ၦဒိၭဘၧၩ့လၩ့ဆၧစယီဟၫ့အၦၥိၫ့ဆၧပရၧၫ့လဖၪ.

စယီဟၫ့အထံၩအဖျဲၥံၪ လီၩဘၪဝ့ၫလၧဆၧလဖၪနီၪ ထီးအလူၬအဂဲးအကၠီၪ့လီၫ.- စယီဟၫ့ကိၭန့အထံၩ အဖျဲနံၫဂၩလၧအအီၪတၭႇ အၪ့မၧၫ့အလ့ၩလၧ ယ့ၫၡုၬအအီၪနီၪ စံၭဝ့ၫႇ နဝ့ၫဒၪယီၩနမွဲၦလၧအမိဂဲၫလဂၩနီၪဧၪ. မွဲပဘၪယိလါဒံၭ ၦဂူၫဂၩလဂၩအဖၧၩ့ၥၭလဲၪ.

 ၦလဖၪနီၪႇ လ့ၩထီၩ့လၧအအီၪတၭႇ စံၭဝ့ၫႇ ၦဘၭတံၫဇၫ့ဆၧစယီဟၫ့လဂၩ အၪ့မၧၫ့လၩ့ပၧၩ လၧနအီၪယီၩႇ စံၭဝ့ၫႇ နဝ့ၫဒၪယီၩႇ နမွဲၦလၧအမိဂဲၫလဂၩနီၪဧၪႇ မွဲပဘၪယိလါဒံၭ ၦဂူၫဂၩလဂၩအဖၧၩ့ၥၭလဲၪ.-

လၧနၩရံၩထီးနီၪ ၦဘၪဆၧဆၫ ဒဲၦဘၪဆၧၡၪ့ဆၧနၭႇ ဒဲၦလၧဆၧနၪအီၪလၧအလီၩ့အၪဂၩနီၪႇ အဝ့ၫဒၪမၩဘျၪထဲၩ့ဝ့ၫႇ ဒဲၦမ့ၬဘျီၪအၪဂၩနီၪႇ မၩဒၪထၪ့ထဲၩ့ဝ့ၫလီၫ.

ယ့ၫၡုၬချဲၩ့ဆၧၫ့ဆၧတၭ လီၩဘၪအဝ့ၫၥံၪႇ ဆၧလၧနၥံၪဒၪဘၪ ဒဲနၥံၪနါဂၧၫ့ဘၪ ဆၧလဖၪနီၪႇ ထဲၩ့လီၩဘၪစယီဟၫ့ဘီၪ. ၦလၧအမ့ၬဘျီၪလဖၪနီၪႇ ဒၪထၪ့ထဲၩ့ဆၧႇ ၦလၧအခၪ့ဂၭဂီၩ့လဖၪနီၪ စဲၪ့ထၪ့ထဲၩ့ဝ့ၫႇ ၦလၧအခံၫထူၬဆၫအၧၩ့လဖၪနီၪႇ ဆံၫ့ထၪ့ထဲၩ့ဝ့ၫႇ ၦလၧအနါအၧၩ့လဖၪနီၪႇ နါဂၧၫ့ထၪ့ထဲၩ့ဆၧႇ ၦလၧအၥံၫလဖၪနီၪႇ ဂဲထုၪ့ထဲၩ့ဝ့ၫႇ ၦလၧအၡၪ့အယၬလဖၪနီၪႇ ဆၧလီၩလၩ့လၬလၩ့အဝ့ၫၥံၪ လၧဆၧၥၭထိၬအပရၧၫ့လီၫ.- ထီးဒၪၦလၧအၥၭလဂၭဂီၩ့ဘၪဝ့ၫ လၧ ယကၠီၩ့လဂၩလါလါနီၪႇ အီၪမုၬဝ့ၫဒၪလီၫ.