ယ့ၫၡူၬအၪ့မၧၫ့လၩ့အထံၩအဖျဲၥံၪလ့ၩလီၩလၩ့လၬလၩ့ဆၧ

လ့ၩလီၩလၩ့လၬလၩ့ဆၧတၭ, စံၭနၥံၪဝ့ၫ, မူၭခိၪအဘၩ့အမုးနီၪဘူၭထၪ့ယူၭ.- မၩဘျၪထဲၩ့ၦဆၫၥံၪ, ဒုၭ ဂဲထုၪ့ထဲၩ့ ၦၥံၫလဖၪနီၪ, မၩဆံၫ့ထၪ့ထဲၩ့ၦလၧအခံၫထူၬဆၫအၧၩ့လဖၪနီၪ, နၫ့ထၪ့ခွံၬဆၧနၪလဖၪဆံၭ. နၥံၪဒိၭန့ဆၧပျီၩပျီၩတၭ, ဖ့ၪလၫ့ဆၧပျီၩပျီၩဆံၭ.

ထီၫ့မွဲဂ့ၩ,စ့ၩမွဲဂ့ၩ, ထီးလၧနၥံၪအခၧၩ့ယးဖၧၩ့မွဲဂ့ၩ,- ထိၪ့လဖျိၪ့လၧဖၧၩ့ၥၭအဂးမွဲဂ့ၩ, ဆဲၫ့နံၫဘံၪ့ မွဲဂ့ၩ, ခၪ့ဖံၭလဖၪမွဲဂ့ၩ, နိၪထိၭလဘီၩ့မွဲဂ့ၩ, တဲၩ့ဝဲၩလၧနၥံၪအဂးလဂ့ၩး အဂဲးဘဲၫယီၩ ၦလၧအမၩဆၧနီၪ ဂ့ၩန့ဘၪဆၧအၪ့ဆၧအီၩလီၫ.- ထီးဒၪဒိၩ့ဂ့ၩး တဝၫ့ဂ့ၩ, လၧနၥံၪလ့ၩနုၬဘၪလဖျိၪ့ဖျိၪ့တၭ, ၦအဂ့ၩအီၪလၧအဖၧၩ့ မွဲပလၫလဂၩလဲၪနီၪ, အၪ့စၪ့ဒၪခလူၬတၭ, နၥံၪလချႃၭစဲၪ့ထၪ့ခွံၬဒံၭဘၪနီၪ, အီၪထီးနီၪဆံၭ. ထီးနၥံၪအ့ၪလ့ၩနုၬလၧဂံၪ့ဖၧၩ့တၭ, ချဲၩ့မုၬဝ့ၫဆံၭ. ဆၧလၧဂံၪ့နီၪအ့ၪဂ့ၩန့ဘၪဆၧတၭ, မွဲနၥံၪအဆၧမုၬဆၧလၩမိဘၪဒၪဝ့ၫဆံၭး အ့ၪလဂ့ၩန့ဘၪနီၪ, မွဲနၥံၪအဆၧမုၬဆၧလၩဘၪထဲၩ့ဒၪနၥံၪဆံၭ.