ယ့ၫၡှုၬဖျါလၩ့အထံၩအဖျဲလဆံၫနံၫဂၩ.

ယ့ၫၡှူၬကိၭကီၪ့ၦလဆံၫနံၫဂၩတၭ, ဖ့ၪလၫ့အဝ့ၫၥံၪ လၧဆၧစီၩ့ဆၧမၩ့လၧဆၧနၪ ထီးအလူၬအဖၫ့ခိၪ, ဒဲဘဲၫၥိၭအမိမၩဘျၪထဲၩ့ဆၧဆၫလီၫ.- မွဲအအၪ့မၧၫ့လၩ့ဝ့ၫဘဲၫၥိၭ အမိလီၩ့လၩ့လၬလၩ့ယွၩ အဘၩ့အမုးအဂဲး, ဒဲမၩဘျၪထဲၩ့ၦဘၪဆၧဆၫလီၫ.-

အဝ့ၫဒၪလီၩဘၪအဝ့ၫၥံၪ, လၧနၥံၪလ့ၩဆၧအဂးနီၪ, ထီးဆိၬဆၧနးမံၩ့လဂ့ၩ. နိၪထိၭမွဲဂ့ၩ, ဆၧအၪ့အထိၪ့မွဲဂ့ၩ, ကိၪမွဲဂ့ၩ, ကျိၪၥံၪစ့ၩၥံၪမွဲဂ့ၩ, ဆဲၫ့နံၫဘံၪ့မွဲဂ့ၩ, မွဲအထီးအီၪလဂ့ၩ.- နၥံၪအ့ၪလ့ၩနုၬ လၧဂံၪ့လဖျိၪ့အဖၧၩ့နီၪ အီၪထီးနီၪတၭ,စဲၪ့ထၪ့ခွံၬထီးနီၪဆံၭ.- ထီးဒၪၦလၧ အလထိးဆၧၫ့ဘၪနၥံၪနီၪ, ထီးနၥံၪအ့ၪစဲၪ့ထၪ့ခွံၬလၧဒိၩ့နီၪ,တရူၩလၩ့ခွံၬဂၪ့ခိၪအမုၬ လၧနၥံၪအခၪ့ယၫၥၭ လၧဆၧထိးအၥၭ လၧအထၫ့ဒုၪဒၩအဝ့ၫၥံၪဆံၭ.

အဝ့ၫၥံၪစဲၪ့ထၪ့ဝ့ၫတၭ, လ့ၩလီၩလၩ့လၬလၩ့ဆၧၥၭထိၬအပရၧၫ့, မၩဘျၪထဲၩ့ဆၧဆၫၥံၪ လၧတဝၫ့ၥံၪ ဎံၩ့ဎံၩ့လ့ၬလီၫ.