e;rE&HEvhQtDWuGhQe;tvH]pbh]

လၧမုနံၩလဖၪနီၪ နးမၫရံၫဂဲထုၪ့တၭ လ့ၩထၪ့ဝ့ၫချဲၫ့ချံၭ လၧခိၪလီၩ့ထိၩ့ချိၬအလး လၧဒိၩ့အီၪလၧ ခးယုဒၫလဒိၩ့လီၫ.- လ့ၩနုၬဝ့ၫလၧ စဇၭခရဲအၫအဂံၪ့ဖၧၩ့တၭး ချဲၩ့ဒုၪ့နးအလံၭစဘ့ၭလီၫ.- လၧနးအလံၭစဘ့ၭနါဂၧၫ့ နးမၫရံၫအဆၧချဲၩ့ဒုၪ့နီၪ ဆၧမၩအၥၭ လၧအဖိၪ ဂဲၩဝ့ၫလၧအဒၧၩ့လးအဖၧၩ့လီၫ.

နးအလံၭစဘ့ၭ လၧၫ့ထၪ့ဎွ့ၩထၪ့ လၧၥၭမုဆံၫ့ဎံၪနီၪတၭ- ကိၭ ထၪ့ဆၧလၧအလူဖၭဒိၪ စံၭဝ့ၫ နဝ့ၫဒၪယီၩ နဘၪဆၧဆိၪဂ့ၩ လၧၦမုၪအကျၩလီၫ. နဒၧၩ့လးအဆၧၥၪနီၪ ဘၪဆၧဆိၪဂ့ၩဝ့ၫလီၫ.- လၧယကဆါအမိ ဂဲၫလၧယအီၪယီၩတၭ ဆၧယီၩလမံၩ့ မွဲအအီၪထၪ့လၧယဂး ခီၫခီၫလဲၪ.- အဂဲးဘဲၫယီၩ ယိခွါ လၧနဆၧချဲၩ့ဒုၪ့ယၧၩၥီၫနီၪ နုၬလၧယနါဖၧၩ့တၭ ဖိၪၥၪၥုၪ့ဎွံၫၥၭယီၫအကၠီၩ့ ဂဲၩလၧယဒၧၩ့လးဖၧၩ့လီၫ.- ၦမုၪလၧအနဲၩ ဆၧလၧယွၩလီၩဘၪဝ့ၫနီၪ မိလၧၫ့ထၪ့ဎွ့ၩထၪ့ဝ့ၫတၭ ဘၪဆၧဆိၪဂ့ၩဝ့ၫလီၫ.

နးမၫရံၫစံၭဝ့ၫ ယၥၭယီၩအီၪက့ၪယွၩ လၧဆၧအဒိၪ- တၭယၥုၪ့ထိၬၥၭထိၬလၧယွၩ ယဆၧထိးထဲၩ့တၩ့ထဲၩ့အဖၧၩ့လီၫ.- အဂဲးဘဲၫယီၩ မွဲအယိထဲၩ့ယူၭ အခ့ၫအၡၩမုၪ အဆၧၡၪ့ယူၭး အဂဲးဘဲၫယီၩ ယိခွါ ထီးယီၩစူၩယၫခိၬ ကယဲၦအဆိၩဆိၩအကၠၪကၠၪ မိကိၭယၧၩလၧ ၦဘၪဆၧဆိၪဂ့ၩလီၫ.- အဂဲး ဘဲၫယီၩ ၦလၧအၥ့ၪဆၧလူၬလဂၩနီၪ မၩဆၧဖၭဒိၪလၧယဂးတၭ အမံၩ့နီၪ မွဲအဆံၫ့ဎံၪဝ့ၫလီၫ.- တၭအဆၧယၫ့ၥုၪ့ယၫ့ၥၭနီၪ အီၪဝ့ၫလၧ ၦလၧအၥၭမဲၪဝ့ၫအလီၩ့ အဆိၩဆိၩအကၠၪကၠၪလီၫ.- အဝ့ၫမၩယူၭ ဆၧအစီၩ့အမၩ့ လၧအစူၪယူၭတၭ မၩလၩ့ပြံၩလၩ့ပြၩယူၭ ၦလၧအအီၪက့ၪထၪ့ထီၫအၥၭ လၧအဆၧကိၪ့ထၪ့ဖၭလၩ့အဖၧၩ့ယူၭ.- ခွံၬလၩ့ယူၭ ၦလၧအဒိၪအမု လၧအအီၪဝ့ၫလၧအလးဆီၩ့ဆီ အဖၫ့ခိၪတၭ အီၪက့ၪထၪ့ထီၫယူၭ ၦလၧအဘၪၡၪ့ဘၪယၬယူၭ.- ၦ လၧဆၧၥၭဝံအၥၭနီၪ ဒုၭဘျဲၩအၪ့ဝ့ၫ လၧဆၧအအွံၪ ယူၭ. အ့ၪမွဲၦၥထံၫလဖၪနီၪ ဒုၭထဲၩ့ပျီၩယူၭဝ့ၫယူၭ. မွဲအယိထဲၩ့ခွါထဲၩ့ အခ့ၫအၡၩbအံၫစရ့လၭဖိၪ ဘဲၫၥိၭအဝ့ၫၥံၪ မိနၪ့ထၪ့အဆၧယၫ့ၥုၪ့ယၫ့ၥၭ- ဘဲၫအစံၭဝဲၩဝ့ၫအၥိၭ လၧပဖါၥံၪနီၪ လၧစအၫဘြဟၫ့ ဒဲအချံၫအၥၪအဂး အဆိၩဆိၩအကၠၪကၠၪလီၫ. နးမၫရံၫအီၪလၧ နးအလံၭစဘ့ၭအၥိၭ လၩၥၧၫ့ဘံၪ့ ကၪယူၭတၭ ထဲၩ့ထဲၩ့ဝ့ၫလၧ အဂံၪ့ဒၪဝ့ၫလီၫ.