,hENlROdTtqmcsJT'DTvzW

အဝ့ၫဒၪအီၪက့ၪလၩ့ ဆၧချဲၩ့အဒီၩ့လၧအဂူၫဂၩ လမံၩ့ လၧအဝ့ၫၥံၪအဂးတၭ စံၭဝ့ၫဒၪ မူၭခိၪအဘၩ့အမုးယီၩ မၩအၥၭဘဲၫၦလဂၩ ဎွံၪဆၧချံၫဂ့ၩ လၧအဆံၬဖၧၩ့အၥိၭနီၪလီၫ.- ထီးၦမံၫမၪဝ့ၫ အဘိၩ့ဘၭတၭ အဒုၪအဒၩလဂၩ ဂဲၫဎွံၪဘုၪထိၪၡၬ လၧဘုၪအကျၩတၭ ထဲၩ့ဝ့ၫလီၫ.- ထီးအမဲၪထၪ့ဝ့ၫတၭ အၥူၪအ ၥၪဖျိၬထၪ့ဝ့ၫတၭ ဘုၪထိၪၡၬ ဖျီၪထၪ့ဆ့လီၫ.- ဂံၪ့က ဆါအဎီးအၡၩလဖၪ လ့ၩလၧအအီၪတၭ စံၭဝ့ၫဒၪ ကဆါဧ့ နဎွံၪဆၧချံၫဂ့ၩ လၧနဆံၬဖၧၩ့မွဲအ့ၬဧၪ မၩအၥၭဘဲၫနီၪတၭ ဘုၪထိၪၡၬနီၪ မွဲအဂဲၫထၪ့ဝ့ၫခီၫခီၫလဲၪ.- အဝ့ၫဒၪစံၭအဝ့ၫၥံၪ အယီၩလမံၩ့ မွဲဒုၪဒၩလဂၩမၩဝ့ၫလီၫ. အဎီးအၡၩစံၭဝ့ၫ ပမိလ့ၩထ့ၭန့ခွံၬဆၧနီၪ မွဲအဘၪနၥၭဆ့ဧၪ.- အဝ့ၫနီၪစံၭဝ့ၫဒၪ မွဲအ့ၬ နၥံၪထ့ၭထၪ့ခွံၬဘုၪထိၪၡၬ အဘိၩ့ဘၭနီၪ ဘၪလဘၪ နၥံၪမိထ့ၭန့ဎုၬဘၪဘုၪဆ့လီၫ.- မွဲအဒိၪထၪ့ဎုၬဒၪဝ့ၫ နံၫမံၩ့လူၬ ထီးကူၭဘုၪအထီဆံၭ. ထီးအဘၪကူၭဘုၪအထီနီၪ ယမိလီၩဘၪ ၦကူၭဆၧလဖၪ အၪ့ထုၫ့ကီၪ့ဆိၫဒၪခလူၬ ဘုၪထိၪၡၬတၭ ကၭထူလၧအဘၪဆူၭထၪ့ခွံၬ လၧမ့ၪအဂးဆံၭ. အ့ၪမွဲဘုၪနီၪ လူၫကီၪ့ ထဲၩ့ဝ့ၫလၧယဖၫ့ဖၧၩ့ဆံၭ.

အဝ့ၫဒၪအီၪက့ၪလၩ့ဆၧချဲၩ့အဒီၩ့ဂူၫဂၩလမံၩ့ အဝ့ၫၥံၪအဂးတၭ စံၭဝ့ၫဒၪ မူၭခိၪအဘၩ့အမုးယီၩ မၩအၥၭဘဲၫဘၪချံၫ လၧၦဎွံၪဝ့ၫ လၧဎုၭဖၧၩ့အၥိၭနီၪလီၫ.- မွဲအဆံၭနဲၪ့လါနၫ့ ဆၧဂူၫဂၩအချံၫထီးအ လူၬတၭ ထီးအကဲၪထၪ့ဝ့ၫနီၪ မွဲအဒိၪနဲၪ့နၪ့ၥံၪမံၩ့ၥံၪတၭ ကဲၪထၪ့ၥံၪ့လထံၭ လၧထိၪၥံၪလံၪၥံၪ လၧဆၧဖိၭဖၫ့လဖၪ ဂဲၫအီၪဝ့ၫ လၧအထဲၩ့ခံၫထဲၩ့လီၩ့လီၫ.

အဝ့ၫဒၪလီၩဘၪအဝ့ၫၥံၪ လၧဆၧချဲၩ့အဒီၩ့ အဂူၫဂၩလမံၩ့တၭ စံၭဝ့ၫဒၪ မူၭခိၪအဘၩ့အမုးယီၩ မၩအၥၭဘဲၫမံၪ လၧၦမုၪလဂၩ ဒူၭလၩ့ဝ့ၫ လၧကိၪမုၬၥၧၫ့ဒၩ့အကျၩ ထီးအဖၭထၪ့ဝ့ၫ ထီးအလူၬအၥိၭနီၪလီၫ.

ဆၧလဖၪနီၪထီးအလူၬ ယ့ၫရှူၬလီၩဘၪ ၦခမျၧး လၧဆၧချဲၩ့အဒီၩ့ၥံၪတၭ ဆၧချဲၩ့အဒီၩ့ အ့ၪလအီၪ ဘၪနီၪလီၩလၩ့ဆၧလၧအဝ့ၫၥံၪအ့ၬ.

မၩအၥၭဘဲၫနီၪတၭ မီၪအလူအထၫလၧၫ့ထၪ့ဎွ့ၩ ထၪ့ဝ့ၫဒၪတၭ စံၭဝ့ၫဒၪ ယမိအၩ့ထၪ့ယနိၭ လၧဆၧချဲၩ့အဒီၩ့ၥံၪလီၫ. ဆၧလၧအအီၪၥူၪ လၧဂၪ့ခိၪအခၪ့ထံၭကဲၪထၪ့လံၩလံၩနီၪ ယမိလီၩလၩ့လၬလၩ့လီၫ. ယ့ၫရှူၬချဲၩ့ဖျီၪထၪ့ဆၧချဲၩ့ဒီၩ့လၩ့ဘၪဆဲၫ့ဘုၪထိၪၡၬ.

ထီးနီၪလဖၧၫ့ ယ့ၫရှူၬကွဲၪဖျါခွံၬ ၦခမျၧးဂီၩ့တၭ လ့ၩနုၬဝ့ၫလၧဂံၪ့ဖၧၩ့လီၫ. အထံၩအဖျဲၥံၪ ဂဲၫထီၩ့လၧ အအီၪတၭ စံၭဝ့ၫဒၪ ဆၧချဲၩ့အဒီၩ့ လၧဘုၪထိၪၡၬအီၪ လၧဆံၬဖၧၩ့နီၪ လီၩဘၪပၧၩနးထံၪဘီၪ.

အဝ့ၫဒၪချဲၩ့ဆၧၫ့ဆၧတၭ  စံၭအဝ့ၫၥံၪ ၦလၧအဎွံၪဆၧချံၫအဂ့ၩနီၪ မွဲၦၡၩအဖိၪခွၫလဂၩလီၫ.- ဆံၬၥံၪနၩၥံၪနီၪ မွဲဂၪ့ခိၪလီၫ. ဆၧချံၫအဂ့ၩနီၪ မွဲဘၩ့မုးအဖိၪခွၫၥံၪတၭး ဘုၪထိၪၡၬနီၪ မွဲၦအၧၩ့လဂၩအဖိၪခွၫၥံၪ ဒုၪဒၩလၧအဎွံၪဝ့ၫလဂၩနီၪ မွဲမုၪခီၩလဲးလီၫ. ကူၭဘုၪအထီနီၪ မွဲဂၪ့ခိၪအဆိၩထုၬတၭ ၦကူၭဆၧလဖၪနီၪ မွဲအၥီၫ့ၥံၪလီၫ.- မၩအၥၭဘဲၫနီၪတၭ ဘဲၫၦအၪ့ထုၫ့ကီၪ့ဘုၪထိၪၡၬ ဆူၭထၪ့ခွံၬဝ့ၫလၧမ့ၪအ ၥိၭနီၪ ဆၧမိမၩအၥၭလၧဂၪ့ခိၪယီၩ အဆိၩထုၬဘဲၫနီၪၥိၭလီၫ.- ၦၡၩအဖိၪခွၫမိအၪ့မၧၫ့ လၩ့အၥီၫ့လဖၪတၭ အဝ့ၫၥံၪမိအၪ့ထုၫ့ကီၪ့ခွံၬ ကယဲဆၧလၩ့ထံၩဖါအလးထီးအလူၬ ဒဲၦလၧအမၩဆၧ လတီၩလလီၩ့ဘၪ လၧအဘၩ့အမုးအဖၧၩ့ မိခွံၬလၩ့ခွံၬဝ့ၫ လၧ ဖံၫ့ချၪဖၧၩ့လီၫ. ဆၧဘၪဂၪ့ဆၧဘၪယၧၩ့ ဆၧခၪအဲၪ့ထံး မိအီၪဝ့ၫထီးနီၪလီၫ.- ထီးနီၪလဖၧၫ့ ၦလၧအတီၩအလီၩ့လဖၪနီၪ မိယုၩ့ယဲထၪ့ဝ့ၫ လၧအဖါအဘၩ့အမုးအဖၧၩ့ ဘဲၫမုမ့ၬအၥိၭလီၫ. ၦအီၪလၧအနါ လၧအနါဂၧၫ့ဆၧနီၪ မွဲအနါဂၧၫ့ဒၪဝ့ၫဆံၭ.

ဆၧချဲၩ့ဒီၩ့လၩ့ ဘၪဆဲၫ့ဆၧလူဒိၪဎွ့ၩဒိၪ လၧအအီၪၥူၪမၩဒီၭလဖၧၫ့ မူၭခိၪအဘၩ့အမုးနီၪ မၩအၥၭဘဲၫ ဆၧလူဒိၪဎွ့ၩဒိၪ အီၪၥူၪဝ့ၫ လၧဆၧပျၩ့ဖၧၩ့အၥိၭနီၪလီၫ.