pyHwmEvDQzsDWxUbWqJY[&HRt*J;

ယ့ၫရှူၬလ့ၩဝ့ၫထီၩ့လၧ စ့ၭစရံအၫဖံလံၭအခးတၭ  အၪ့စၪ့အထံၩအဖျဲၥံၪ စံၭဝ့ၫဒၪ ၦၡၩအဖိၪခွၫယၧၩယီၩ ၦၡၩၥံၪစံၭလၧ ယမွဲပလၫလဂၩလဲၪ.- အဝ့ၫၥံၪစံၭဝ့ၫဒၪ ၦလနၩ့နၩ့စံၭဝ့ၫ မွဲၦဘၭတံၫဇၫ့ဆၧ စယီဟၫ့တၭ အဂူၫဂၩလနၩ့နၩ့စံၭဝ့ၫ စအံၫလဲယၫ တၭ အဂူၫဂၩလနၩ့နၩ့စံၭဝ့ၫ စယ့ၫရမဲအၫ အ့ၪလမွဲဘၪတၭ မွဲမီၪလဂၩဂၩလီၫ.

အဝ့ၫဒၪစံၭဝ့ၫ အ့ၪမွဲနၥံၪဝ့ၫဒၪယီၩ နၥံၪစံၭလၧယမွဲ ပလၫလဂၩလဲၪ.- စစဲမၧၫ့ပံတၧၫ ချဲၩ့ဆၧၫ့ဆၧတၭ စံၭဝ့ၫဒၪ နဝ့ၫဒၪယီၩ နမွဲဎရံၬနီၪ ယွၩလၧအမၧၫ့ဝ့ၫလဂၩ အဖိၪခွၫလီၫ.- ယ့ၫရှူၬချဲၩ့ဆၧၫ့ဆၧတၭ စံၭဝ့ၫဒၪ စစဲမၧၫ့ဘၫယိနၫဧ့ နဘၪဆိၪဂ့ၩ နဝ့ၫဒၪလီၫ. အဂဲးဘဲၫယီၩ ဆၧယၪဒဲဆၧၥွံၪနီၪ မၩဖျီၪထၪ့ဝ့ၫ လၧနၧၩလမွဲဘၪ အ့ၪမွဲယဖါအီၪလၧမူၭခိၪလီၫ.-

ယဝ့ၫဒၪယီၩ ယလီၩဘၪနၧၩလၧ နမွဲပံတၧၫတၭ ယမိအီၪက့ၪလၩ့ ယဆၧအီၪကီၪ့ လၧလိးယီၩအလီၩ့တၭ ဖျႃဖၧၩ့အတရၫ့လဖၪ မၩနၧၩ့မၩစၪဘၪဝ့ၫအ့ၬ.- ယမိဖ့ၪလၫ့နၧၩ လၧမူၭခိၪအဘၩ့အမုးအ နိၪဝံၬတၭ ထီးဒၪနစၧၩ့ထၬဆၧ လၧဂၪ့ခိၪချိၫ့လမံၩ့ မံၩ့ယီၩ မိဘၪဆၧစၧၩ့ထၬဝ့ၫ လၧမူၭခိၪအဖၧၩ့တၭ ထီးဒၪနကွဲၪလၩ့ဆၧ လၧဂၪ့ခိၪချိၫ့လမံၩ့မံၩ့ယီၩ မိဘၪဆၧကွဲၪလၩ့ဝ့ၫ လၧမူၭခိၪအဖၧၩ့လီၫ.

ထီးနီၪလဖၧၫ့ အဝ့ၫဒၪမၪလူၬအထံၩအဖျဲၥံၪ ထံၫထံၫဆၭဆၭ ဘဲၫၥိၭအထီးလီၩဘၪၦၡၩလၧ အမွဲဎရံၬနီၪနးဂၩလဂ့ၩ.