ယ့ၫၡူၬမၩဘျၪထဲၩ့ၦဆံၫဂၩ

ဆၧမၩအၥၭလၧအလ့ၩစိၩလၧယရုစလံၫ့နီၪ, မွဲအလ့ၩခၫ့ဂၬခွံၬ စမ့ရအၫဒဲဂၫလလံၫအၥၭကျၩလီၫ. မိလ့ၩနုၬဝ့ၫလၧတဝၫ့လဖျိၪ့အဖၧၩ့တၭ, ၦခံၫထူၬဆၫအၧၩ့ဆံၫဂၩ ဂဲၫထၪ့လၧဖၧၩ့ၥၭနီၪ, ဆၧၫ့ထုၪ့ဆီၩ့ဆုၩဝ့ၫယဲၩ့ယိၬတၭ,- ကိၭၡၭထၪ့ဆၧ, စံၭဝ့ၫ, ယ့ၫၡုၬကဆါဧ့,ယၫ့ၥၭပၧၩဆံၭ.-

မွဲအဒၪဘၪဝ့ၫတၭ, စံၭအ ဝ့ၫၥံၪ,လ့ၩဘီၪ, ဒုၭနဲၪနၥံၪအၥၭလၧၦလုဆၧအမ့ၬယၫဆံၭ. ဆၧမၩအၥၭ လၧအလ့ၩဆၧအဘိၩ့ဘၭနီၪ အဝ့ၫၥံၪဆံၫ့ထၪ့ထဲၩ့ဝ့ၫလီၫ. လၧၦလဖၪနီၪအကျၩအလဂၩ, ထီးအၥ့ၪယၫလၧ အဆံၫ့ထၪ့ထဲၩ့ဝ့ၫတၭ, ဂဲၫထဲၩ့ထဲၩ့ စံၭထၪ့အၪ့အူၭ ယွၩလၧအလူဖၭဒိၪ,- ထွံၩလၩ့အခၪ့လၧအခၪ့ထံၭတၭ, စံၭထၪ့အၪ့အူၭအခိးအတၩလီၫ. ၦလဂၩနီၪမွဲ ၦစမ့ရအၫဖိၪလီၫ.-

ယ့ၫၡုၬချဲၩ့ဆၧၫ့ဆၧတၭ, စံၭဝ့ၫႇ ၦဆံၫ့ထၪ့ယူၭဆံၫဂၩမွဲအ့ၬဧၪ. ၦခွံၫဂၩနီၪအီၪခီၫခီၫလဲၪ.- ၦဂဲၫထဲၩ့ထဲၩ့ စံၭထၪ့အၪ့အူၭယွၩအခိးအတၩအီၪအ့ၬး အီၪန့ၫၦလခီၫဘၩ့မုးဖိၪလဂၩယီၩမၬကၨ.- တၭအဝ့ၫဒၪစံၭအဝ့ၫ ဂဲထုၪ့တၭႇ ထဲၩ့ထဲၩ့ ဆံၭ. နဆၧနဲၩနီၪမၩဘျၪထဲၩ့ယူၭနၧၩယူၭ.