ယ့ၫၡူၬအထံၩအဖျဲၥံၪ မိန့ဘၪထဲၩ့ၥၫ ဆၧမၧၫ့အဆိၩအကၠၪ

ထီးနီၪလဖၧၫ့, ယ့ၫရှူၬစံၭအထံၩအဖျဲၥံၪ, ယလီၩဘၪနၥံၪတီၩတီၩ, ၦၥထံၫနီၪနုၬဝ့ၫလၧမူၭခိၪအဘၩ့အ မုးအဖၧၩ့ကၪမၬလီၫ.- မၩဒီၭလဖၧၫ့ ယလီၩဘၪနၥံၪလၧကလအူၭနုၬဖျီၫ့ထၭမ့ခဲၫ့ဖၧၩ့ ယီၫနဲၪ့ဒံၭၦၥထံၫ လဂၩလ့ၩနုၬလၧမူၭခိၪအဘၩ့အမုးအဖၧၩ့ဒံၭလီၫ.

အထံၩအဖျဲလဖၪနါဂၧၫ့ဝ့ၫတၭ, ထီၫမံၫထီၫမၪဒိၪမၬတၭ, စံၭဝ့ၫဒၪ, အ့ၪမွဲဘဲၫနီၪတၭ, မွဲၦထီၩ့လၧ ဆၧထိး ထဲၩ့တၩ့ထဲၩ့မိၥ့ၪနးဂၩလဲၪ.- ယ့ၫရှူၬယိဆၧထံၫထံၫဆၭဆၭတၭ, စံၭအဝ့ၫၥံၪ, အယီၩၦၡၩမၩၥ့ၪအ့ၬ. အ့ၪမွဲယွၩနီၪၥ့ၪဆၧထီးအလူၬလီၫ.-

ထီးနီၪလဖၧၫ့ စပံတၧၫချဲၩ့ဆၧၫ့ဆၧတၭ,စံၭဝ့ၫ,ယိခွါ,ပဝ့ၫဒၪယီၩ, ပစဲၪ့ဒၪဆၧထီးအလူၬတၭ,ပဖိၬယူၭနခဲၫ့ယူၭ. မၩ အၥၭဘဲၫနီၪတၭ,ပမိန့ဘၪဆၧနီၪလဲၪ.- ယ့ၫရှူၬစံၭဝ့ၫ, ယလီၩဘၪနၥံၪတီၩတီၩ လၧကယဲဆၧထီးအလူၬလဖၪ, ထီးဆၧအ့ၪမၩထဲၩ့အၥၫ့ခိၬအဖၧၩ့နီၪ, ထီးၦၡၩအဖိၪခွၫမိဆၧၫ့နၩ့ဝ့ၫလၧအလးဆီၩ့ဆီ ကယးကဖးအဖၫ့ခိၪတၭ, ၦလၧအဖိၬယခဲၫ့နၥံၪဝ့ၫဒၪယီၩ, နၥံၪမိဆၧၫ့နၩ့ဆ့ လၧလးဆီၩ့ဆီလဆံၫနံၫဖျိၪ့အဖၫ့ခိၪတၭ, နၥံၪမိစ့ၩရၫ့ဘၪ ၦအံၫစရ့လၭလဆံၫနံၫဒီၪ့လီၫ.-

ကယဲၦလၧအစဲၪ့ဒၪအဂံၪ့အဎၫ့မွဲဂ့ၩ, အထၧၫ့ဖုဝဲမုၪမွဲဂ့ၩ,အထၧၫ့ဖုဝဲခွၫမွဲဂ့ၩ,အမိမွဲဂ့ၩ,အဖါမွဲဂ့ၩ, အဖိၪအမၫမွဲဂ့ၩ, အဖိၪအလံၩမွဲဂ့ၩ, အဆံၬအနၩ အဎံၪအဎုၭမွဲဂ့ၩ, လၧယမံၩ့အကၠီၩ့ ကိၭဂၩဒ့ၭနီၪ, မိန့ဘၪထဲၩ့ဝ့ၫအၪနဲၪ့ အလးလယၩတၭ, မိန့ဘၪထဲၩ့ၥၫ ဆၧမၧၫ့အဆိၩအကၠၪလီၫ.- မွဲလါနၫ့ဘိၩ ၦအီၪဝ့ၫလၧ ယၫအၪဂၩနီၪ မိအီၪထဲၩ့ဝ့ၫလၧခဲၫ့တၭ, ၦလၧခဲၫ့နီၪ မိအီၪထဲၩ့ဝ့ၫလၧယၫလီၫ.