qmrmYtqdQtuFWtqmcsJTvzW

Thursday, April 30, 2020

မၩအၥၭဘဲၫနီၪတၭ အထံၩအဖျဲ အၪဂၩနါဂၧၫ့ဝ့ၫတၭ စံၭဝ့ၫ ဆၧချဲၩ့ယီၩကၪမၬလီၫ. မွဲပလၫခိၭနၪ မိၥ့ၪနးဂၩလဲၪ. ယ့ၫၡုၬၥ့ၪယၫလၩ့အၥၭဒၪဝ့ၫ လၧအထံၩအဖျဲၥံၪ ၥူၭဝံၪၥူၭလၩဆၧလၧဆၧနီၪအဂဲးတၭ စံၭအဝ့ၫၥံၪ လၧဆၧယီၩလမံၩ့အကၠီၩ့ မွဲနၥံၪအၥၭ ဂၭဂီၩ့ဆ့ဧၪ.- နၥံၪ အ့ၪဒၪဘၪၦၡၩအဖိၪခွၫယီၩ ထဲၩ့ထၪ့လၧအလးလၧ အအီၪဝ့ၫလၧအခၪ့ထံၭနီၪ မွဲနၥံၪမိဆီၫ့မီၪ့ဘဲၫၥ့ၪလဲၪ.- ဆၧမၩမၧၫ့ထၪ့ဆၧယီၩမွဲၥၭလီၫ. ဆၧဖံၭဆၧ ယၪန့ကဲၩ့န့ကၩဆၧနးမံၩ့အ့ၬ.

ဆၧချဲၩ့လဖၪလၧ ယလီၩဘၪနၥံၪနီၪ မွဲၥၭဒဲဆၧမၧၫ့လီၫ.- မွဲလါနၫ့ဘိၩလၧ နၥံၪဝ့ၫအကျၩ ၦလနဲၩဘၪဝ့ၫအီၪလနၩ့နၩ့လီၫ. အ ဂဲးဘဲၫယီၩ လၧအၥၫ့လၧအခၪ့ထံၭနီၪ ၦလၧအလနဲၩ ဘၪဝ့ၫလဖၪ ဒဲၦလၧအမိဖ့ၪလၫ့ခွံၬအဝ့ၫလဂၩနီၪ ယ့ၫၡုၬၥ့ၪယၫဝ့ၫလီၫ.- စံၭဝ့ၫ,မၩအၥၭဘဲၫနီၪတၭ ယလီၩဘၪယူၭနၥံၪယူၭး ယဖါအ့ၪလဒုၭဂဲၫဘၪၦၡၩ လၧယအီၪတၭ ၦဂဲၫထီၩ့ဝ့ၫ ၥ့ၪနးဂၩအ့ၬ. ခီၫဒၪလၧအဆၧၫ့အထီနီၪတၭ, အထံၩအဖျဲၥံၪအၪဂၩ ထဲၩ့ထဲၩ့ဝ့ၫဒၪ ဖိၬလၧၩ့အခဲၫ့အ့ၬ.- မၩအၥၭဘဲၫ နီၪတၭ ယ့ၫၡုၬစံၭ ၦလဆံၫနံၫဂၩနီၪ မွဲနၥံၪမိထဲၩ့ဘၪနၥံၪအၥၭဆ့ဧၪ.- စစဲမၧၫ့ပံတၧၫ ချဲၩ့ဆၧၫ့အဝ့ၫ ကဆါဧ့ မွဲပမိလ့ၩလၧပလၫအအီၪလဂၩလဲၪ. ဆၧ မၧၫ့အဆိၩအကၠၪအဆၧချဲၩ့နီၪအီၪလၧနၧၩလီၫ. ပနဲၩထဲၩ့ဆၧတၭ ပၥ့ၪယၫလၧနမွဲယွၩ အဆၧဆံၫ့ဎံၪလဂၩနီၪလီၫ.