လ့ၫခၠီၫ့

ထၧၫ့ဖုဝဲထံၩၥိၭထီးလုၬၥံၪဧ့ႇ မံၩ့ဎိၩၥၪဖျီၪ့မုၪခွၫလၧအအီၪအနိၫ့အဆၧရၩလၩ့ဖၧၩ့ မုကနံၩယီၩ ယအဲၪ ဒိၭရၩလၩ့န့အ့ၪ ဘၪနၥံၪနီၪမွဲဝ့ၫဒၪ လ့ၫခၠီၫ့ အဂဲးအကၠီၩ့နီၪလီၫႉ လ့ၫခၠီၫ့ အဖါဖါနီၪ မွဲဝ့ၫၦအ ဖိၬလိၬ ကလိၭ ကလၬအဂၩ့ ႇ ကၠဲၬအဂၩ့လၧ စ့ၩ လဂၩမွဲဝ့ၫလီၫႉ လ့ၫခၠီၫ့ယီၩဂဲၫဎိၩထၪ့ကကၠၪ အၪ့ဎၬ ထၪ့ ဆၧဂၩ့ဆၧဖၩ့ အဂဲး ၥံၪဘဲၫယီၩၥိၭနီၪလီၫႉ လၧကလိၭကလၬၥံၪယီၩအီၪ ႇ ကၠဲၬၥံၪယီၩအီၪ ၦၡၩ ၥံၪ အၪ့ကံၩ့ ဘၩဆိၪဖၪဆၧနီၪ န့ထၪ့ ဘၪ ဧၪႇ န့ထၪ့ ဘၪအ့ၬဧၪ နီၪ အၪ့ဎၬထၪ့ဝ့ၫဒၪနီၪလီၫႉ

          ထၧၫ့ဖုဝဲထံၩၥိၭၥံၪဧ့ႇ လ့ၫခၠီၫ့ဂဲၫဎိၩထၪ့ကဆံၭ အၥၭအီၪဝ့ၫ (၁၂)  နံၫ့ကကၠၪ လ့ၩအၪ့စၪ့ အဖၫထံ ၥၫ့ခၫ “လၧနဆၧအၪ့ကံၩ့ ဘၩဆိၪဖၪဆၧအဖၫ့ခိၪ နန့ ဘၪ ဆၧလၧၫ့ဎွ့ၩဧၪ ” လ့ၩအၪ့စၪ့ အဖၫထံ ဆၧချဲၩ့ ဘဲၫယီၩၥိၭ နီၪလီၫႉ အဖၫထံနးဆ့ ဘၪထွ့ၪလၧ ဆၧ ဘၩဆိၪဖၪယီၩအဂဲး လဖ့ၪ ထဲၩ့အ့ၪ ဘၪ အမၧၩ့ခွၫ ဆၧချဲၩ့ထံၫထံၫ ဆၭဆၭနီၪလီၫႉ လခဲၫ့လ့ၩထဲၩ့လၧ ၦအမၩ ဆၧအီၪကီၪ့ အဆၧမၩ ဆရၫလဂၩအီၪဂီၩ့ လ့ၩအၪ့စၪ့ ဆၧချဲၩ့ ဘဲၫအဂု ခိၪအိၩၥိၭနီၪလီၫႉ ဆၧအီၪကီၪ့ဆရၫယီၩ အဆၧအၪ့ကံၩ့ ဘၩဆိၪဖၪလၧ ကဆါယွၩအီၪနီၪ န့ ဘၪဆၧလၧၫ့ဆၧဎွ့ၩ ဘဲၫၥ့ၪလဲၪအဂဲး လီၩဖ့ၪ ၥ့ၪယၫအ့ၪအဝ့ၫလထုၪဎး လကၭဒံၭ ဘၪ ဆၧအီၪကီၪ့ဆရၫ ဆူနဲၩကဆါယွၩနီၪ အီၪဝ့ၫ ဘဲၫၥ့ၪ လဲၪအဂဲးဆ့ လီၩဖ့ၪၥ့ၪယၫအ့ၪ ဘၪလ့ၫခၠီၫ့နီၪလီၫႉ လ့ၫခၠီၫ့နါဂၧၫ့ ဘၪဆၧချဲၩ့ ဘဲၫယီၩၥိၭကကၠၪ ကအၪ့ကံၩ့ ဘၩဆိၪဖၪဆၧလၧ ၦအဖ့ၪအ့ၪ ဆၧအၪ့ကံၩ့ ဘၩဆိၪဖၪလဖၪ ယွၩအီၪဂီၩ့ ကမၩဆၧ မၩ လၧ ဆၧအီၪကီၪ့လးဖၧၩ့ အကၠီၩ့ အီၪဂုးခၧၫ့လၩ့ထၬအၥၭ ယူၭနီၪလီၫႉ

          လ့ၫခၠီၫ့လဂၩ အီၪဂုးခၧၫ့လၩ့ထၬအၥၭ ဘဲၫယီၩၥိၭနီၪ ထဲၩ့လီၩ့ဖ့ၪၥ့ၪယၫအ့ၪအဖါကကၠၪ ဖါလဂၩအၥၭထၪ့ အဖိၪခွၫဎိၩဒိၪဒ့ၭဂီၩ့ နၪ့စဲၪ့လၩ့အဖိၪခွၫ လ့ၫခၠီၫ့လၧ အဂံၪ့ဖၧၩ့နီၪလီၫႉ လ့ၫခၠီၫ့ လဂၩ စဲၪ့လၩ့လၧဂံၪ့ဖၧၩ့ဂီၩ့ လၧအဝ့ၫ အဖၫ့ခိၪ ကဆါယွၩနီၪ အဆၧယိထွ့ၪကအီၪဧၪ ႇ အီၪအ့ၬဧၪ ခိၭယိဝ့ၫဒၪနီၪလီၫႉ ကဆါယွၩ အဆၧယိထွ့ၪအီၪ အကၠီၩ့ ထၪ့ဆၧမၩလိၪတၩ့ထီၫဂီၩ့ က ဘၪဆုးထၪ့ ဘျၪ့ကိၪ့ဒိၪအဂး အခွးအယါန့လါနၫ့ လဆုးထၪ့လၧၩ့ ဘၪ ဘျၪ့ကိၪ့ဒိၪဂီၩ့ ကမၩဆၧမၩလၧဆၧအီၪ ကီၪ့ဖၧၩ့အဂး ဆုးထၪ့ဆၧမၩလိၪလၧ ဆၧအီၪကီၪ့လးဖၧၩ့နီၪလီၫႉ ထၪ့ဆၧ မၩလိၪဂီၩ့ ထၪ့ၡါလၩ့ဖၭဂီၩ့ မၩဆၧအီၪကီၪ့ဆရၫအဆၧမၩယူၭနီၪလီၫႉ လ့ၫခၠီၫ့ယီၩ အဝ့ၫအဆၧၥၭမၧၫ့အခၪ့ထံၭနီၪ လမွဲ ဘၪဎြံၬ ဆၧ ဘိၪ့ဆၧ ဘၩဖိၪလဂၩလါနၫ့ ၥ့ၪယၫထဲၩ့ကဆါဎြံၬကကၠၪ အဆၧဆူနဲၩအီၪလၧ ကဆါဎြံၬအဖၫ့ ခိၪ လကၭဒံၭ ဘၪ ဖီၪ့ထၪ့ဖံၭထၪ့ကဆါယွၩအဆၧဖံၭဆၧမၩလၧ ဆၧအီၪကီၪ့လးဖၧၩ့နီၪလီၫႉ

          လ့ၫခၠီၫ့ ယီၩ ကဲၪထၪ့ဎြံၬဆၧအီၪကီၪ့ဆရၫလဂၩယူၭအကၠီၩ့ အမိယါနီၪနးဆ့ အၪ့န့ထၪ့ထဲၩ့ ဆၧဆူနဲၩ ဘဲၫအဝ့ၫၥိၭ ဂီၩ့ အထၧၫ့ဖုထၧၫ့ဝဲၥံၪဆ့ ကဲၪထၪ့ဎြံၬဆၧ ဘိၪ့ဆၧ ဘၩဖိၪ အီၪထဲၩ့ဝ့ၫဒၪ လဂၩ ဘၪလဂၩနီၪလီၫႉ လခဲၫ့ထုၬနီၪ အဖါဖါလဂၩ အဝ့ၫ ဖိၬလိၬထၪ့ ဆၧဂၩ့ဆၧဖၩ့အဖၫ့ခိၪ ဆၧအၪ့ဎၬထၪ့ထဲၩ့ဝ့ၫဒၪ ကဆါယွၩနီၪ ဎိၩဒိၪနဲၪန့ အဆၧဂၩ့ဆၧဖၩ့ယီၩ အကၠီၩ့နီၪလီၫႉ အဖါဖါနးဆ့ လခဲၫ့ အၪ့န့ထၪ့ထဲၩ့ ဆၧဆူနဲၩလၧ ကဆါဎြံၬ အအီၪနီၪလီၫႉ ဆၧအီၪကီၪ့ဆရၫလ့ၫခၠီၫ့အဂဲး မွဲဝ့ၫဒၪ ထၨၪယီၩလီၫႉ