ၦနၫဇရ့ၭဖိၪ လထိးဆၧၫ့ဘၪ ယ့ၫၡုၬ

အဝ့ၫဒၪစံၭဝ့ၫႇ ယလီၩဘၪနၥံၪတီၩတီၩယီၩႇ မီၪၥံၪလၧအခးဒၪဝ့ၫအဖၧၩ့နီၪႇ ၦထိးဆၧၫ့ဝ့ၫနးဂၩအ့ၬ.- ယလီၩဘၪနၥံၪလၧအမွဲအ တီၩႇ လၧမီၪစအံၫလဲယၫအနံၩအၥၫ့ၥံၪ ထီးမူၭခိၪကၭဘံၭထၬအၥၭ ၥၧၫ့နံၪ့ဒဲလၩဎူၫဘံၪ့ႇ ထီးဆၧၥၭဝံဖၭဒိၪ အီၪထၪ့လၧထၧၫ့ခးယၫနီၪႇ ၦမုၪမဲၫအီၪလါနၫ့အၪဂၩ လၧၦအံၫစရ့ၭလၭဖိၪၥံၪအကျၩတၭႇ  ဆၧအၪ့မၧၫ့စအံၫလဲယၫ လ့ၩလၧအအီၪနးဂၩအ့ၬ.- အၪ့မၧၫ့လၩ့ဝ့ၫန့ၫလၧ ၦမုၪမဲၫအီၪလၧဇၫရဖၭ ဘၪဆဲၫ့ လၧစဲဒၧၫ့လဂၩအအီၪနီၪလီၫ.
လၧမီၪစအံၫလဲၡၫအဆိၩနီၪႇ ၦခံၫထူၬဆၫအၧၩ့အီၪ လါနၫ့အၪဂၩလၧၦအံၫစရ့လၭဖိၪၥံၪအကျၩတၭႇ ဆၧမၩဆံၫ့ဝ့ၫနးဂၩအ့ၬႇ မၩဆံၫ့ထၪ့ဝ့ၫန့ၫ ၦစံရအၫဖိၪစနၫအမၫ့လဂၩနီၪလီၫ.- 
ၦအီၪလၧၥရိၬဖၧၩ့နါဂၧၫ့ ဆၧလဖၪနီၪတၭႇ အၥၭထၪ့ထီးအလူၬဎွ့ၩတံၭတၭႇ ဂဲထုၪ့နၫ့ထၪ့ခွံၬအဝ့ၫဒၪ လၧဒိၩ့ဖၧၩ့လၧခီၫ့တၭႇ လ့ၩၥိၫ့ဝ့ၫလၧခိၪလီၩ့ လၧအမၩထၪ့အဒိၩ့ လၧအလီၩ့အထိၭနၫနီၪႇ ဘဲၫၥိၭအမိခွံၬလၩ့ခွံၬအဝ့ၫဒၪလီၫ.- မွဲ လါနၫ့တၭႇ အဝ့ၫဒၪလဂၩခၫ့ထ့ၬဝ့ၫ လၧအဝ့ၫၥံၪအၥၭကျၩတၭႇ စဲၪ့ထၪ့ခွံၬဝ့ၫဒၪလီၫ.