အီၪခိၭဆံၭ.

ထီးနီၪလဖၧၫ့ မူၭခိၪအဘၩ့အမုး မိဘၪဆၧဒီၩ့လၩ့ဝ့ၫ ဘဲၫၦမုၪနၩ့ဆံၫဂၩ လၧအမၩန့အမ့ၪဒိၩ့ၥံၪတၭႇ လ့ၩထၪ့ဝ့ၫဘဲၫအမိအၪ့ဂၬဘၪ တလၭမူၭအခွၫ အၥိၭနီၪလီၫ.- ၦကိၪ့ဘၪကိၪ့ၥ့ၪ အီၪဝ့ၫယဲဂၩတၭး အဂီၩ့အီၪဝ့ၫယဲဂၩလီၫ.-

ၦအဂီၩ့လဖၪနီၪ မၩန့အမ့ၪဒိၩ့တၭႇ မၩန့ၥိၪလၧအၥိၭအ့ၬ.- အ့ၪမွဲၦကိၪ့ၥ့ၪကိၪ့ဘၪလဖၪနီၪ မၩန့ၥိၪလၧကီၩ့ဖၧၩ့ လၧအမ့ၪဒိၩ့အၥိၭလီၫ.- တလၭမူၭအခွၫ မၩယံၬမၩနးအၥၭအဘိၩ့ဘၭနီၪႇ အဝ့ၫၥံၪ မံၫခံၫ့ဝ့ၫတၭ မံၫမၪဝ့ၫဒၪကိၭဂၩဒ့ၭလီၫ.-

လၧဖိၭဖၫ့မုနီၪ ဆၧကိၭၡၭထၪ့ဝ့ၫႇ ယိခွါႇ တလၭမူၭအခွၫ ဂဲၫထၪ့ဖီၩႇ လ့ၩထၪ့နၥံၪဝ့ၫအၪ့ဂၬအဝ့ၫဆံၭ.- ထီးနီၪလဖၧၫ့ ၦမုၪနၩ့လဖၪနီၪ နၪ့ထၪ့အၥၭ ထီးအလူၬတၭႇ မၩဂ့ၩထၪ့ထဲၩ့အမ့ၪဒိၩ့လီၫ.-

အဂီၩ့လဖၪ စံၭၦလၧအကိၪ့ဘၪကိၪ့ၥ့ၪလဖၪနီၪႇ ဖ့ၪလၫ့ပၧၩ လၧနၥံၪအၥိၪဆံၭ. အဂဲးဘဲၫယီၩ ပမ့ၪဒိၩ့လၩ့ဖံၬခွံၬဝ့ၫဒၪလီၫ.- ၦလၧအကိၪ့ဘၪကိၪ့ၥ့ၪလဖၪ ချဲၩ့ဆၧၫ့ဆၧတၭႇ စံၭဝ့ၫဒၪႇ မွဲအ့ၬႇ လၧပဂးဒဲလၧနၥံၪအဂးယီၩ ဘၪလဘၪ ၥိၪလလၧၫ့ဘၪတၭႇ လ့ၩဒၪခလူၬ လၧၦအၪ့ဆၫဆၧအအီၪတၭႇ ဎွ့ၩဆၧလၧနၥံၪအဂးဒၪ နၥံၪဝ့ၫဆံၭ.-

အဝ့ၫၥံၪလ့ၩဎွ့ၩဆၧ အဘိၩ့အဘၭနီၪႇ တလၭမူၭအခွၫဂဲၫဝ့ၫဒၪတၭ ၦလၧအတဲၩ့ဝဲၩအၥၭနီၪ လ့ၩနုၬဝ့ၫလၧမူၭဖၧၩ့ လၧအၥိၭတၭႇ ဆၧကၭဘံၭထၬတရၫ့လီၫ.- လၧခဲၫ့ထဲၩ့တၭ ၦမုၪနၩ့အီၪလၩ့ထးဝ့ၫလဖၪနီၪ ဂဲၫထဲၩ့ဝ့ၫစံၭဝ့ၫဒၪႇ ကဆါဧ့ႇ ကဆါဧႇ့ ဝဲထၪ့န့ပဂးဘီၪ.-

အဝ့ၫနီၪချဲၩ့ဆၧၫ့ဆၧတၭ စံၭဝ့ၫဒၪႇ ယလီၩဘၪနၥံၪတီၩတီၩယီၩႇ ယၥ့ၪယၫနၥံၪအ့ၬ.- မၩအၥၭဘဲၫနီၪတၭႇ အီၪခိၭဆံၭ. အဂဲးဘဲၫယီၩ (ၦၡၩအဖိၪခွၫမိဂဲၫဝ့ၫ) အနံၩအၥၫ့နီၫလဲၪ, အ နၩရံၩနီၫလဲၪနီၪ, နၥံၪၥ့ၪယၫအ့ၬ.