ၦနၭဇရ့ၭဖိၪလထိးဆၧၫ့နဲၩထဲၩ့ဘၪယ့ၫရှူၬ.

ဆၧမၩအၥၭထီးယ့ၫရှူၬချဲၩ့ဆၧချဲၩ့အဒီၩ့လဖၪယီၩဂီၩ့တၭ, စဲၪ့ထၪ့ခွံၬဝ့ၫထီးနီၪလီၫ.- ထဲၩ့ဝ့ၫထီၩ့ လၧအခးဒၪဝ့ၫတၭ, ၥီၪ့ထဲၩ့ၥၫ့ထဲၩ့ဆၧလၧအဝ့ၫၥံၪ အၥရိၬဖၧၩ့ ထီးၦထီၫမံၫထီၫမၪဝ့ၫတၭ, စံၭဝ့ၫဒၪ, အဝ့ၫလဂၩယီၩ အဆၧကိၪ့ဘၪကိၪ့ၥ့ၪ ဒဲအစီၩ့အမၩ့ယီၩ, မွဲအန့ဘၪဝ့ၫခီၫခီၫလဲၪ. မွဲလဲၬၥမါအဖိၪခွၫမွဲအ့ၬဧၪ.- အမိဆၧကိၭဝ့ၫ နးမၫရံၫနီၪ, မွဲအ့ၬဧၪ. အထၧၫ့ဖုဝဲခွၫၥံၪ, မွဲစယ့မံၭ, ဒဲစယိစ့ၭ, ဒဲစစဲမၧၫ့, ဒဲစယုဒၭမွဲအ့ၬဧၪ. အထၧၫ့ဖုဝဲမုၪၥံၪနီၪအီၪ လၧပၥိၭထီးအလူၬမွဲအ့ၬဧၪ.- မၩအၥၭဘဲၫနီၪတၭ, မွဲအန့ဘၪကယဲဆၧထီးအလူၬလဖၪ ယီၩခီၫခီၫလဲၪ.- အဝ့ၫၥံၪအၥၭ ဂၭဂီၩ့လၧအကၠီၩ့နီၪလီၫ.

ယ့ၫၡုၫစံၭအဝ့ၫၥံၪး မီၪနီၪအ့ၪလမွဲဘၪ လၧအထံၫအခးဒၪဝ့ၫ, ဒဲလၧအဂံၪ့ဒၪဝ့ၫအဖၧၩ့နီၪ အလၩအဖၩ့အီၪဝ့ၫလီၫ.- အလးနီၪၦၡၩ လနဲၩဘၪဆၧအကၠီၩ့တၭ, မၩလၩ့လၭဆၧလၧအအၪအ့ၬ.