ၦလဂၩလၧအစူၪထွ့ၪၥံၫ.

ဆၧမၩအၥၭ လၧမးၥံၫအနံၩနးဖၧၫ့ဒီၭလနံၩနီၪ, အဝ့ၫဒၪလ့ၩနုၬဝ့ၫလၧၥရိၬဖၧၩ့တၭ, ၥီၪ့ထဲၩ့ၥၫ့ထဲၩ့ဆၧနီၪ, ၦအစူၪထွ့ၪၥံၫအီၪဝ့ၫလဂၩလီၫ.- လၧမးၥံၫအနံၩမွဲအမိမၩဘျၪထဲၩ့ဆၧ, လမၩဘျၪထဲၩ့ဘၪဆၧ လဲၪနီၪ, ဘဲၫၥိၭအမိဒၪန့ဘၪအလး လၧအမိအီၪက့ၪ ဆၧမၪလၧအလီၩ့တၭ, ၦကွ့ၭလံၬဒဲၦဖၫရစံၫၥံၪယိၥူၪဝ့ၫဒၪလီၫ.-

အဝ့ၫဒၪၥ့ၪယၫအဆၧကိၪ့ထၪ့ဖၭလၩ့တၭ, စံၭၦလၧအစူၪၥံၫလဂၩနီၪ, ဂဲထုၪ့တၭ,ဆၧၫ့ထုၪ့လၧဆၧၥၭကျၩနီၪဘီၪ. အဝ့ၫဒၪဂဲထုၪ့ထၪ့ဆၧၫ့ထုၪ့ဝ့ၫလီၫ.- အနီၪတၭ, ယ့ၫၡုၬစံၭအဝ့ၫၥံၪ, ယမိအၪ့စၪ့နၥံၪလီၫ. လၧမးၥံၫအနံၩနီၪ ဂ့ၩမၩဆၧဘဲၫၥ့ၪလဲၪ. မွဲအကြၨၭမၩဆၧဂ့ၩ, မၩဆၧအၧၩ့လဲၪ, မွဲအကြၨၭထိးထဲၩ့တၩ့ထဲၩ့ၦၥၭမၧၫ့,မၩၥံၫၦၥၭမၧၫ့လဲၪ.- ယိၦထီးအလူၬဝၬဝၬတၭ, စံၭၦလဂၩနီၪ,ယူၬထၪ့နစူၪဘီၪ. အဝ့ၫလဂၩမၩဝ့ၫတၭ, အစူၪအီၪဆီၪ့ထၪ့ထဲၩ့ ဘဲၫအဝ့ၫလခီၫအၥိၭနီၪလီၫ.- ၦလဖၪနီၪအၥၭထၪ့ဎွ့ၩတံၭတၭ, မွဲအမိမၩယ့ၫၡုၬဘဲၫၥ့ၪလဲၪဘဲၫၥ့ၪလဲၪနီၪ, ကၩ့ကၩလိၬအၥၭလီၫ.