ၦၥုၪ့ထၪ့ဂံၪ့နံၫဂၩ.

ၦလၧအစံၭယၧၩႇ ကဆါဧ့ႇ ကဆါဧ့နီၪႇ မွဲအမိလ့ၩနုၬဘၪ လၧမူၭခိၪအဘၩ့အမုးအဖၧၩ့ ကိၭဂၩဒ့ၭအ့ၬ. မွဲၦလၧအမၩဝ့ၫ ထီးဒၪယဖါအီၪလၧမူၭခိၪအၥၭနီၪလီၫ.-

မၩအၥၭဘဲၫနီၪတၭႇ ၦလၧအနါဂၧၫ့ယလူယီၩ ဒဲထီးန့ဝ့ၫကိၭဂၩဒ့ၭနီၪႇ ယမိဒီၩ့လၩ့အဝ့ၫၥံၪ ဘဲၫၦကိၪ့ဆၧၥ့ၪလၧအမၩဂံၪ့ လၧလိးခိၪလဂၩ အၥိၭနီၪလီၫ.- ဆၧဂဲၫဆၧၩ့လၩ့တၭႇ ထံၫဆ့ၭဆီၪ့ႇ လံၩအူၪဝ့ၫနီၪႇ ဒဲလၩ့ဘၪဝ့ၫလၧဂံၪ့လဖျိၪ့နီၪႇ လလၩ့ဎီးဘၪတၭႇ မွဲအခၪ့ထံၭအီၪဝ့ၫလၧလိးခိၪအဂဲးလီၫ.-

ၦလၧအနါဂၧၫ့ယလူယထၫယီၩတၭႇ လထီးန့ဘၪဝ့ၫကိၭဂၩဒ့ၭနီၪႇ ယမိဒီၩ့လၩ့အဝ့ၫၥံၪ ဘဲၫၦအဂီၩ့ လၧအမၩဂံၪ့လၧ မ့ၭခိၪလဂၩအၥိၭနီၪလီၫ.- ဆၧဂဲၫဆၧၩ့လၩ့တၭႇ ထံၫဆ့ၭဆီၪ့ႇ လံၩအူၪဝ့ၫနီၪႇ ဒဲဘၪဂံၪ့လဖျိၪ့နီၪတၭႇ လၩ့ဎီးဝ့ၫလီၫ. အဆၧလၩ့ဎီးနီၪနၭမၬလီၫ.