ၦမၩမုၬဆၧလဂၩ မိဂဲၫလၧနၥံၪအီၪ

အ့ၪမွဲဘိၩ့နဲၪ့ယီၩ, ယမိထဲၩ့ထၪ့လၧၦလၧ အအၪ့မၧၫ့လၩ့န့ယၧၩလဂၩ အအီၪနီၪတၭ, မွဲနမိလ့ၩခီၫခီၫလဲၪနီၪ နၥံၪအၪ့စၪ့ယၧၩနးဂၩအ့ၬ.- မွဲလါနၫ့ဘိၩယလီၩဘၪနၥံၪလၧဆၧယီၩလဖၪ အဂဲးတၭ, နၥံၪအၥုၪ့နၥံၪအၥၭလၧၫ့ဎွ့ၩယူၭလၧဆၧၥၭအုၭလခီၫနီၪလီၫ.

မွဲလါနၫ့ဘိၩ ယလီၩဘၪနၥံၪလၧဆၧမွဲဆၧတီၩ, ယထဲၩ့ထၪ့နီၪမွဲအဂ့ၩဒၪအဆၧလၧနၥံၪအဂးလီၫ. အဂဲးဘဲၫယီၩ ယအ့ၪလထဲၩ့ထၪ့ဘၪတၭ, ၦမၩမုၬဆၧလဂၩနီၪ မိဂဲၫလၧနၥံၪအီၪအ့ၬ. မွဲလါနၫ့ယအ့ၪထဲၩ့ထၪ့နီၪ ယမိအၪ့မၧၫ့အဂဲၫလၩ့လၧနၥံၪအအီၪလီၫ.- ထီးအဝ့ၫဒၪဂဲၫအ့ၪထီၩ့တၭ, မိဒုၭၥ့ၪယၫဂၪ့ခိၪဖိၪ လၧဆၧဒဲၩဘၭအဂဲး, ဒဲဆၧတီၩဆၧလီၩ့အဂဲး, ဒဲဆၧစ့ၩရၫ့အဂဲးလီၫ.

လၧဆၧဒဲၩဘၭအဂဲး, မွဲအဝ့ၫၥံၪလနဲၩဘၪယၧၩအကၠီၩ့နီၪ,- လၧဆၧတီၩဆၧလီၩ့အဂဲး, မွဲယထဲၩ့ ထၪ့လၧယဖါအအီၪ, ဒဲနၥံၪလဒၪလၧၩ့ဘၪယၧၩအကၠီၩ့နီၪ,- လၧဆၧစ့ၩရၫ့အဂဲး, မွဲဂၪ့ခိၪအခိၪလဂၩ ဘၪဆၧစ့ၩရၫ့အကၠီၩ့နီၪလီၫ.