ယ့ၫၡုၬၥီၪ့လိၪ ဘၪဆဲၫ့လၧဆၧထုၭလၩ့ၡၪအဂဲး

အဝ့ၫဒၪဂဲထုၪ့လၧအလးထီးနီၪတၭ,လ့ၩဝ့ၫထီၩ့ လၧယီၫဒၫ့ဝါလခီၫနီၪ အီၪလၧခးယုဒၫအနဲၩ့ထံၭလီၫ. ၦခမျၧးဂဲၫအီၪကီၪ့ဒီၭလၧအအီၪတၭ, အဆၧၥီၪ့ထဲၩ့ၥၫ့ထဲၩ့ဒီၭအဝ့ၫၥံၪ ဘဲၫအထူၫအရူၫအၥိၭနီၪလီၫ. ၦဖၫရစံၫလဖၪဂဲၫလၧအအီၪနီၪ, ကျဲၩ့ဖစီၩ့ဝ့ၫတၭ, အၪ့စၪ့ဝ့ၫလၧၦခွံၬၡိၭအမၫနီၪ,မွဲအဂ့ၩဆ့ဧၪ.-

အဝ့ၫ ဒၪချဲၩ့ဆၧၫ့ဆၧတၭ, စံၭအဝ့ၫၥံၪ, မွဲစမိစ့ၭမၪလူၬနၥံၪ ဘဲၫၥ့ၪလဲၪ.- အဝ့ၫၥံၪစံၭ, စမိစ့ၭဒုၭကွ့ၭလံၬလၩ့ၡၪ တၭ, ခွံၬၡိၭဝ့ၫလီၫ.- ယ့ၫၡုၬချဲၩ့ဆၧၫ့ဆၧတၭ, စံၭဝ့ၫ,မွဲအကွ့ၭန့နၥံၪအဆၧၥီၪ့ဆၧၥၫ့လထံၪယီၩ, လၧန ၥံၪအၥုၪ့နီၩ့အၥၭနီၩ့အကၠီၩ့လီၫ.- မွဲလါနၫ့တၭ, လၧအမၩကဲၪထၪ့ဆၧလၧအၥၫ့နီၪ, ယွၩမၩကဲၪထၪ့န့ၦ မုၪဒဲၦခွၫလီၫ.- မၩ အ ၥၭ ဘဲၫ နီၪ တၭ, ၦ ခွၫ ဘၪ စဲၪ့ ဒၪ  အ မိ အ ဖါ, ဘၪ ၥုၭ ဘူၭ အ ၥၭ လၧ အ မၫ လီၫ.- အ ဝ့ၫ ၥံၪ နံၫ ဂၩ နီၪ မိ ကဲၪ ထၪ့ ဆၧ လ ၥွံၪ ဎး လ ယၪ ဎး လီၫ. အနီၪတၭ, မွဲ လၧၩ့ၦနံၫဂၩအ့ၬ,မွဲလၥွံၪဎးလယၪဎးလီၫ.- မၩအ ၥၭဘဲၫနီၪတၭ, ဆၧလၧယွၩအီၪက့ၪဎုၬဝ့ၫနီၪ, မွဲၦၡၩ ထီးထုၭလၩ့ၡၪလဂ့ၩ.

လၧဂံၪ့ဖၧၩ့နီၪ, အထံၩအဖျဲၥံၪအၪ့စၪ့ဒီၭဝ့ၫ လၧဆၧနီၪအဂဲးအကၠီၪ့လီၫ.- အဝ့ၫဒၪစံၭအဝ့ၫၥံၪ,ထီးဒၪၦ လၧအခွံၬၡိၭခွံၬအမၫတၭ, အီၪဎုၬလၧအဂူၫဂၩလဂၩဂၩနီၪ မွဲအအဲၪဘိၩ့အမၫလီၫ.- ၦမုၪအ့ၪခွံၬၡိၭခွံၬအ ဝၩတၭ,အီၪဎုၬလၧအဂူၫဂၩလဂၩဂၩနီၪ မွဲအအဲၪဘိၩ့အဝၩလီၫ.