ယ့ၫၡုၬအခံးအဂၩ့အၪ့လဲၩထၪ့အၥၭ

ယ့ၫၡုၬကိၭန့စပံတၧၫ့, ဒဲစယီဟၫ့,ဒဲစယ့မံၭလဖၪတၭ, လ့ၩထၪ့ဘၩဆိၪဖၪဆၧလၧ ခိၪလီၩ့လဖျိၪ့အလီၩ့လီၫ.- ဆၧမၩအၥၭလၧအဘၩဆိၪဖၪဆၧအဘိၩ့ဘၭနီၪ, အမ့ၬအၪ့လဲၩအၥၭတၭ, အကီၩ့အၥိၭဘွၩထၪ့ဂိးၡ့ၭဂိးၡီၫလီၫ.- ယိခွါ,စမိစ့ၭ, ဒဲစအံၫလဲယၫနံၫဂၩအီၪထၪ့ လၧဆၧလၩဖၩ့အဖၧၩ့တၭ,ချဲၩ့ဒုၪ့လိၬအၥၭလၧအဝ့ၫနီၪတၭ,- ချဲၩ့ဝ့ၫလၧ အထဲၩ့ထဲၩ့ဝ့ၫနီၪ အဂဲးအကၠီၪ့လၧအမိလၧၫ့ထၪ့ဎွ့ၩ ထၪ့လၧယရုစလံၫ့အဖၧၩ့နီၪလီၫ.-

စပံတၧၫဒဲၦအီၪလၧအၥိၭနီၪ, မံၫခံၫ့ဝ့ၫလီၫ. ထီးအနၪ့ထၪ့အၥၭ, ဒၪဘၪအလၩအဖၩ့, ဒဲၦနံၫဂၩဆၧၫ့ထုၪ့လၧအၥိၭ လီၫ.- ဆၧမၩအၥၭထီးအဝ့ၫၥံၪစဲၪ့ထၪ့ခွံၬလၧအအီၪတၭ, စပံတၧၫစံၭဘဲၫၥ့ၪလဲၪဘဲၫၥ့ၪလဲၪနီၪ, လၥ့ၪယၫဘၪဝ့ၫ, စံၭယ့ၫၡှူၬ, ကဆါဧ့,ပအီၪထီးယီၩမုၬကၨး ပမိမၩတဲၩနးၥၧၫ့ဖျိၪ့, လၧနဂးနးဖျိၪ့,ဒဲလၧစမိစ့ၭအ ဂးနးဖျိၪ့,ဒဲလၧစအံၫလဲယၫအဂးနးဖျိၪ့လီၫ.-  

ချဲၩ့ဆၧအဘိၩ့ဘၭနီၪ, ဆၧအုၪ့လၩ့ကဒုၩအဝ့ၫၥံၪလီၫ. ထီး အဝ့ၫၥံၪလ့ၩနုၬဝ့ၫ လၧဆၧအုၪ့အဖၧၩ့နီၪၥၭမဲၪဝ့ၫဒၪလီၫ.- ဆၧအလူၥီၫလၩ့လၧဆၧအုၪ့အကျၩတၭ, စံၭဝ့ၫ, ၦလဂၩယီၩ မွဲယဖိၪခွၫလၧယရွံန့လဂၩ, ခိၭနၪအလူဆံၭ. ထီးမွဲဆၧၥီၫလၩ့နီၪ,ယ့ၫၡှူၬအီၪဝ့ၫလဂၩဎးလီၫ.- အဝ့ၫၥံၪအီၪလၩ့မါပံၭတၭ, မုနံၩလဖၪနီၪ လီၩဘၪဆၧ လၧအဒၪဘၪဝ့ၫနီၪလၧၦနးဂၩအ့ၬ.