ယ့ၫၡုၬလ့ၩနုၬလၧဆၧလုဂံၪ့အဖၧၩ့.

ယ့ၫၡုၬလ့ၩနုၬဝ့ၫလၧယရုစလံၫ့, ဒဲလၧဆၧလုအဂံၪ့ဖၧၩ့တၭ,ယိဝၬဝၬဆၧထီးအလူၬလီၫ. နၩရံၩထီးနီၪမွဲမုဂၪလၩ့တၭ, အဝ့ၫဒၪစဲၪ့ထၪ့ဝ့ၫလၧ ၦလဆံၫနံၫဂၩအၥိၭလၧခီၫ့နီၪ နုၬလၧဘ့ၭၥနံၫအဖၧၩ့လီၫ.
ကဲဂီၩလနံၩ, လၧအဝ့ၫၥံၪစဲၪ့ထၪ့ခွံၬဝ့ၫလၧဘ့ၭၥနံၫအဖၧၩ့နီၪ, အဝ့ၫဒၪၥၭဝံအၥၭလီၫ.- ဒၪစိၩချိၪ့ဒိၩ့ လထံၭအီၪလၧအလၪတၭ, ဘၪလဘၪမိဒၪဆၧအီၪ လၧအလီၩ့လမံၩ့မံၩ့တၭ, လ့ၩယိဝ့ၫ, အ့ၪလမွဲဘၪအလၪနီၪ ဒၪဘၪဆၧနးမံၩ့အ့ၬ. အဂဲးဘဲၫယီၩ ချိၪ့ဒိၩ့ၥၪအမုအလၩလဘၪဒံၭဘၪလီၫ.- ယ့ၫၡုၬချဲၩ့ထၪ့ဆၧတၭ, စံၭဝ့ၫ, ထီးယီၩလၧယၫလခီၫ မွဲပထီးအၪ့ဘၪလၧၩ့နၥၪ နးဂၩနးဆိၭလဂ့ၩ. အထံၩအဖျဲၥံၪနါဂၧၫ့ဝ့ၫလီၫ.
အဝ့ၫၥံၪလ့ၩထီၩ့လၧယရုစလံၫ့တၭ, ယ့ၫၡုၬနုၬဝ့ၫလၧဆၧလုအဂံၪ့ဖၧၩ့တၭ, နၫ့ထၪ့ခွံၬၦဎွ့ၩဆၧ,ဒဲၦ အၪ့ဆၫဆၧလၧဆၧလုအဂံၪ့အဖၧၩ့တၭ, ချႃၬလၩ့ခွံၬ ၦအၪ့လဲၩစ့ၩအစပွဲၥံၪ, ဒဲၦအၪ့ဆၫထိၪလွံအလးဆၧၫ့နၩ့လဖၪလီၫ.- မွဲအဖ့ၪလၫ့ၦဆိၬဖၬဖၧၩ့ၥံၪ လၧဆၧလုအဂံၪ့နီၪနးဂၩအ့ၬ.
 ၥီၪ့ထဲၩ့ၥၫ့ထဲၩ့ဆၧတၭ, စံၭအဝ့ၫၥံၪ, ဆၧကွ့ၭအၥၭး ယ ဂံၪ့ မိ ဘၪ ဆၧ ကိၭ ဝ့ၫ လၧ ဆၧ ဘၩ ဆိၪ ဖၪ အ ဂံၪ့ လၧ က ယဲ ၦ ကိၭ ဆၨၩ ဒ့ၭ အ ဂး မွဲ အ့ၬ ဧၪ. အ့ၪ မွဲ န ၥံၪ ဝ့ၫ ဒၪ ယီၩ, နၥံၪ မၩ ယူၭ ဝ့ၫ လၧ ၦ ထ မျၬ အဖၧၩ့ယူၭမၬကၨ.- ၦကွ့ၭလံၬဒဲၦလုဆၧအဒိၪၥံၪနါဂၧၫ့ဝ့ၫတၭ, မိမၩၥံၫဘၪဝ့ၫဘဲၫၥ့ၪလဲၪဘဲၫၥ့ၪလဲၪနီၪ အၪ့ဎၬဝ့ၫလီၫ. အဝ့ၫၥံၪၥၭမဲၪအဝ့ၫဒၪတၭ, အဂဲးဘဲၫယီၩ ၦခမျၧးထီးအလူၬထီၫမံၫထီၫမၪလၧ အဆၧၥီၪ့ဆၧၥၫ့အဂဲးလီၫ.- ထီးမုဂၪလၩ့နီၪ, အဝ့ၫဒၪစဲၪ့ထၪ့ ခွံၬဝ့ၫလၧဒိၩ့ဖၧၩ့လီၫ.
ဆၧဖၩ့ထၪ့နီၪ အဝ့ၫၥံၪလ့ၩဖီၩ့ခွံၬအဘိၩ့ဘၭတၭ, ဒၪဘၪလၧချိၪ့ဒိၩ့လထံၭဎဲၫ့ထၬလူၬဝ့ၫ လၧအဝံလီၫ. စပံတၧၫနၪ့ထၪ့ထဲၩ့အၥၭတၭ, စံၭဝ့ၫ, ရၭဘံၫဧ့, ယိခွါ, ချိၪ့ဒိၩ့လၧနဆိၪအၧၩ့လထံၭနီၪ, ဎဲၫ့ထၬယူၭဝ့ၫယူၭ. ယ့ၫၡုၬချဲၩ့ဆၧၫ့ဆၧ, စံၭအဝ့ၫၥံၪႇ အီၪလၧဆၧနဲၩ လၧယွၩအဖၧၩ့ဆံၭ.- အဂဲးဘဲၫယီၩ ယလီၩဘၪနၥံၪတီၩတီၩ ထီးဒၪၦလၧအစံၭခိၪလီၩ့ယီၩ, ၥုၭခွံၬနၥၭတၭ, ခွံၬၡိၭခွံၬနၥၭလၧမၫဆမံၭအဖၧၩ့ဆံၭ. အၥၭအ့ၪလဂံၩ့ဂၩ့ဘၪတၭ, အ့ၪနဲၩဝ့ၫလၧဆၧမိမၩအၥၭ ဘဲၫအစံၭဆၧအၥိၭနီၪ,ထီးဒၪအစံၭဆၧနီၪ, မိမၩအၥၭလၧအဂးလီၫ. မၩအၥၭဘဲၫနီၪတၭ, ယစံၭနၥံၪ ထီးဒၪနၥံၪအၪ့ကံၩ့ဆၧ လၧနၥံၪဘၩဆိၪဖၪဆၧအဖၧၩ့ထီးအလူၬနီၪ, နဲၩလၧနၥံၪမိန့ဘၪဝ့ၫတၭ, မွဲန ၥံၪမိန့ဘၪဆ့လီၫ.
ထီးနၥံၪဆၧၫ့ထုၪ့ဘၩဆိၪဖၪဆၧနီၪ, ဘဲၫၥိၭနၥံၪအဖါအီၪလၧမူၭခိၪ မိကွဲၪဖျါခွံၬနၥံၪအဆၧမၪတၭ, နၥံၪအ့ၪအီၪက့ၪဆၧအမၪ လၧၦလဂၩဂၩအလီၩ့လမံၩ့မံၩ့နီၪ, ကွဲၪဖျါထဲၩ့အဝ့ၫဆံၭ.- နၥံၪအ့ၪလကွဲၪ ဖျါခွံၬဘၪတၭ, နၥံၪအဖါအီၪလၧမူၭခိၪနီၪ ကွဲၪဖျါခွံၬ နၥံၪအဆၧမၪဆ့အ့ၬ.