,hENlRrQzsDWxUqmcsJT'DTbWqJY B[GHWqmcsHEtcDEy,DE

ၦခမျၧးဖၭဒိၪ အီၪကီၪ့ဝ့ၫတၭ ၦၡၩလၧကယဲဒိၩ့ၥံၪ ဂဲၫလၧအအီၪဆ့တၭ အဝ့ၫဒၪချဲၩ့ဒီၩ့လၩ့ဆၧ စံၭဝ့ၫ ၦလၧအဎွံၪဆၧလဂၩနီၪ လ့ၩဎွံၪလၩ့အဆၧချံၫလီၫ. ဎွံၪဆၧနီၪ လနၩ့နၩ့လၩ့ဘၪဝ့ၫ လၧဖၧၩ့ၥၭအနဲၩ့ထံၭတၭ, ဘၪဆၧယဲးထဲးဝ့ၫတၭ, ထိၪၥံၪလံၪၥံၪလၧဆၧဖိၭဖၫ့ အၪ့ခွံၬဝ့ၫဒၪလီၫ.- အဂူၫဂၩလနၩ့နၩ့ လၩ့ဘၪဝ့ၫလၧလိးကျၩတၭ, မွဲဆၧလစီၪဘၪအကၠီၩ့ ထီးအမဲၪထၪ့နီၪ, လၩ့ယံၭခွံၬဝ့ၫဒၪလီၫ.- အဂူၫဂၩလနၩ့နၩ့လၩ့ဘၪဝ့ၫ လၧဆၧဆူၪဆၧမဲၪအကျၩနီၪ, ဆၧဆူၪဆၧမဲၪၥံၪ မဲၪထၪ့ဎုၬဝ့ၫတၭ ခဲၪဘံၭခွံၬဝ့ၫဒၪလီၫ.- အဂူၫဂၩလနၩ့နၩ့လၩ့ဘၪဝ့ၫ လၧဂၪ့ခိၪအဂ့ၩတၭ မဲၪထၪ့ဝ့ၫနီၪ အၥူၪအၥၪ အၪနဲၪ့ထဲၩ့ အလးလယၩလီၫ. စံၭဆၧလဖၪနီၪ ကိၭၡၭထၪ့ဝ့ၫ ၦအီၪလၧအနါ လၧအနါဂၧၫ့ဆၧနီၪ မွဲအနါဂၧၫ့ဒၪဝ့ၫဆံၭ.

အထံၩအဖျဲၥံၪ အၪ့စၪ့ဝ့ၫတၭ စံၭဝ့ၫ ဆၧလၧဆၧချဲၩ့ဒီၩ့လၩ့နီၪ မွဲဆၧနီၪလမံၩ့လဲၪ.- အဝ့ၫဒၪစံၭဝ့ၫ ဆၧအီၪၥူၪ ဘၪဆဲၫ့ လၧယွၩအဘၩ့အမုးနီၪ ဆၧဖ့ၪလၫ့ၥ့ၪယၫနၥံၪလီၫ. အ့ၪမွဲၦဂူၫဂၩလဖၪနီၪ ဆၧဖ့ၪလၫ့ဝ့ၫလၧဆၧချဲၩ့အဒီၩ့ ဘဲၫၥိၭလၧအယိဆၧနီၪ လမိဒၪဘၪဆၧး ဘဲၫၥိၭလၧအနါဂၧၫ့ဆၧနီၪ နၪဝ့ၫလမိၥ့ၪဘၪလီၫ.

ဆၧချဲၩ့အဒီၩ့နီၪ မွဲအယီၩ ဆၧချံၫမွဲယွၩအလူလီၫ.- ၦလၧဖၧၩ့ၥၭအနဲၩ့ထံၭလဖၪနီၪ မွဲၦၡၩနါဂၧၫ့ဝ့ၫ ထီးနီၪလဖၧၫ့ ဘဲၫၥိၭအထီးနဲၩဆၧ ဒဲထီၩ့လၧဆၧထိးထဲၩ့တၩ့ထဲၩ့ဝ့ၫလဂ့ၩတၭ, မုၪခီၩလဲးဂဲၫအၪ့ထုၫ့ခွံၬ ဆၧအလူလၧအၥၭဖၧၩ့နီၪလီၫ.- ၦလၧလိးကျၩ လဖၪနီၪ မွဲၦၡၩနါဂၧၫ့ဝ့ၫတၭ ဒိၭန့ဆၧအလူ လၧအၥုၪ့ထိၬၥၭထိၬတၭ မွဲအဝံလအီၪဘၪနီၪ နဲၩဝ့ၫလဆိဖိၪတၭ ထီးအဘၪဆၧကျဲၩ့ဖစီၩ့နီၪ အၥၭဂၭဂီၩ့ဝ့ၫဒၪလီၫ.- ဆၧလၩ့ဘၪ လၧဆၧဆူၪဆၧမဲၪအကျၩလဖၪနီၪ မွဲပနါဂၧၫ့ဝ့ၫနီၪလ့ၩဆၧတၭ မွဲဆၧအၪ့ယိၪ လၧစူၪလးခၪ့ခိၪလဖၪအကၠီၩ့နီၪ ဒဲဆၧမုၬဆၧလၩလၧခီၫ့ယီၩ လၩ့ဘံၭခွံၬဝ့ၫဒၪတၭ  အၥၭဂၭဂီၩ့ဝ့ၫဒၪဆ့လီၫ.- ၦလၧဂၪ့ခိၪအဂ့ၩလဖၪ မွဲၦၡၩနါဂၧၫ့ဆၧအလူနီၪ ဖီၪ့ထၬဝ့ၫလၧအၥၭဂ့ၩ အၥုၪ့ဂ့ၩအၥၭဘွၩ တၭ ၥၪထၪ့ဝ့ၫလၧအၥုၪ့ဂုး အၥၭခၧၫ့လီၫ.