ယ့ၫၡူၬဎြံၬထိးဆၧနၭဆၧၡၪ့ဒဲထိးၥံၫၥၭအဂဲး

စယီဟၫ့ ၁၈: ၁  - ၁၉: ၄၂

ဆၧဖီၪ့ယ့ၫၡုၬ.

ယ့ၫၡုၬချဲၩ့ဆၧလဖၪနီၪဂီၩ့တၭ, စဲၪ့ထၪ့လ့ၩဝ့ၫလၧ အထံၩအဖျဲၥံၪအၥိၭလၧကံဒၧၫ့ဝါလခီၫ, ထီးကျိၭ အီၪဝ့ၫအလးလစီၪ့နီၪ, လ့ၩနုၬဝ့ၫလၧအထံၩအဖျဲၥံၪအၥိၭလီၫ.- ၦလၧအဖ့ၪလၫ့ခွံၬအဝ့ၫဒၪ, စယုဒၭနီၪ ၥ့ၪယၫအလးလီၫ. အဂဲးဘဲၫယီၩဆၧအလးနီၪ ယ့ၫ ၡုၬလ့ၩယုၩယါဝ့ၫ လၧအထံၩအဖျဲၥံၪအၥိၭလီၫ.

မၩအၥၭဘဲၫနီၪတၭ, စယုဒၭလဂၩန့ဘၪယူၭ ၥုၭဖိၪလဒီၪ့ဒဲအခိၪလဖၪ လၧၦလုဆၧအဒိၪၥံၪဒဲလၧၦဖၫ ရစံၫၥံၪအစူၪဖၧၩ့တၭ, လ့ၩထီၩ့ထီးနီၪလၧမ့ၪဒိၩ့ၥံၪ, ဒဲၡီၫၥံၪ,ဒဲဆၧအစူၪဝဲၩလဖၪနီၪလီၫ.- မၩအၥၭဘဲၫ နီၪတၭ,ယ့ၫၡုၬၥ့ၪယၫလၧဆၧမိမၩအၥၭ လၧအဂး ထီးအလူၬနီၪ, လ့ၩထၪ့ဝ့ၫလၧအအီၪတၭ, စံၭအဝ့ၫၥံၪ,မွဲနၥံၪအၪ့ဎၬပလၫလဂၩလဲၪ.- အဝ့ၫၥံၪချဲၩ့ဆၧၫ့ ဝ့ၫဒၪ,ၦနၭဇရ့ၭဖိၪယ့ၫၡုၬနီၪလီၫ. ယ့ၫၡုၬလီၩဘၪ အဝ့ၫၥံၪ,မွဲယၧၩလီၫ. တၭၦလၧအဖ့ၪလၫ့ခွံၬ အဝ့ၫ, စယုဒၭလဂၩအီၪဝ့ၫ လၧအဝ့ၫၥံၪအၥိၭဆ့လီၫ.

မၩအၥၭဘဲၫနီၪတၭ, ထီးအစံၭအဝ့ၫၥံၪ, မွဲယၧၩ တၭ,အဝ့ၫၥံၪဂုၩ့ထဲၩ့အၥၭလၧအလးခဲၫ့နီၪ, လၩ့ထံၩဖါဝ့ၫလၧဂၪ့ခိၪလီၩ့လီၫ.- မၩအၥၭဘဲၫနီၪတၭ, ယ့ၫၡုၬအၪ့စၪ့ဒီၭအဝ့ၫၥံၪ, မွဲနၥံၪအၪ့ဎၬပလၫလဂၩ လဲၪ.အဝ့ၫၥံၪစံၭဝ့ၫ, ၦနၭဇရ့ၭဖိၪ ယ့ၫၡုၬ နီၪလီၫ. ယ့ၫၡုၬချဲၩ့ဆၧၫ့ဝ့ၫ, ယလီၩဘၪယူၭနၥံၪယူၭ, မွဲယၧၩလီၫ. မၩအၥၭဘဲၫနီၪတၭ, ႉႉႉႉ