qmtUpUbWqJYqm'kWqmtUqmtDQ

Friday, September 04, 2020

၃၃ ၦစံၭအဝ့ၫ စယီဟၫ့အထံၩအဖျဲ ဒုၪဆၧအၪ့ဆၧအီၩ ဒဲဘၩဆိၪဖၪဆၧအၪဘျၩ့တၭ ၦဖၫရစံၫအဖျဲၥံၪ မၩဝ့ၫဆ့တၭ မွဲဘၪနီၫနထံၩနဖျဲလဖၪ အၪ့ဆၧအီၩဆၧလဲၪ.- ၃၄ အဝ့ၫဒၪစံၭအဝ့ၫၥံၪ ဆၧလၧတလၭမူၭအဖျဲၥံၪနီၪ ထီးတလၭမူၭအခွၫ အီၪဝ့ၫလၧအၥိၭအဘိၩ့ဘၭတၭ နၥံၪအၪ့မၧၫ့အဒုၪ ဆၧအၪ့ဆၧအီၩ ဘၪမိန့ဆ့ဧၪ.

၃၅ မွဲလါနၫ့ဘိၩ့ ဆၧထုၭလၩ့ဖၭတလၭမူၭအခွၫ ဒဲအထံၩ အၥိၭအမုနံၩနီၪ မိထီၩ့ဝ့ၫလီၫ. ထီးနီၪလဖၧၫ့ အဝ့ၫၥံၪ မိဒုၪဆၧအၪ့ဆၧအီၩ လၧမုနံၩနီၪလီၫ.- ၃၆ တၭအဝ့ၫဒၪလီၩဘၪအဝ့ၫၥံၪ လၧဆၧချဲၩ့အဒီၩ့ဆ့ ဆၧကီၩ့ ဆၧၥိၭအလးလံၩနီၪ ၦဆၭဒၭဝ့ၫလၧ ဆၧကီၩ့ဆၧၥိၭ အၥၫ့နးဂၩအ့ၬ. အ့ၪမၩအၥၭဘဲၫနီၪတၭ ဆၧအၥၫ့ယၬန့ဝ့ၫတၭ ဆၧအၥၫ့ဒဲဆၧအလးလံၩနီၪ ဘၪလိၬအၥၭအ့ၬ.- ၃၇ဆၧလၧထိၪ့ဆၧဖံၭ အလးလံၩအဖၧၩ့ နီၪ ၦလူၫလၩ့စဘံၭထံၫအၥၫ့နးဂၩအ့ၬ. ၦအ့ၪမၩဘဲၫနီၪတၭ စဘံၭထံၫအၥၫ့ မၩဖီးဖၭထိၪ့ဆၧဖံၭနီၪ စဘံၭထံၫယွၩလၩ့ခွံၬဝ့ၫတၭ ထိၪ့ဆၧဖံၭ ဂၭဂီၩ့ခွံၬဝ့ၫဒၪလီၫ.- ၃၈ အ့ၪမွဲစဘံၭထံၫအၥၫ့နီၪ ၦဘၪလူၫလၩ့ဝ့ၫလၧ ထိၪ့ဆၧဖံၭအၥၫ့အဖၧၩ့တၭ အီၪဒၪအဆၧနံၫမံၩ့လူၬလီၫ.- ၃၉ ၦလၧအအီၩ စဘံၭထံၫအလးလံၩနီၪ ဆၧမိအီၩဘၪအၥၭ လၧအၥၫ့ချဲၫ့မၬနးဂၩအ့ၬ. အဂဲးဘဲၫယီၩ စံၭဝ့ၫလၧအလးလံၩနီၪ အွံၪလဆံၭလီၫ.