t,DQrGJ[&HReDWvDE

Saturday, March 28, 2020

မၩအၥၭဘဲၫနီၪတၭ ၦနါဂၧၫ့အလူအထၫ လၧၦခမျၧးအကျၩအၪဂၩစံၭဝ့ၫ အယီၩမွဲမၬမီၪလဂၩလၩ့ ထံးလၩ့ဆ့ၭလီၫ. ၦဂူၫဂၩစံၭဝ့ၫ အယီၩမွဲဎရံၬနီၪ လီၫ.အ့ၪမွဲအဂူၫဂၩ လနၩ့နၩ့စံၭဝ့ၫ ဎရံၬနီၪမွဲအဂဲၫလၧဂၫလလံၫနီၪဆ့ဧၪ. ဆၧကွ့ၭအၥၭစံၭဝ့ၫ ဎရံၬနီၪဂဲၫလၧစဒၫဝံၭအချံၫအၥၪ ဒဲလၧစဒၫဝံၭအတဝၫ့ ဘ့ၭၥလံၫဟံၫ့နီၪမွဲအ့ၬဧၪ. မၩအၥၭဘဲၫနီၪတၭ ၦခမျၧးၥံၪမၩအၥၭ ဖၨၪထံဖၨၪထီၫလိၬအၥၭ လၧဆၧနီၪအဂဲးလီၫ. ၦလၧအကျၩလနၩ့နၩ့နီၪမိဖီၪ့ထၬဘၪ အၥၭလၧအဝ့ၫဒၪ လါနၫ့ဘိၩ အီၪက့ၪအစူၪလၧအလီၩ့နးဂၩအ့ၬ. ၦယုဒၫအခိၪအနါလဖၪ လၧအလနဲၩဘၪဆၧ.

မၩအၥၭဘဲၫနီၪတၭ ဆၧအခ့ၫအၡၩလဖၪထဲၩ့ လၧၦလုဆၧအဒိၪၥံၪ ဒဲလၧၦဖၫရစံၫၥံၪ အအီၪတၭ အဝ့ၫၥံၪစံၭဝ့ၫ အဝ့ၫနီၪလဂၩမွဲဘၪနီၫလၧနၥံၪလဂဲၫ ထဲၩ့မီၩ့ဘၪလဲၪ.အခ့ၫအၡၩချဲၩ့ဆၧၫ့ဝ့ၫ ၦချဲၩ့ဆၧဘဲၫၦလဂၩယီၩအၥိၭjနးဆိၭအ့ၬ.မၩအၥၭဘဲၫနီၪ တၭၦဖၫရစံၫၥံၪ ချဲၩ့ဆၧၫ့အဝ့ၫၥံၪ မွဲနၥံၪဘၪဆၧ အၪ့လီၫန့နၥံၪဆ့ဧၪ.- ၦဒိၪၦၡါမွဲဂ့ၩ ၦဖၫရစံၫၥံၪမွဲဂ့ၩ မွဲအနဲၩထဲၩ့အဝ့ၫနီၪလဂၩဂၩဆ့ဧၪ. အ့ၪမွဲၦခမျၧးယီၩလၧအလၥ့ၪယၫဘၪ ဆၧမၪလူၬလဖၪ ဘၪဆၧဆိၪအၧၩ့ဝ့ၫဒၪလီၫ. ၦလၧအဂဲၫလၧအအီၪ လၧမုနၩလခီၫစနံၭကဒံမၧၭ လဂၩအီၪဝ့ၫလၧအကျၩတၭ စံၭအဝ့ၫၥံၪ ၦအ့ၪလနါဂၧၫ့ဆိၫဘၪ ဆၧလၧအဂဲးတၭ အ့ၪလၥ့ၪယၫဘၪ လၧအမၩဆၧနီၫလဲၪနီၪ မွဲပဆၧမၪလူၬစ့ၩရၫ့ ၦလဂၩဂၩဆ့ဧၪ. အဝ့ၫၥံၪချဲၩ့ဆၧၫ့ဆၧတၭ စံၭအဝ့ၫနီၪ နမွဲၦဂၫလလံၫဖိၪဆ့ဧၪ. ယိလၩ့ထံးလၩ့ဆ့ၭတၭ ၥ့ၪ ယၫလၧမီၪအီၪထၪ့ လၧဂၫလလံၫအဖၧၩ့နီၪနးဂၩအ့ၬ. ၦထဲၩ့ဝ့ၫလဂၩလၧအဂံၪ့ဒၪဝ့ၫလဂၩလၧအဂံၪ့ဒၪဝ့ၫလီၫ.