲၩထၪ့ခွံၬအဝ့ၫအၥၭအကၠီၩ့ ဆၧအၪ့ကံၩ့ဘၩဆိၪဖၪဆၧ ဖၧၩ့ ႇ ဆၧဘိၪ့ထၪ့ဘၩထၪ့ဆၧဖၧၩ့ ႇ ဎီးၡၩအဆၧမၩလးဖၧၩ့ ႇ နးၥၭအဆၧဖံၭဆၧမၩ ကဎိၩထၪ့ဒိၪထၪ့ ဘဲၫၥ့ၪလဲၪအဂဲး ဆၧၥ့ၪယၫ အၪထၪ့ဝ့ၫဒၪနီၪလီၫႉ

          ထရီမ့ၩယီၩ အဆၧၥ့ၪယၫနၪၥ့ၪန့ထၪ့လဖၪနီၪ အၪ့နၩ့ဖ့ၪၥ့ၪယၫထဲၩ့အ့ၪ ၦဂူၫဂၩၥံၪအကၠီၩ့ ၦၡၩၥ့ၪယၫ ထၪ့ထဲၩ့ ကဆါယွၩ အီၪဝ့ၫဒၪအၪမၬဒ့ၭနီၪလီၫႉလခဲၫ့ၥုၪ့ထၪ့ နၫဘံၫဂၩတၫ ခရၧၫ့ဂီၩ့ လၧ အဆၧဖံၭဆၧမၩ လး ဖၧၩ့ယီၩ မၩဂုးထၪ့အၪထၪ့ ၦအဆူနဲၩကဆါဎြံၬ အီၪဝ့ၫဒၪ ဎိၩဒိၪ အဂုးအခၧၫ့ ယူၭနီၪလီၫႉ ထရီမ့ၩၥ့ၪယၫထၪ့ဘၪဝ့ၫ လံၬဆံၫ့ဎံၪအဆၧၥီၪ့ဆၧၥၫ့နီၪ ပကဘၪ ၥ့ၪယၫနၪၥ့ၪ လမံၩ့ လီၫ လမွဲဘၪဂီၩ့ ပကဘၪအီၪၥၭမၧၫ့လၧ ပဆၧၥၭမၧၫ့ ဖၧၩ့ အဂဲးအကၠီၩ့နီၪလီၫႉ ဒီၫဆ့ၫထရီမ့ၩယီၩ လုထၪ့လၩ့အၥၭလၧ ယွၩအီၪ ဖီၪ့ထၪ့ဖံၭထၪ့ ယွၩအဆၧဖံၭဆၧမၩ လူၬဂဲးလူၬဘၭနီၪလီၫႉ ၦၡၩ ယါ ထံၫ လဂၩ လၩ့ဘၧၩ့အခံၫ့ အဝ့ၫလ့ၩ ကၠူၭတၭ အဝ့ၫလၩ့ဘၧၩ့ထဲးဂီၩ့ အၥၭ ဘၪၥံၫ ခွံၬဝ့ၫဒၪ ဘဲၫယီၩ ၥိၭနီၪလီၫႉ အဲၪကွံၩဘၪ ထၧၫ့ဖုဝဲထံၩၥိၭၥံၫဧႉႇ ဒီၫဆ့ၫထရီမ့ၩယီၩ အဆၧၥၭမၧၫ့အဂုခိၪနီၪ မွဲဝ့ၫဒၪ ၦအီၩၥံၭအီၩဂၬ ႇ ဆၧအနၧၩ့အစၪအဆၧမၩဖၧၩ့ အီၪၥၭမၧၫ့ဝ့ၫလါနၫ့ ဖီလံၬဆံၫ့ဎံၪ အၪထၪ့ဝ့ၫကကၠၪ ၥၭဆၧ အၪ့လဲၩထၪ့ထဲၩ့အၥၭနီၪ လမွဲဘၪအဝ့ၫလဂၩဎးအဂးလီၫဂီၩ့ ၦၡၩၥံၪအၪအၪဂီးဂီးအဂးဆ့ ဖ့ၪအ့ၪဆၧဖၩ့န့ဝ့ၫဒၪ အကၠီၩ့ ယရၩလၩ့ဖ့ၪၥ့ၪယၫအ့ၪဘၪနၥံၪလၧ ဆၧအဲၪဆၧကွံၩဎိၩဒိၪဖၧၩ့နီၪလီၫႉ

Add new comment

2 + 2 =