ၦပျီၩဖျ့ၭဒဲဎီးလဖၪ.

မၩအၥၭဘဲၫနီၪတၭ, ယ့ၫၡုၬစံၭ ၦယုဒၫဖိၪလၧအ နဲၩထဲၩ့ဝ့ၫလဖၪနီၪ နၥံၪအ့ၪအီၪဂုးအီၪခၧၫ့ လၧယလူ ယထၫအဖၧၩ့ နၥံၪမွဲယထံၩယဖျဲလၩ့ထံးလၩ့ ဆ့ၭလီၫ.- နၥံၪမိၥ့ၪယၫဆၧမွဲဆၧတီၩ ဆၧမွဲ 33ဆၧတီၩနီၪမိကွဲၪဖျါခွံၬနၥံၪလီၫ.- အဝ့ၫၥံၪချဲၩ့ဆၧၫ့ ဝ့ၫ,ပဝ့ၫဒၪယီၩ ပမွဲစအၫဘြဟၫ့ အချံၫအၥၪတၭ, ပ ကဲၪဎီးလၧ ၦၡၩလဂၩဂၩ အစူၪဖၧၩ့နးဆိၭအ့ၬ. တၭနစံၭလၧဆၧမိကွဲၪဖျါခွံၬ နၥံၪနီၪ မွဲဘဲၫၥ့ၪလဲၪ. ယ့ၫၡုၬချဲၩ့ဆၧၫ့အဝ့ၫၥံၪ, ယလီၩဘၪ နၥံၪတီၩတီၩ လီၩ့လီၩ့လၧကယဲၦလၧအမၩဆၧဒဲၩဘၭနီၪ, မွဲဆၧ 35ဒဲၩဘၭအဎီးလီၫ.- ဎီးနီၪအီၪဘၪ လၧဂံၪ့ဖၧၩ့အ ဆိၩဆိၩအကၠၪကၠၪလ့ ၄:၃ဝအ့ၬ. အ့ၪမွဲဖိၪခွၫနီၪအီၪဝ့ၫလၧ ဂံၪ့ဖၧၩ့အဆိၩဆိၩအကၠၪကၠၪလီၫ.- မၩအၥၭဘဲၫနီၪ တၭ,ဖိၪခွၫအ့ၪကွဲၪဖျါခွံၬအဲၫနၥံၪတၭ, နၥံၪမိအီၪပျီၩဖျ့ၭ လၩ့ထံးလၩ့ဆ့ၭလီၫ.- ယၥ့ၪယၫလၧနၥံၪမွဲစအၫ ဘြဟၫ့အချံၫအၥၪ မွဲလါနၫ့ဘိၩ နၥံၪအၪ့ဎၬ မၩၥံၫ ယၧၩလီၫ.အဂဲးဘဲၫယီၩ ယလူယထၫအီၪလၧနၥံၪအဖၧၩ့အ့ၬ.- ဆၧလၧယဒၪဘၪ လၧယဖါအအီၪနီၪယ လီၩဘၪယဝ့ၫတၭ, ဆၧလၧနၥံၪဒၪဘၪလၧနၥံၪအ ဖါအအီၪနီၪ, မွဲနၥံၪမၩနၥံၪဝ့ၫဆ့လီၫ.

အဝ့ၫၥံၪချဲၩ့ဆၧၫ့ဆၧတၭစံၭအဝ့ၫဒၪ, စအၫဘြဟၫ့ မွဲမၭပဖါလီၫ. ယ့ၫၡုၬစံၭအဝ့ၫၥံၪ, နၥံၪအ့ၪမွဲစအၫ ဘြဟၫ့အဖိၪတၭ,နၥံၪမိမၩစအၫဘြဟၫ့အဆၧမၩ လီၫ.- ဘိၩ့နဲၪ့ယီၩနၥံၪအၪ့ဎၬမၩၥံၫယၧၩ, ၦလၧအ လီၩဘၪနၥံၪ ဆၧမွဲဆၧတီၩ လၧယနါဂၧၫ့ယဝ့ၫလၧ ယွၩလီၫ.- စအၫဘြဟၫ့မၩဝ့ၫဘဲၫနီၪၥိၭအ့ၬ.နၥံၪ မၩနၥံၪအဖါအဆၧမၩလီၫ. မၩအၥၭဘဲၫနီၪတၭ, အဝ့ၫ ၥံၪစံၭဝ့ၫ, ပဝ့ၫဒၪယီၩပအီၪဖျဲၪ လၧၦအဲၪဘိၩ့ဆၧအ ဖၧၩ့မွဲအ့ၬ, ပအီၪလၧပဖါ လဂၩဎးအဲၫယွၩနီၪလီၫ. မၩအၥၭဘဲၫနီၪတၭ, ယ့ၫၡုၬစံၭအဝ့ၫၥံၪ, ယွၩအ့ၪမွဲ နၥံၪအဖါတၭ, နၥံၪမိအဲၪယၧၩခဲၫလီၫ. အဂဲးဘဲၫယီၩ ယအီၪယဝ့ၫလၧယွၩအၥိၭနီၪ, ယစဲၪ့ထၪ့တၭ, ယဂဲၫ လၩ့ယဝ့ၫလီၫ. အဂဲးဘဲၫယီၩ ယဂဲၫဒၪယဝ့ၫအ့