ယ့ၫၡူၬမွဲဂၪ့ခိၪအဆၧဖၩ့

မၩအၥၭဘဲၫနီၪတၭ, ယ့ၫၡုၬလီၩဘၪဒီၭအဝ့ၫၥံၪ, စံၭဝ့ၫ,ယဝ့ၫဒၪယီၩယမွဲဂၪ့ခိၪအဆၧဖၩ့လီၫ. ၦလၧ အဖိၬယခဲၫ့လဖၪနီၪ မိလ့ၩလၧဆၧခံၭအကျၩအ့ၬ. မိန့ဘၪဆၧမၧၫ့အဆၧဖၩ့လီၫ.-

မၩအၥၭဘဲၫနီၪတၭ, ၦဖၫရစံၫၥံၪစံၭအဝ့ၫ နထိးနၥၭလၧနဂးဒၪနဝ့ၫလီၫ. နဆၧထိးနၥၭနီၪတီၩအ့ၬ.- ယ့ၫၡုၬချဲၩ့ဆၧၫ့ဆၧတၭ, စံၭအဝ့ၫၥံၪ, ယထိးယၥၭလၧယဂးဒၪယဝ့ၫလါနၫ့ဘိၩ, ယဆၧထိးယၥၭနီၪမွဲအတီၩလီၫ. အဂဲးဘဲၫယီၩ မွဲယဂဲၫဝ့ၫခီၫခီၫလဲၪ, ယမိထဲၩ့ထဲၩ့ခီၫခီၫလဲၪနီၪ,ယၥ့ၪယၫယဝ့ၫလီၫ. အ့ၪမွဲနၥံၪဝ့ၫယီၩ မွဲယဂဲၫဝ့ၫခီၫခီၫလဲၪ, ယမိထဲၩ့ထဲၩ့ခီၫခီၫလဲၪနီၪ, နၥံၪၥ့ၪယၫအ့ၬ. နၥံၪဝ့ၫဒၪလဖၪယီၩ, နၥံၪစ့ၩရၫ့ဆၧဘဲၫဆၧယၪအၥိၭနီၪတၭ, ယဝ့ၫဒၪယီၩယစ့ၩရၫ့ၦနးဂၩအ့ၬ.- ယအ့ၪစ့ၩရၫ့ဆၧတၭ, ယဆၧစ့ၩရၫ့နီၪမွဲအတီၩလီၫ. အဂဲးဘဲၫယီၩ ယဝ့ၫဒၪယီၩ, ယအီၪလဂၩဎးမွဲအ့ၬ, ယအီၪလၧယဖါလၧ အအၪ့မၧၫ့လၩ့န့ယၧၩအၥိၭလီၫ. ဆၧကွ့ၭအၥၭ လၧနၥံၪအဆၧမၪလူၬအဖၧၩ့ လၧၦနံၫဂၩအဆၧထိးအၥၭနီၪ, မွဲအတီၩလီၫ.- ယဝ့ၫဒၪယီၩ ယထိးယၥၭလၧယဂးဒၪယဝ့ၫတၭ, ဖါလၧအအၪ့မၧၫ့လၩ့န့ယၧၩလဂၩနီၪ, ထိးအၥၭလၧယဂးဆ့လီၫ.-

 မၩအၥၭဘဲၫနီၪတၭ,အဝ့ၫၥံၪစံၭအဝ့ၫ, မွဲနဖါနီၪအီၪခီၫခီၫလဲၪ. ယ့ၫၡုၬချဲၩ့ဆၧၫ့ဝ့ၫ, ယဝ့ၫဒၪမွဲဂ့ၩ, ယဖါမွဲဂ့ၩ,နၥံၪၥ့ၪယၫအ့ၬ. နၥံၪအ့ၪၥ့ၪယၫယၧၩတၭ, နၥံၪမိၥ့ၪယၫယဖါဆ့လီၫ. ယ့ၫၡုၬၥီၪ့ထဲၩ့ၥၫ့ထဲၩ့ဆၧလၧဆၧလုအဂံၪ့ဖၧၩ့အဘိၩ့ဘၭနီၪ, လီၩလၩ့လၬလၩ့ဆၧလဖၪယီၩ, အီၪဝ့ၫ လၧစ့ၩအီၪက့ၪကီၪ့အလးလီၫ. ၦလအီၪက့ၪဘၪအစူၪလၧအလီၩ့နးဂၩနီၪ, အဂဲးဘဲၫယီၩအဆၧၫ့အထီဘၪဒံၭအ့ၬ.