,GQeDWvrGJbWBOHEt,GQw] rGJBrmYt,GQvDE

ၦစၭဒုၫစံၫလၧအစံၭဝ့ၫ ဆၧဂဲထုၪ့ထဲၩ့လၥ့ၪဘၪနီၪ ဂဲၫလၧအအီၪတၭ အၪ့စၪ့ဝ့ၫ စံၭဝ့ၫဒၪ- ဆရၫဧ့ စမိစ့ၭကွ့ၭန့ပၧၩ လၧၦလဂၩဂၩအထၧၫ့ဖုဝဲ အ့ၪၥံၫဒၪအမၫတၭ အဖိၪလအီၪလၩ့ထးဘၪနီၪ မွဲအ ထၧၫ့ဖုဝဲဘၪမၩန့အမၫတၭ မၩအီၪထၪ့န့အထၧၫ့ဖုဝဲအချံၫအၥၪလီၫ.- အနီၪတၭ ၦထၧၫ့ဖုဝဲခွၫအီၪဝ့ၫနွ့ၫဂၩလီၫ. အခၪ့ထံၭလဂၩန့အမၫနီၪ ၥံၫဝ့ၫတၭ အချံၫအၥၪအီၪလၩ့ထးဝ့ၫအ့ၬ.- ၦနံၫဂၩလဂၩနီၪ မၩန့အမၫနီၪၥံၫဝ့ၫတၭ အချံၫအၥၪအီၪလၩ့ထးဝ့ၫဆ့အ့ၬ. ဘဲၫနီၪအၥိၭၥၧၫ့ဂၩလဂၩဆ့လီၫ.- ၦနွ့ၫဂၩ မၩန့ၦမုၪနီၪတၭ အချံၫအၥၪအီၪလၩ့ထးဝ့ၫအ့ၬ. လၧခဲၫ့ထုၬနီၪ ၦမုၪၥံၫဝ့ၫဆ့လီၫ.- မၩအၥၭဘဲၫနီၪတၭ လၧဆၧဂဲထုၪ့ထဲၩ့အဖၧၩ့ထီးအဝ့ၫၥံၪဂဲထုၪ့နီၪ မွဲအမိ ကဲၪဝ့ၫၦလဖၪနီၪ အမၫဂၩဂၩလဲၪ. အဂဲးဘဲၫယီၩ ၦနွ့ၫဂၩန့အမၫလၧအဝ့ၫနီၪလီၫ.-

ယ့ၫၡုၬချဲၩ့ဆၧၫ့ဆၧတၭ စံၭဝ့ၫ နၥံၪလၥ့ၪယၫဘၪ ဆၧကွ့ၭအၥၭမွဲဂ့ၩ ယွၩအစီၩ့အမၩ့မွဲဂ့ၩတၭ နၥံၪနဲၩမၪဆၧမွဲအ့ၬဧၪ. အဂဲးဘဲၫယီၩ ထီးအဂဲထုၪ့ထဲၩ့လၧဆၧၥံၫအဖၧၩ့နီၪ အီၪဎုၬလိၬအၥၭမွဲဂ့ၩ ဘၪဆၧဒုၭအီၪဎုၬလိၬအၥၭမွဲဂ့ၩ အီၪလၧၩ့အ့ၬ. မွဲအမၩအၥၭဘဲၫအၥီၫ့ လၧမူၭခိၪအၥိၭနီၪလီၫ.- ဆၧလၧၦၥံၫမိဂဲထုၪ့ထဲၩ့အဂဲးနီၪ လၧစမိစ့ၭအလံၬဖၧၩ့ ထီးယွၩလီၩဘၪဝ့ၫလၧဆၧၡိၬ ကျၩနီၪ မွဲနၥံၪလဖီဘၪဧၪ. ဆၧလၧယၧၩယီၩ ယမွဲ စ အၫ ဘြ ဟၫ့ အ ယွၩ ဒဲ စ အံ စၭ အ ယွၩ ဒဲ စ ယၫ ကူၭ အ ယွၩ လီၫ.- ယွၩနီၪလမွဲဘၪၦၥံၫ အယွၩတၭ မွဲၦမၧၫ့အယွၩလီၫ. မၩအၥၭဘဲၫနီၪတၭ နၥံၪနဲၩမၪဆၧယိၬမၬလီၫ.