ယိၩယိၩနံၪ့အထးဖၧၩ့ႇ  မုနွ့ၫ(၂၂) နွ့ၫလနွ့ၫ

အဲၪကွံၩဘၪထၧၫ့ဖုဝဲထီးလူၬၥံၪဧ့ႇ ကနံၩယီၩ ယိၩယိၩနံၪ့အထးဖၧၩ့ႇ  မုနွ့ၫ(၂၂) နွ့ၫလနွ့ၫႇ မုအီၪပွံၭနံၩလီၫႉ

လၧဆၧယိလါပၫရမံၫႇ ဆၧဆူနဲၩပၫရမံၫႇ ဆၧအဲၪကွံၩပၫရမံၫၥံၪနီၪ အကၧၩ့ဒိၪဝ့ၫအၥိၭႇ ဆၧဆၪ့လၩ့ၥၭပၫရမံၫနီၪ အကၧၩ့ဒိၪနၭမၬနီၪ ပလကြၨၭၥၭနၪ့ဘၪနီၪလီၫႉ အ့ၪမွဲပကလီၩ့ဎွါပၫရမံၫအဂူၫဂၩနီၪ အဆိၪထုၬ ပကဘၪမၩလိၪဆၧဆၪ့လၩ့ၥၭပၫရမံၫအဆိၪထုၬနီၪလီၫႉ

ၦဆံၫ့ဎံၪ ဂၠိၫ့ခရံဆီစတိၫ့စံၭဝ့ၫႇ ဆၧဆၪ့လၩ့ၥၭပၫရမံၫနီၪ ပၫရမံၫထီးလူၬအၥွံၪႇအထီၪ့အဖျါလီၫႉ လၧအၪ့အူၭ(၁၀၀:၁၈) ၦလၧအအီၪက့ၪဆၧဆၪ့လၩ့ၥၭနီၪ အၪ့ကံၩ့ဆၧဘၩဆိၪဖၪ ကဆါယွၩခိၭနၪလီၫႉႉႉ

ကဆါယ့ၫၡူၬအဆၧအီၪမၧၫ့အၥၭထၧၫ့ဆိၩယၫနီၪ အီၪယံၩယါဝ့ၫလၧ ဆၧဆၪ့လၩ့ၥၭနီၪလီၫႉႉႉစၭထၪ့လၧအီၪဖျဲၪထၪ့အခံၫ့ထီၩ့လၧအၥံၫလၧထုၪ့စူၪယၫအဖၫ့ခိၪ အၥၭဘီၩ့စဲၪထၪ့ခွံၬအခံၫ့ အီၪက့ၪအဆၧဆၪ့လၩ့ၥၭနီၪလီၫႉႉႉ

ပကဲၪၦၡၩလဖၪယီၩ ပအဲၪကွံၩဝ့ၫလၧ ပမံၩ့ကဂၧၫ့ထၪ့ၥၭလၩ့အဂး ပမိမၩ့ထၪ့ဖျီၪထၪ့ပၥၭ လၧၦၡၩအကျၩၥံၪနီၪလီၫႉ ပအဲၪကွံၩလၧၦၡၩၥံၪကအၪ့အူၭပၧၩအဂးနီၪလီၫႉႉႉ

မိမၫရံၫနီၪ ဘဲၫကဆါယ့ၫၡူၬအၥိၭႇ အဲၪကွံၩဘၪဆၧဆၪ့လၩ့ၥၭမၫရမံၫနီၪလီၫႉ လၧဆၧအဂဲးနီၪ ဘၪဆၧထိးရွံထၪ့ လၧကဆါယွၩအမိလဂၩနီၪလီၫႉ

လၧနးခီၫ့နးၥၭအဂဲး ဆၧဆၪ့လၩ့ၥၭနီၪအကၧၩ့ဒိၪဝ့ၧနီၪ ပဒၪဘၪလီၫႉ လၧအကၧၩ့ဒိၪဝ့ၫဒိၪပနါဂၧၫ့ဘၪ လၧလံၬဆံၫ့ဎံၪဖၧၩ့ၥိၭ ကဆါယ့ၫၡူၬႇ မိမၫရံၫၥံၪနဲၪထၬအ့ၪပၧၩဖၧၩ့ၥၭ လၧပကဘၪဖိၬဝ့ၫႇမၩဝ့ၫနီၪလီၫႉ လၧဆၧဆၪ့လၩ့ၥၭပၫရမံၫယီၩ ပဝ့ၫၥံၪယီၩ လၧပအီၪနီၪ အီၪဝ့ၫယူၭဧၪနီၪ ပကဘၪအၪ့စၪ့လၩ့ပၥၭကိၭဂၩနီၪလီၫႉ

ပဝ့ၫၥံၪလဖၪယီၩ ပကဘၪအီၪက့ၪဆၧဆၪ့လၩ့ၥၭအဆၧဆီၫ့မီၪႇ ဆၧဆၪ့လၩ့ၥၭအၥုၪ့အီၪၥၭအီၪ လၧဆၧချဲၩ့အမုၬအၡူၪႇႉႉ လၧဆၧဆၪ့လၩ့ၥၭဆၧဘၩဆိၪဖၪၥံၪလဖၪႇ ပကဘၪဖီၪ့ထၪ့ဖံၭထၪ့ပမူဒၩၥံၪနီၪလီၫႉ

ၦလၧအအီၪက့ၪဆၧဆၪ့လၩ့ၥၭနီၪ မွဲၦလၧအတီၩလီၩ့လဂၩတၭ ပၧၩ့ထၬဘၪပၫရမံၫထီးလူၬနီၪလီၫႉ ၦလၧအီၪက့ၪအဆၪ့လၩ့ၥၭနီၪ မွဲဝ့ၫၦလၧအဆၧကိၪ့ဘၪကိၪၥ့ၪအီၪဝ့ၫလီၫႉ ၦလၧအအီၪက့ၪဆၧဆၪ့လၩ့ၥၭလဖၪနီၪ မူၭခိၪဘၩ့မုးအလးနီၪ ကန့ဘၪဝ့ၫလၧအဒိၪထုၬအလးနီၪလီၫႉ

ဆၧအီၪက့ၪဆၧဆၪ့လၩ့ၥၭနီၪ မွဲဝ့ၫပၫရမံၫထီးလူၬအခၪ့ထံၭလီၫႉ ဆၧဆၪ့လၩ့ၥၭအ့ၪအီၪ