,hENlR[&HR*JEvTtq}QtxH]

လံၬယ့ၫရှူၬဎရံၬ အဆၨၩအထံၭ စဒၫဝံၭအဖိၪခွၫ စအၫဘြဟၫ့အဖိၪခွၫလီၫ.- စအၫဘြဟၫ့ထၪ့ဖိၪ စအံစၭတၭ စအံစၭနီၪ ထၪ့ဖိၪစယၫကူၭတၭ စယၫကူၭနီၪ ထၪ့ဖိၪစယုဒၫ ဒဲအထၧၫ့ဖုဝဲလဖၪး

စယုဒၫနီၪထၪ့ဖိၪစဖၫရ့ၭ ဒဲစဇၫရၫ လၧနးတၫမၫတၭး စဖၫရ့ၭနီၪ ထၪ့ဖိၪစဟ့ၭဇရၧၫ့တၭ စဟ့ၭဇရၧၫ့နီၪထၪ့ဖိၪ စရၫ့တၭ- စရၫ့နီၪ ထၪ့ဖိၪ စအမံနဒၭတၭး စအမံနဒၭနီၪ ထၪ့ဖိၪစနၫၡိၫ့တၭ စနၫၡိၫ့နီၪထၪ့ဖိၪ စစၫလမၧၫ့တၭ- စစၫလမၧၫ့နီၪ ထၪ့ဖိၪစဘိအၭ လၧနးရၫဟၭတၭ စဘိအၭနီၪ ထၪ့ဖိၪ စအိဘ့ၭလၧနးရုၥၭတၭ- စအိဘ့ၭနီၪထၪ့ဖိၪ စယ့ၭစံၫတၭ စယ့ၭစံၫနီၪ ထၪ့ဖိၪစဒၫဝံၭစဎွၩလဂၩနီၪလီၫ.

စဒၫဝံၭနီၪ ထၪ့ဖိၪစစီလမၧၫ့ လၧစယုၫရဲအၫ အမၫနီၪ- စစီလမၧၫ့နီၪ ထၪ့ဖိၪစရံဟဘိအၫ့တၭ စရံဟဘိအၫ့နီၪ ထၪ့ဖိၪစအဘဲယၫတၭ စအဘဲယၫနီၪ ထၪ့ဖိၪစအၫစၫတၭ- စအၫစၫနီၪထၪ့ဖိၪ စယဟီၡဖၭတၭ စယဟီၡဖၭနီၪ ထၪ့ဖိၪစယိရၫ့တၭ စယိရၫ့နီၪ ထၪ့ဖိၪစအၧၭဇဲအၫတၭ-စအၧၭဇဲအၫနီၪ ထၪ့ဖိၪစယိၥၫ့တၭ စယိၥၫ့နီၪ ထၪ့ဖိၪစအၫဟဇၭတၭ စအၫဟဇၭနီၪ ထၪ့ဖိၪစဟ့ၭစကဲအၫတၭ-စဟ့ၭစကဲအၫနီၪ ထၪ့ဖိၪစမနၭစ့ၫတၭ စမနၭစ့ၫနီၪ ထၪ့ဖိၪစအၫမၧၫ့တၭ စအၫမၧၫ့နီၪ ထၪ့ဖိၪစယိၫစဲအၫတၭ- စယိၫစဲအၫနီၪ ထီးဆၧထဲၩ့ဆိၬ လၧဘၭဘလၧၫ့အထီနီၪ ထၪ့ဖိၪစယ့ၫကနဲအၫ ဒဲအထၧၫ့ဖုဝဲၥံၪလီၫ.- ဆၧထဲၩ့ဆိၬလၧ ဘၭဘလၧၫ့အလးခဲၫ့နီၪ စယ့ၫကနဲအၫ ထၪ့ဖိၪစလၫၥအ့လၭတၭ စလၫၥအ့လၭနီၪ ထၪ့ဖိၪဇရၧၭဘၫဘ့လၭတၭ- စရၧၭဘၫဘ့လၭနီၪ ထၪ့ဖိၪ စအဘဲဟၧၭတၭ စအဘဲဟၧၭနီၪ ထၪ့ဖိၪစအံၫလဲအကံၫ့တၭ စအံၫလဲအကံၫ့နီၪ ထၪ့ဖိၪ စအၫဇီၫတၭ စအၫဇီၫနီၪ ထၪ့ဖိၪစဇၫဒီၭတၭ စဇၫဒီၭနီၪထၪ့ဖိၪ စအၫကံၫ့တၭ စအၫကံၫ့နီၪ ထၪ့ဖိၪစအံၫလဲအၧၭတၭ စအံၫလဲအၧၭနီၪ ထၪ့ဖိၪစအံၫလအ့ဇၫတၭ စအံၫလအ့ဇၫနီၪ ထၪ့ဖိၪစမၭၥၫ့တၭ စမၭၥၫ့နီၪ ထၪ့ဖိၪစယၫကူၭတၭ-စယၫကူၭနီၪ ထၪ့ဖိၪစယိၥၭ နးမၫရံၫအဝၩ ၦမုၪလၧအအီၪဖျဲၪန့ယ့ၫရှူၬ လၧဆၧကိၭဝ့ၫ ဎရံၬလီၫ.

ယ့ၫရှူၬဎရံၬအီၪဖျဲၪဝ့ၫနီၪ မၩအၥၭဘဲၫယီၩ အမိနးမၫရံၫ ဘၪအဲၪတၩ့လိၬယူၭအၥၭ လၧစယိၥၭတၭ ဘိၩ့အလချႃၭ အီၪဎုၬဒံၭဘၪနီၪ ဆၧဖျီၪထၪ့ လၧအဒၧၩ့ထၪ့ဝ့ၫလၧၥၭမုဆံၫ့ဎံၪလီၫ.- အဝၩစယိၥၭနီၪ မွဲၦ အတီၩအလီၩ့တၭ မိမၩဂၭဂီၩ့ဖျီၪဘၪအၥၭလၧ အလၩအဖၩ့အ့ၬ. အၥၭအီၪလၧ အမိမၩလၩ့ၡၪၥူၪဝ့ၫလီၫ.

အဝ့ၫဒၪကိၪ့ထၪ့ဖၭလၩ့ ဆၧနီၪလဖၪ အဘိၩ့ဘၭတၭ ယိခွါ ကဆါအၥီၫ့လဂၩမၩဖျီၪထၪ့အၥၭလၧ အမ့ၬယၫ လၧဆၧမံၫမးအဖၧၩ့တၭ စံၭဝ့ၫဒၪ စဒၫဝံၭအဖိၪခွၫစယိၥၭဧ့ နမၩန့နမၫနးမၫရံၫနီၪ ထီးအၪ့ ယိၪဆၧလဂ့ၩ အဂဲးဘဲၫယီၩ ဆၧလၧအဒၧၩ့ထၪ့န့ဝ့ၫနီၪ မွဲအအီၪထၪ့လၧၥၭမုဆံၫ့ဎံၪလီၫ.- အဝ့ၫဒၪမိအီၪဖျဲၪန့အဖိၪခွၫတၭ နမိဘၪဖျိၬအမံၩ့ ယ့ၫရှူၬလီၫ. အဂဲးဘဲၫယီၩ မွဲအမိမၩဖီၩ့ မၩဖျ့ၭအခ့ၫအၡၩၥံၪလၧ အဆၧဒဲၭဘၭလီၫ.

ဆၧနီၪလဖၪထီးအလူၬ မၩအၥၭဘဲၫၥိၭ ကဆါအလူအထၫ လၧမီၪလဂၩနီၪ မိလၧၫ့ထၪ့ဎွ့ၩထၪ့ဝ့ၫလီၫ. စံၭဝ့ၫဒၪ ယိခွါ ၦမုၪနၩ့နးဂၩမိဒၧၩ့ထၪ့ ဒဲမိအီၪဖျဲၪန့အဖိၪခွၫတၭ ဆၧမိဖျိၬအမံၩ့ အမၫ့နုၫအ့လၭ ဘဲၫပစံၭဆၧအၥိၭ ယွၩအီၪလၧပၥိၭလီၫ.