ယ့ၫၡုၬဒဲအၫဘြဟၫ့

ယလီၩဘၪနၥံၪတီၩတီၩလီၩ့လီၩ့, ၦအ့ၪထီးန့ ယလူယထၫလဂၩဂၩနီၪ, အဆိၩဆိၩအကၠၪကၠၪၥံၫလၧၩ့နးဆိၭအ့ၬ.- ၦယုဒၫဖိၪၥံၪစံၭအဝ့ၫဒၪး ဘိၩ့နဲၪ့ယီၩပၥ့ၪယၫဆၧနၪအီၪလၧနလီၩ့လီၫ. စအၫဘြဟၫ့ဒဲမီၪၥံၪၥံၫယူၭတၭ, နဝ့ၫဒၪယီၩနစံၭ, ၦလဂၩဂၩအ့ၪထီးန့ယလူယထၫနီၪ, အဆိၩဆိၩအကၠၪကၠၪမိထဲးယိဘၪဆၧၥံၫနးဆိၭအ့ၬ.- နဝ့ၫဒၪယီၩ မွဲနဒိၪနဲၪ့ပဖါစအၫဘြဟၫ့လၧအၥံၫယူၭနီၪဆ့ဧၪ. မီၪ ၥံၪၥံၫယူၭတၭ, နဝ့ၫဒၪယီၩနအီၪက့ၪနၥၭလၧနမွဲပ လၫလဂၩလဲၪ.-

ယ့ၫၡုၬစံၭဆၧၫ့ဝ့ၫ, ယအ့ၪအၪ့အူၭလၩ့ယၥၭဒၪယဝ့ၫတၭ, ယဆၧအၪ့အူၭနီၪ မွဲဆၧပျီၩပျီၩလီၫ. ၦလၧအစံၭထၪ့အၪ့အူၭယၧၩ, မွဲယဖါလၧနၥံၪစံၭ, မွဲနၥံၪအယွၩနီၪလီၫ.- နၥံၪၥ့ၪယၫအဝ့ၫအ့ၬ. အ့ၪမွဲယဝ့ၫဒၪယီၩ ယၥ့ၪယၫအဝ့ၫတၭ, ယအ့ၪစံၭလၧယလၥ့ၪယၫဘၪနီၪ, ယကဲၪထၪ့ၦချဲၩ့ဘျံၭချဲၩ့ဘျၪဆၧ ဘဲၫနၥံၪအၥိၭလီၫ. မွဲလါနၫ့ဘိၩ, ယၥ့ၪယၫ အဝ့ၫနီၪတၭ, ယထီးန့အလူအထၫလီၫ.- နၥံၪအဖါ စအၫဘြဟၫ့ ယိလါဝ့ၫလၧအမိဒၪဘၪ ယနံၩယၥၫ့တၭ,ဒၪဘၪဝ့ၫနီၪၥုၪ့ထိၬၥၭထိၬဝ့ၫဒၪလီၫ.-

မၩအၥၭဘဲၫနီၪတၭၦယုဒၫဖိၪၥံၪစံၭအဝ့ၫ, နဝ့ၫဒၪနၥၭအီၪဝါအနံၪ့ယဲဆံၫဒံၭအ့ၬတၭ, မွဲနဒၪဘၪယူၭစအၫဘြ ဟၫ့ဆ့ဧၪ.- ယ့ၫၡုၬစံၭအဝ့ၫၥံၪ, ယလီၩဘၪနၥံၪတီၩတီၩလီၩ့လီၩ့, လၧစအၫဘြဟၫ့လချႃၭအီၪဒံၭဘၪနီၪ, ယအီၪယဝ့ၫလီၫ.- မၩအၥၭဘဲၫနီၪတၭ, ဘဲၫၥိၭအဝ့ၫၥံၪမိခွံၬဘၪအဝ့ၫနီၪတၭ,  အၪ့ထုၫ့န့လိးလီၫ. ယ့ၫ ၡုၬမၩလၩ့မါအၥၭ ခၫ့ဂၬဝ့ၫလၧအကျၩတၭ, စဲၪ့ထၪ့ ခွံၬဝ့ၫလၧဆၧလုအဂံၪ့ဖၧၩ့နီၪလီၫ.