ၦနၭဇရ့ၭဖိၪလထိးဆၧၫ့ဘၪယ့ၫၡုၬ

အဝ့ၫဒၪချဲၩ့ထၪ့ၥၫ့ဆၧ လၧအဝ့ၫၥံၪ, စံၭဝ့ၫ,ဆၧကွ့ၭအၥၭယီၩ, လၧၫ့ထၪ့ဎွ့ၩထၪ့လၧနၥံၪ အနါဖၧၩ့လၧမုဆၫလနံၩယီၩလီၫ.- ၦထီးအလူၬထိး အၥၭလၧအဝ့ၫဒၪအဂးတၭ, လၧဆၧချဲၩ့အဂ့ၩလၧအ ဂဲၫထၪ့လၧအနိၭဖၧၩ့အကၠီၩ့နီၪ, ထီၫမံၫထီၫမၪဝ့ၫ ဒၪလီၫ.ၦလဖၪနီၪစံၭဝ့ၫ,အဝ့ၫဒၪယီၩ, မွဲစယိၥၭအဖိၪ ခွၫနီၪမွဲအ့ၬဧၪ.-

အဝ့ၫဒၪစံၭအဝ့ၫၥံၪ, မွဲမၬ,နၥံၪမိ စံၭယၧၩလၧဆၧချဲၩ့အဒီၩ့ယီၩ, ၥံၪဎၥံၪ့ဎွံၭ ဆရၫဧ့, မၩဘျၪထဲၩ့ဒၪနၥၭဆံၭ. ထီးဒၪပနါဂၧၫ့ဆၧမၩအ ၥၭလၧကပၧနအၫ့အဖၧၩ့လဖၪနီၪ, မၩဆ့ထီးနခး ဒၪနဝ့ၫအဖၧၩ့ယီၩဘီၪ.- အဝ့ၫဒၪစံၭဝ့ၫ, ယလီၩဘၪ နၥံၪတီၩတီၩယီၩ, မီၪၥံၪလၧအခးဒၪဝ့ၫအဖၧၩ့နီၪ,ၦ ထိးဆၧၫ့ဝ့ၫနးဂၩအ့ၬ.- ယလီၩဘၪနၥံၪလၧအမွဲအ တီၩ,လၧမီၪစအံၫလဲယၫအနံၩအၥၫ့ၥံၪ ထီးမူၭခိၪ ကၭဘံၭထၬအၥၭၥၧၫ့နံၪ့ဒဲလၩဎူၫဘံၪ့, ထီးဆၧၥၭဝံ ဖၭဒိၪအီၪထၪ့လၧထၧၫ့ခးယၫနီၪ, ၦမုၪမဲၫအီၪလါနၫ့ အၪဂၩလၧၦအံၫစရ့ၭလၭဖိၪၥံၪအကျၩတၭ, ဆၧ အၪ့မၧၫ့စအံၫလဲယၫလ့ၩလၧအအီၪနးဂၩအ့ၬ.- အၪ့ မၧၫ့လၩ့ဝ့ၫန့ၫလၧၦမုၪမဲၫအီၪလၧဇၫရဖၭ ဘၪဆဲၫ့ လၧစဲဒၧၫ့လဂၩအအီၪနီၪလီၫ.

လၧမီၪစအံၫလဲၡၫအဆိၩနီၪ, ၦခံၫထူၬဆၫအၧၩ့အီၪ လါနၫ့အၪဂၩလၧၦအံၫစရ့လၭဖိၪၥံၪ အကျၩတၭ, ဆၧမၩဆံၫ့ဝ့ၫနးဂၩအ့ၬ, မၩဆံၫ့ထၪ့ဝ့ၫန့ၫ ၦစံရအၫ ဖိၪစနၫအမၫ့လဂၩနီၪလီၫ.- ၦအီၪလၧၥရိၬဖၧၩ့နါဂၧၫ့ ဆၧလဖၪနီၪတၭ, အၥၭထၪ့ထီးအလူၬဎွ့ၩတံၭတၭ, ဂဲထုၪ့နၫ့ထၪ့ခွံၬ အဝ့ၫဒၪလၧဒိၩ့ဖၧၩ့လၧခီၫ့တၭ, လ့ၩ ၥိၫ့ဝ့ၫလၧခိၪလီၩ့ လၧအမၩထၪ့အဒိၩ့ လၧအလီၩ့အ ထိၭနၫနီၪ, ဘဲၫၥိၭအမိခွံၬလၩ့ခွံၬအဝ့ၫဒၪလီၫ.- မွဲ လါနၫ့တၭ,အဝ့ၫဒၪလဂၩခၫ့ထ့ၬဝ့ၫလၧအဝ့ၫၥံၪအၥၭ ကျၩတၭ, စဲၪ့ထၪ့ခွံၬဝ့ၫဒၪလီၫ.