ယ့ၫၡူၬၥီၪ့ထဲၩ့ၥၫ့ထဲၩ့ ၦခမျၧး

ၦဆၧအၪ့မၧၫ့ဖိၪလဖၪ ဂဲၫအီၪကီၪ့လၧယ့ၫၡုၬအအီၪတၭႇ ထီးဒၪအမၩဆၧလဖၪမွဲဂ့ၩႇ ထီးဒၪအၥီၪ့ထဲၩ့ၥၫ့ထဲၩ့ဆၧလဖၪမွဲဂ့ၩႇ လီၩဘၪဝ့ၫထီးအလူၬလီၫ.- အဝ့ၫဒၪစံၭအဝ့ၫၥံၪႇ ဂဲၫနၥံၪဝ့ၫလၧဆၧကဒုၩအလး လၧမံၩ့လၬကျၩတၭႇ အီၪပွံၭနးဆိဖိၪဘီၪ.

အဂဲးဘဲၫယီၩ မွဲၦဂဲၫဂဲၫထဲၩ့ထဲၩ့အၪဂၩတၭႇ ထီးအဝ့ၫၥံၪအၪ့ဆၧလချႃၭဘၪလီၫ.- အဝ့ၫၥံၪလ့ၩလၧချံၫဖၧၩ့ ထီၩ့လၧမံၩ့လၬကျၩ လၧဆၧကဒုၩအလးလီၫ.- ၦလ ဖၪနီၪဒၪဘၪဝ့ၫလၧအစဲၪ့ထၪ့တၭႇ ၦအၪဂၩၥ့ၪယၫဝ့ၫတၭႇ စဲၪ့ထၪ့ဝ့ၫလၧကယဲအဒိၩ့ထီးအလူၬတၭႇ လ့ၩစဲၪ့ဝဲၩဝ့ၫလၧအခၪ့ထီးနီၪႇ လ့ၩထီၩ့ဆိၫဝ့ၫတၭႇ အီၪကိၩ့အီၪကီၪ့ဝ့ၫ လၧအအီၪလီၫ.

ယ့ၫၡုၬစဲၪ့ထၪ့ဝ့ၫနီၪႇ ဒၪဘၪၦခမျၧးဖၭဒိၪတၭႇ အၥၭအီၪဝ့ၫလီၫ. အဂဲးဘဲၫယီၩ မွဲအမၩအၥၭဘဲၫၥိၪလဖၪ လၧဆၧလအီၪယူၬ ဘၪဝ့ၫအၥိၭနီၪႇ တၭအဝ့ၫဒၪၥီၪ့ထဲၩ့ၥၫ့ထဲၩ့ ဆိၫဝ့ၫအၪမံၩ့လီၫ.