လ့ၩစဲၪ့ဖီၩ့ဖျ့ၭလၧခးအံဇံၭ

ထီးၦလဖၪနီၪထဲၩ့ထဲၩ့ဝ့ၫတၭ,ယိခွါ,ကဆါအၥီၫ့လဂၩ မၩဖျီၪထၪ့အၥၭလၧ စယိၥၭအမ့ၬယၫလၧဆၧ မံၫမးအဖၧၩ့တၭ, စံၭဝ့ၫဒၪ, ဂဲထုၪ့မၩန့ဖိၪၥၪဒဲအမိတၭ, စဲၪ့ထၪ့လ့ၩနုၬလၧခးအံဇံၭအဖၧၩ့တၭ, အီၪထီး နီၪထီးယလီၩဘၪနၧၩဆံၭ. အဂဲးဘဲၫယီၩ စဟ့ရၧၭ မိအၪ့ဎၬဖိၪၥၪနီၪ ဘဲၫအမိမၩၥံၫဝ့ၫ အၥိၭနီၪလီၫ.- 
အ ဝ့ၫဒၪဂဲထုၪ့မၩန့ဖိၪၥၪဒဲအမိ လၧမုနၩလခီၫတၭ, လ့ၩဝ့ၫထီၩ့လၧခးအံဇံၭအဖၧၩ့နီၪ,- အီၪဝ့ၫထီးနီၪထီးစ ဟ့ရၧၭၥံၫဝ့ၫလီၫ. ဘဲၫယွၩအလူ လၧမီၪလဂၩလီၩ ဘၪဝ့ၫနီၪ, မိလၧၫ့ထၪ့ ဎွ့ၩထၪ့ဝ့ၫအၥိၭတၭ, စံၭဝ့ၫ ဒၪယကိၭန့ယူၭ ယဖိၪခွၫလၧ ခးအံဇံၭအဖၧၩ့ယူၭ.
ထီးစဟ့ရၧၭၥံၫဝ့ၫတၭ, ယိခွါ, ကဆါအၥီၫ့လဂၩ မၩဖျီၪထၪ့အၥၭလၧ စယိၥၭအမ့ၬယၫ, လၧဆၧမံၫမး အဖၧၩ့, လၧခးအံဇံၭအဖၧၩ့နီၪ,- စံၭဝ့ၫဒၪ, ဂဲထုၪ့မၩန့ဖိၪၥၪဒဲအမိတၭ, ထဲၩ့နုၬထဲၩ့ လၧခးအံၫစရ့လၭအဖၧၩ့ဆံၭး အဂဲးဘဲၫယီၩ ၦလၧအအၪ့ဎၬဖိၪၥၪအၥၭမၧၫ့လဖၪနီၪ,ၥံၫယူၭဝ့ၫယူၭ.- အဝ့ၫဒၪဂဲထုၪ့မၩန့ ဖိၪၥၪဒဲအမိတၭ, ဂဲၫထဲၩ့ထီၩ့လၧ ခးအံၫစရ့လၭအဖၧၩ့နီၪလီၫ.- 
မွဲလါနၫ့ဘိၩ ထီးအနါဂၧၫ့လၧစအၫခံၫ လ့အၧၭပၧၩ့ဘၪဆၧ လၧခးယုဒၫအဖၧၩ့ လၧအဖါစဟ့ရၧၭအလးတၭ, လ့ၩစိၩဝ့ၫထီးနီၪဘုၪ့အ့ၬ, ယွၩၥီၪ့ ထဲၩ့ယူၭအဝ့ၫနီၪ လၧဆၧမံၫမးအဖၧၩ့တၭ, စဲၪ့ထၪ့ ဝ့ၫထီၩ့လၧခးဂၫလလံၫအဖၧၩ့တၭ,- ဂဲၫထဲၩ့အီၪဝ့ၫလၧဒိၩ့ ကိၭဝ့ၫအမံၩ့နၭဇရ့ၭး ဘဲၫၥိၭမီၪလဖၪ အလူမိလၧၫ့ထၪ့ ဎွ့ၩထၪ့ဝ့ၫနီၪ,စံၭဝ့ၫဒၪ, ဆၧမိကိၭဝ့ၫလၧၦနၭဇရ့ၭဖိၪလီၫ.