ဆၧမၩနၧၩ့ဂၪ့ခိၪ.

ယလီၩဘၪနၥံၪ တီၩတီၩလီၩ့လီၩ့ ယီၩ, ထီးဒၪနၥံၪအၪ့ကံၩ့ဆၧလမံၩ့လါလါလဖၪနီၪ လၧယမံၩ့အကၠီၩ့တၭ, အဝ့ၫဒၪမိဖ့ၪလၫ့နၥံၪလီၫ.- ခီးဘိၩ့နဲၪ့ယီၩ မွဲနၥံၪအၪ့ကံၩ့ဆၧလၧယမံၩ့အကၠီၩ့နးမံၩ့ဒံၭအ့ၬ. အၪ့ကံၩ့ဆံၭ, တၭနၥံၪမိန့ဘၪ ဘဲၫၥိၭနၥံၪအဆၧၥၭထိၬမိလၧၫ့ထၪ့ဎွ့ၩထၪ့ဝ့ၫဒၪလီၫ.

ဆၧယီၩလဖၪယလီၩဘၪယူၭ နၥံၪလၧဆၧချဲၩ့အဒီၩ့ယူၭ. ဆၧအဆၧၫ့အထီမိဘၪဝ့ၫ လၧယလီၩဘၪ လၧၩ့နၥံၪလၧဆၧချဲၩ့အဒီၩ့အ့ၬ. မွဲယမိလီၩဘၪနၥံၪ  လၧဖါအဂဲးအကၠီၪ့လၩ့ထံးလၩ့ဆ့ၭလီၫ.- ဆၧလၧမု လနံၩနီၪ နၥံၪမိအၪ့ကံၩ့ဆၧလၧယမံၩ့အကၠီၩ့တၭ, ယလလီၩဘၪနၥံၪ လၧယမိအၪ့ကံၩ့န့နၥံၪအဂး လၧဖါနီၪး- အဂဲးဘဲၫယီၩ မွဲနၥံၪအဲၪယၧၩ, နၥံၪနဲၩလၧယဂဲၫလၩ့ လၧယွၩအအီၪအကၠီၩ့တၭ, ဖါအနၫ့ဆါဒၪဝ့ၫ အဲၪနၥံၪလီၫ.- ယဂဲၫလၩ့လၧဖါအအီၪတၭ, ယထီၩ့လၩ့ယူၭလၧဂၪ့ခိၪချိၫ့ယီၩလီၫ. မၩဒီၭလဖၧၫ့ ယစဲၪ့ထၪ့ခွံၬလၧဂၪ့ခိၪတၭ, ယမိထဲၩ့ထၪ့ထဲၩ့လၧဖါအအီၪလီၫ.