qmtDWwJT0JQ,l] ud]rHT'h],l]< *JEvmrl]tzmTqH].

ယ့ၫရှူၬချဲၩ့ဆၧၫ့ဆၧတၭ စံၭဒီၭဝ့ၫလၧဆၧချဲၩ့အဒီၩ့လဖၪတၭ စံၭဝ့ၫ- မူၭခိၪအဘၩ့အမုးမၩအၥၭ ဘဲၫစဎွၩလၧ အမၩဆၧအီၪဎုၬလိၬအၥၭအမူၭ လၧအဖိၪခွၫအဂးအၥိၭနီၪတၭ- အၪ့မၧၫ့အဎီးအၡၩလ့ၩ လၧၦလၧအဘၪ ဆၧလီၩဝဲၩဝ့ၫလဖၪနီၪ ကိၭန့အဝ့ၫၥံၪ လၧမူၭအဖၧၩ့လီၫ. တၭအဝ့ၫၥံၪ ဂဲၫနီၪအၥၭအီၪအ့ၬ.-

မၩဒီၭလဖၧၫ့ အၪ့မၧၫ့အဎီးအၡၩ အဂူၫဂၩလဖၪ လ့ၩဝ့ၫတၭ စံၭဝ့ၫဒၪ လီၩဘၪၦလၧအဘၪဆၧလီၩဝဲၩဝ့ၫလဖၪနီၪ ယိခွါ ယတဲၩ့ဝဲၩယူၭ ယဆၧအၪ့ဆၧအီၩယူၭ ချီၥံၪ ဒဲဆၧလၧအဘီၪ့အၥိၪလဖၪ လၧဆၧမၩၥံၫယူၭဝ့ၫယူၭ. ဆၧအီၪတဲၩ့ဝဲၩယူၭ ကိၭမံၩ့ဒ့ၭယူၭ ဂဲၫလၧမူၭအဖၧၩ့ဆံၭ.-

မွဲလါနၫ့ဘိၩ အဝ့ၫၥံၪအီၪက့ၪဝ့ၫ လၧဆၧနးမံၩ့အ့ၬး လ့ၩဝ့ၫလဂၩ လၧအဎံၪအဎုၭ အဆံၬအနၩတၭ လဂၩဒၪလၧ အဆၧမၩဖနံၬလီၫ.- ၦအီၪလၩ့ထးလဖၪနီၪ ဖီၪ့ထၬအဎီးအၡၩတၭ မၩအၧၩ့မၩနၭဝ့ၫ ဒဲမၩၥံၫဝ့ၫလီၫ.-

စဎွၩနါဂၧၫ့ဘၪဆၧနီၪ အၥၭထၪ့တၭ ခၫ့ထၪ့အၥုၭအၥ့ၪနီၪ မၩၥံၫခွံၬၦလၧအမၩၥံၫၦၡၩလဖၪနီၪတၭ ဆူၭထၪ့ခွံၬ အဝ့ၫၥံၪအဒိၩ့လီၫ.-

ထီးနီၪလဖၧၫ့ အဝ့ၫဒၪစံၭအဎီးအၡၩ ဆၧလၧမူၭယီၩ ဆၧတဲၩ့ဝဲၩယူၭး အ့ၪမွဲၦလၧအဘၪဆၧလီၩဝဲၩဝ့ၫလဖၪနီၪ ကြၨၭအ့ၬ.-

မၩအၥၭဘဲၫနီၪတၭ လ့ၩလၧဖၧၩ့ၥၭထဲၩ့ဖၭအခၪ့ထံၭတၭ ထီးဒၪၦလၧနၥံၪဒၪန့လဖၪနီၪ ကိၭထဲၩ့အဝ့ၫၥံၪ လၧမူၭအဖၧၩ့ယီၩဆံၭ.-

အဎီးအၡၩလဖၪနီၪ လ့ၩလၧဖၧၩ့ၥုၪ့ဖၧၩ့ၥၭတၭ ထီးဒၪၦလၧအဒၪန့ဝ့ၫထီးအလူၬ ၦအဂ့ၩမွဲဂ့ၩ ၦအအၧၩ့မွဲဂ့ၩ ကိၭကီၪ့ဝ့ၫလၧမူၭဖၧၩ့နီၪတၭ ဆၧဎွ့ၩယူၭဝ့ၫ လၧၦအၪ့မူၭလီၫ.

စဎွၩဂဲၫယိၦအၪ့မူၭလဖၪတၭ ဒၪဘၪဝ့ၫၦလကီၩ့ လၥိၭဘၪ ၦအၪ့မူၭအကီၩ့အၥိၭလဂၩ ထီးနီၪတၭ စံၭအဝ့ၫနီၪ တခွၫဧ့ နလကီၩ့လၥိၭဘၪ ၦအၪ့မူၭအကီၩ့အၥိၭတၭ နဂဲၫနုၬထီးယီၩ ဘဲၫၥ့ၪလဲၪ. အဝ့ၫနီၪ အီၪလၩ့မါပံၭလီၫ.-

ထီးနီၪလဖၧၫ့ စဎွၩစံၭအဎီးအၡၩ စၧၩ့ထၬအဝ့ၫဒၪအစူၪအခၪ့ ဆိၬထၪ့ခွံၬတၭ ခွံၬလၩ့ခွံၬလၧဆၧခံၭကျၩ လၧခီၫ့ဆံၭ.

ဆၧဘၪဂၪ့ ဆၧဘၪယၧၩ့ ဆၧခၪအဲၪ့ထံးနီၪ မိအီၪဝ့ၫဒၪထီးနီၪလီၫ.- အဂဲးဘဲၫယီၩ ၦလၧအဘၪဆၧကိၭဝ့ၫလဖၪ အီၪဝ့ၫအၪဂၩ အ့ၪမွဲၦလၧအဘၪဆၧရွံန့ဝ့ၫလဖၪ အီၪဝ့ၫၡၩခိၬဂၩလီၫ.