ၦခိၭဆၧ,အဆၧဒုၭဖျီၪထၪ့ထဲၩ့.

အဝ့ၫၥံၪၥၭမဲၪၥၭဖျဲၩ့, ဒဲၥုၪ့ထိၬၥၭထိၬဒိၪမၬတၭ, စဲၪ့ထၪ့ခွံၬချဲၫ့ချံၭ လၧဆၧၥွၪခိၪအအီၪတၭ, ထဲၩ့စဲၪ့ တလဲးဘဲၫအမိလီၩဘၪ အထံၩအဖျဲၥံၪအၥိၭလီၫ. တၭ, ယိခွါ, ယ့ၫရှူၬဘၪခီၩ့လိၬအၥၭ လၧအဝ့ၫၥံၪနီၪ, စံၭဝ့ၫဒၪ, မွဲနၥံၪဘၪဆၧအမုၬဆံၭ.

ၦမုၪလဖၪလ့ၩ ဖိၬထၬဝ့ၫအခၪ့တၭ, ဘိၪ့ထၪ့ဘၩထၪ့အဝ့ၫလီၫ.- ထီးနီၪလဖၧၫ့, ယ့ၫရှူၬစံၭအဝ့ၫၥံၪ, ထီးၥၭမဲၪၥၭဖျဲၩ့လဂ့ၩ, လ့ၩလီၩဘၪယထၧၫ့ဖုဝဲၥံၪ ဘဲၫအမိလ့ၩလၧဂၫလလံၫအၥိၭနီၪဆံၭ. အဝ့ၫၥံၪမိဒၪဘၪယၧၩထီးနီၪလီၫ.

အဝ့ၫၥံၪထဲၩ့ဝ့ၫအဘိၩ့ဘၭတၭ, ယိခွါ, ၦခိၭဆၧၥံၪ လနၩ့နၩ့ထဲၩ့ထဲၩ့ လၧဒိၩ့ဖၧၩ့တၭ, လီၩဘၪၦလုဆၧအဒိၪၥံၪ လၧကယဲဆၧမၩအၥၭထီးအလူၬလီၫ- ထီး အဝ့ၫၥံၪအီၪကီၪ့ လၧၦၥုၪ့က့ၭၥၭၡါၥံၪ အၥိၭနီၪ, ကိၪ့ထၪ့လိၬအၥၭဂီၩ့တၭ, ဖ့ၪလၫ့ၦၥုၭဖိၪလဖၪနီၪ လၧစ့ၩအၪအၪလ့ၬ,- စံၭဝ့ၫဒၪ, စံၭနၥံၪဝ့ၫလၧအထံၩအဖျဲၥံၪ ဂဲၫလၧမုနၩလခီၫတၭ, အၪ့ဂူၪန့ဝ့ၫလၧၦမံၫမၪအဘိၩ့ဘၭနီၪဆံၭ. ၦဒိၪဖၭဒိၪအ့ၪနါဂၧၫ့ဆၧနီၪ, ၦမိအၪ့လွ့ၫဒၪအဝ့ၫတၭ, မၩဖီၩ့ဖျ့ၭနၥံၪလီၫ.- အဝ့ၫၥံၪ မၩန့စ့ၩတၭ, မၩဝ့ၫဘဲၫဆၧၥီၪ့လိၪဝ့ၫအၥိၭနီၪလီၫ. တၭအဆၧချဲၩ့ယီၩ ဂၧၫ့ထၪ့ၥၩလၩ့ဝ့ၫလၧ ၦယုဒၫဖိၪအကျၩ ခီးမုလနံၩယီၩနီၪလီၫ.