ယ့ၫၡုၬအဆၧအဲၪဘၪဝံးယရုစလံၫ့.

Thursday, October 29, 2020

လၧမုလနံၩနီၪ ၦဖၫရစံၫလနၩ့နၩ့ ဂဲၫလၧအအီၪတၭ စံၭအဝ့ၫႇ စဲၪ့ထၪ့ခွံၬထီးယီၩဘီၪ. အဂဲးဘဲၫယီၩ စဟ့ရၧၭမိမၩၥံၫဘၪအၥၭလၧနၧၩလီၫ.- အဝ့ၫဒၪစံၭ အဝ့ၫၥံၪႇ လ့ၩလီၩဘၪထွံၪမံၩ့နီၪႇ ယိခွါႇ မုဆၫလနံၩ ဒဲကဲဂီၩလနံၩနီၪႇ ယနၫ့ထၪ့ခွံၬဆၧနၪ ဒဲမၩဘျၪထဲၩ့ ဆၧဆၫတၭႇ လၧၥၧၫ့နံၩလနံၩအဖၧၩ့နီၪ ယမိလၧၫ့ထၪ့ဎွ့ၩထၪ့ယဝ့ၫလီၫ.- လၧနီၪအမ့ၬယၫဒံၭ မုဆၫလနံၩယီၩ ဒဲကဲဂီၩဒဲကဲတဂီၩခိၬယီၩႇ ယမိဘၪလ့ၩဆၧလီၫ. အဂဲးဘဲၫယီၩ လၧယရုစလံၫ့အချိၫ့လခီၫနီၪႇ မီၪလဂၩဘၪဆၧဂၭဂီၩ့ၥ့ၪနးဂၩအ့ၬ.

ယရုစလံၫ့ဧ့ႇ ယရုစလံၫ့ဧ့ႇ နဝ့ၫဒၪယီၩ နမၩၥံၫမီၪလဖၪနီၪႇ ဒဲၦလၧအဘၪဆၧအၪ့မၧၫ့လၩ့ဝ့ၫ လၧနအီၪလဖၪနီၪႇ နခွံၬအဝ့ၫၥံၪလၧလိးလီၫ. ဘဲၫဆၫ့မိၡါ ဒုၭအီၪကီၪ့အဖိၪ လၧအဒံၭဖၫ့လၬအၥိၭနီၪ ဆၧမိဒုၭ အီၪကီၪ့ဘၪယၥၭ လၧနဖိၪအဘျၩ့ဆံၭအၪလဲၪ. အ့ၪမွဲနၥံၪဝ့ၫဒၪယီၩ နၥံၪအၥၭအီၪအ့ၬ.- ယိခွါႇ နၥံၪအဂံၪ့အီၪလၩ့ထးအီၪယူဝ့ၫလီၫ. ယစံၭနၥံၪတီၩတီၩႇ နၥံၪလဒၪဘၪယၧၩ ထီးအမုအလၩဘၪ လၧနၥံၪမိစံၭႇ ၦလၧအဂဲၫလၧယွၩအမံၩ့နီၪႇ မွဲအဘၪဆၧဆိၪဂ့ၩဝ့ၫဆံၭ နီၪလီၫ.