t'dWxkRvmrlcdWtbTtrk;tzmQvDE

လၧအထီနီၪ အထံၩအဖျဲၥံၪ ဂဲၫလၧယ့ၫရှူၬအအီၪတၭ စံၭဝ့ၫဒၪ ၦအဒိၪထုၬ လၧမူၭခိၪ အဘၩ့အမုးအဖၧၩ့နီၪ မွဲပလၫလဂၩလဲၪ. ယ့ၫရှူၬကိၭန့ဖိၪၥၪဆံၭလဂၩ လၧအအီၪတၭ အီၪက့ၪဝ့ၫ လၧအဝ့ၫၥံၪအကျၩလီၫ.- စံၭဝ့ၫဒၪ ယလီၩဘၪ နၥံၪတီၩတီၩယီၩ နၥံၪအ့ၪလကၠၪလီၩ့ထဲၩ့ဘၪ နၥံၪ အၥၭတၭ လကဲၪထဲၩ့ဘၪ ဘဲၫဖိၪၥၪဆံၭၥံၪအၥိၭ နၥံၪနုၬဘၪ လၧမူၭခိၪအဘၩ့အမုး အဖၧၩ့အ့ၬ.- မၩအၥၭဘဲၫနီၪတၭ ၦလၧအဆၪ့လၩ့အၥၭ ဘဲၫဖိၪၥၪဆံၭ လဂၩယီၩအၥိၭနီၪ အနီၪလဂၩ မွဲအဒိၪထုၬ လၧမူၭခိၪအဘၩ့အမုးအဖၧၩ့လီၫ.- ထီးဒၪၦလၧအထိး ဆၧၫ့ဖိၪၥၪဆံၭယီၩ လၧယမံၩ့အကၠီၩ့ လဂၩဂၩနီၪ မွဲအထိးဆၧၫ့ယၧၩလီၫ.

ထီးလၩ့နၥံၪအၥၭ ဘဲၫၥိၭနၥံၪ ထီးမၩကြၩ့ထမး ၦလဂၩဂၩ လၧအဆံၭလဖၪယီၩ အကျၩလဂ့ၩ. အဂဲးဘဲၫယီၩ ယလီၩဘၪနၥံၪ လၧအဝ့ၫၥံၪအၥီၫ့ လၧမူၭခိၪလဖၪ ယိဘၪယဖါအမ့ၬ လထံၪဎးလီၫ.-

မွဲနၥံၪဆီၫ့မီၪ့ဘဲၫၥ့ၪလဲၪ. ၦလဂၩ အၥိၪအီၪဝ့ၫလယၩတၭ အ့ၪဂၭဖျိၭလဒုၩနီၪ မိအီၪက့ၪလၩ့ထးဝ့ၫ ခွံၫဆံၫခွံၫဒုၩ လၧခိၪလီၩ့ခိၪတၭ မိလ့ၩအၪ့ဎူၫအၪ့ဎၬထဲၩ့ ဆၧလၧအဂၭဖျိၭလဒုၩနီၪ မွဲအ့ၬဧၪ.- အ့ၪဒၪ န့ထဲၩ့ဝ့ၫတၭ ယလီၩဘၪနၥံၪတီၩတီၩယီၩ မိၥၭထိၬဝ့ၫလၧအကၠီၩ့  အၪနဲၪ့အဆၧၥၭထိၬ လၧၥိၪလဂၭဖျိၭဘၪ ခွံၫဆံၫခွံၫဒုၩ အကၠီၩ့ဒံၭလီၫ.- ဘဲၫနီၪအၥိၭ ၦလဂၩလၧအဆံၭလဖၪယီၩအကျၩ မိလၩ့မါဝ့ၫနီၪ နၥံၪအဖါလၧမူၭခိၪ အၥၭအီၪအ့ၬ.