ၦဘၧၩ့လၩ့ဆၧႇ စယီဟၫ့အီၪဖျဲၪထၪ့အဂဲး.

နးအလံၭစဘ့ၭအမုအလၩဘၪဝ့ၫတၭႇ  အီၪဖျဲၪန့အဖိၪခွၫလီၫ.- ၦလၧအအီၪဝၬဖီၩ့ဝ့ၫႇ ဒဲအဘူၭအထံးလဖၪနီၪႇ နါဂၧၫ့လၧယွၩနဲၪဖျီၪထၪ့ အဆၧယၫ့ၥၭအၪလၧအလီၩ့တၭႇ အၥုၪ့ထိၬအၥၭထိၬဎုၬဝ့ၫလၧအၥိၭ လီၫ.
ဆၧမၩအၥၭလၧအဘၪဎိၭနံၩလနံၩနီၪႇ အဝ့ၫၥံၪဂဲၫဝ့ၫဘဲၫၥိၭ အမိကူၭတရံၭဖိၪၥၪနီၪတၭႇ ဖျိၬဝ့ၫအမံၩ့လၧအဖါ စဇၭခရဲအၫအမံၩ့လီၫ.- အမိချဲၩ့ဆၧၫ့ဆၧတၭစံၭဝ့ၫႇ မွဲအ့ၬး ဘၪဖျိၬအမံၩ့လၧစယီဟၫ့လီၫ.
 အဝ့ၫၥံၪလီၩဘၪဝ့ၫ လၧအဘူၭအထံးအကျၩနီၪ ၦလၧဆၧကိၭဝ့ၫအမံၩ့ဘဲၫနီၪ အီၪနးဂၩအ့ၬ.- အဖါမိကိၭဘၪအၥၭအမံၩ့ ဘဲၫၥ့ၪလဲၪဘဲၫၥ့ၪလဲၪနီၪႇ အဝ့ၫၥံၪဖျါအခိၪလၧအဝ့ၫနီၪလီၫ.- အဝ့ၫဒၪအၪ့ကံၩ့ဆၧကွ့ၭအလးတၭႇ ကွ့ၭဝ့ၫနီၪစံၭဝ့ၫႇ အမံၩ့မွဲစယီဟၫ့လီၫ. အဝ့ၫၥံၪထီၫမံၫထီၫမၪဝ့ၫဒၪထီးအလူၬလီၫ.- အနိၭအၩ့ထၪ့ထဲၩ့အၥၭႇ အဖျ့ၩလၩ့ပၠၪဝ့ၫချဲၫ့မၬတၭႇ ချဲၩ့ထၪ့ဆၧစံၭထၪ့အၪ့အူၭယွၩလီၫ.- ၦအီၪဝၬဖီၩ့ဝ့ၫလဖၪ ဘၪဆၧၥၭမဲၪၥၭဖျဲၩ့တၭႇ ဆၧမၩအၥၭနီၪဂၧၫ့ထၪ့ၥၩလၩ့ လၧခိၪလီၩ့အလး လၧခးယုဒၫအဖၧၩ့ဎံၩ့ဎံၩ့လ့ၬလီၫ.- 
ၦလၧအနါဂၧၫ့ဆၧလဖၪနီၪႇ အီၪက့ၪဝ့ၫလၧအၥၭတၭႇ စံၭဝ့ၫႇ ဆၧလၧဖိၪၥၪယီၩ မွဲအမိကဲၪထၪ့ ၦဘဲၫၥ့ၪလဲၪ. တၭယွၩအစူၪအီၪလၧအၥိၭလီၫ.