ယ့ၫၡုၬအၪ့ဎိၭလၩ့ဘိၪ့လ့ၩဖၬလၧအထံၩအဖျဲလဖၪ.

ဘိၪ့ကိၪလဘၪဘၪလၧမံၪ အနံၩအခၪ့ထံၭလၧအ ဝ့ၫၥံၪမၩၥံၫဘိၪ့လ့ၩဖၬနီၪ, အထံၩအဖျဲၥံၪအၪ့စၪ့ဝ့ၫ, ဘဲၫၥိၭနမိအၪ့ဘၪဘိၪ့လ့ၩဖၬနီၪ, မွဲအဘၪနၥၭလၧပလ့ၩတဲၩ့ဝဲၩအလးခီၫခီၫလဲၪ.- အဝ့ၫဒၪအၪ့မၧၫ့အ ထံၩအဖျဲနံၫဂၩတၭ, စံၭအဝ့ၫၥံၪလ့ၩလၧဒိၩ့ဖၧၩ့တၭ, နၥံၪမိဒၪၦၡၩလ့ၩယိၭထံၫလဂၩတၭး ဖိၬအခဲၫ့ဆံၭ. ထီးအလ့ၩနုၬဝ့ၫလစီၪ့စီၪ့နီၪ, လီၩဘၪဂံၪ့ကဆါ,ဆရၫ စံၭဝ့ၫ, ၦမွံၩအဒူၭလၧယမိအၪ့ဘၪဘိၪ့လ့ၩဖၬ လၧယထံၩယဖျဲအၥိၭနီၪ မွဲအအီၪခီၫခီၫလဲၪ.- အဝ့ၫမိဒုၭ နဲၪနၥံၪလၧဒူၭဖၭဒိၪ လၧထၭလဆၫ့အီၪဝဲၩဝ့ၫ, ဒဲတဲၩ့ဝဲၩအၥၭတၭ, တဲၩ့ဝဲၩဆၧလၧပဂးထီးနီၪဆံၭ.- အ ထံၩအဖျဲစဲၪ့ထၪ့တၭ, လ့ၩဝ့ၫလၧဒိၩ့ဖၧၩ့နီၪ, ဒၪန့ဆၧဘဲၫယ့ၫၡုၬစံၭဝ့ၫအၥိၭတၭ, တဲၩ့ဝဲၩဘိၪ့လ့ၩဖၬလီၫ.-

အဝ့ၫၥံၪအၪ့ဆၧအဘိၩ့ဘၭနီၪ, ယ့ၫၡုၬမၩန့စိၩ ကိၪလလီၪ့ဆိၪဂ့ၩဝ့ၫကံၪ့ဘျ့ၭဝ့ၫတၭ, ဖ့ၪလၫ့အဝ့ၫၥံၪစံၭဝ့ၫဒၪ, မၩန့အၪ့ဆံၭ. အယီၩမွဲယမိၡါလီၫ.- မၩန့စိၩလိၫ့နီၪ, စံၭထၪ့အၪ့အူၭဆၧအခိးအတၩ ဖ့ၪလၫ့အဝ့ၫၥံၪတၭ, ဆၧအီၪလၧအဖၧၩ့နီၪ, အဝ့ၫၥံၪအီၩဝ့ၫကိၭဂၩဒ့ၭလီၫ.- အဝ့ၫဒၪလီၩဘၪအဝ့ၫၥံၪ, ဆၧယီၩမွဲယၥွံၪလၧအလူၫလၩ့အၥၭ လၧၦအၪဂၩအဂးတၭ, ဘၪဆဲၫ့လၧဆၧအုၩ့လၩ့အၥၫ့လီၫ.- ယစံၭနၥံၪတီၩတီၩ လၧယလအီၩလၧၩ့ဘၪ စဘံၭၥၪအထံၫယီၩ, ထီးမုနံၩလၧယမိအီၩအၥၫ့ လၧယွၩအဘၩ့အမုးအဖၧၩ့လီၫ.- ထီးအဝ့ၫၥံၪၥံၫကျံၩဆၧဂီၩ့နီၪ, လ့ၩထၪ့ဝ့ၫလၧခိၪလီၩ့အလဲအိၫ့အလီၩ့လီၫ.