ယ့ၫၡုၬမၩဘျၪထဲၩ့ ရိမၫအၥုၭခိၪအခ့ၫအၡၩလဂၩ

ထီးအလ့ၩနုၬဝ့ၫလၧကပၧနအၫ့အဖၧၩ့နီၪ, ၥုၭဖိၪလယၩအခိၪလဂၩ ဂဲၫလၧအအီၪတၭ, အၪ့ကံၩ့အၪ့ယၫဝ့ၫ,- စံၭဝ့ၫဒၪ, ကဆါဧ့, ယခ့ၫယၡၩလဂၩၥံၫလခီၫဖၩတၭ, ဆီၫ့ခိၬဆီၫ့ကဲၩ့နၭလ့ၬတၭ, မံၫနၩ့လၧဂံၪ့ဖၧၩ့လီၫ.-ယ့ၫရှူၬစံၭ,ယမိလ့ၩမၩဘျၪထဲၩ့အဝ့ၫနီၪလီၫ.- ၥုၭဖိၪလယၩအခိၪနီၪ စံၭဆၧၫ့ဝ့ၫ,စံၭဝ့ၫဒၪ, ကဆါဧ့, နဂဲၫနုၬလၧယဂံၪ့ခိၪဖၫ့လၬယီၩယကြၨၭအ့ၬး နအ့ၪစံၭလၧနလူနးထံၪတၭ, ယခ့ၫယၡၩမိဘျၪထဲၩ့ဝ့ၫလီၫ.- အဂဲးဘဲၫယီၩ ယဝ့ၫဒၪယမွဲၦၡၩအီၪလၧ ဆၧအစီၩ့အမၩ့အဖၫ့လၬတၭ, ၥုၭဖိၪၥ့ၪဖိၪအီၪလၧယဖၫ့လၬဆ့လီၫ. ယစံၭအယီၩလဂၩ, လ့ၩဘီၪ,တၭလ့ၩဝ့ၫလီၫး အနီၪလဂၩ, ဂဲၫဘီၪ,တၭဂဲၫဝ့ၫလီၫ. ယခ့ၫ ယၡၩနီၪမၩဆၧယီၩဘီၪ,တၭမၩဝ့ၫဒၪလီၫ.-

ထီးယ့ၫရှူၬနါဂၧၫ့ဆၧနီၪ, ထီၫမံၫထီၫမၪဝ့ၫတၭ, စံၭၦဖိၬအခဲၫ့လဖၪနီၪ, ယလီၩဘၪနၥံၪတီၩတီၩယီၩ, လၧအံၫစရ့လၭအကျၩဒၪလ့ၬနီၪ, ဆၧနဲၩအၪန့ၫအယီၩယဒၪဘၪအ့ၬ. ယစံၭနၥံၪ ၦအၪဂၩမိဂဲၫလၧမုထၪ့ဒဲလၧမုနုၬတၭ, မိဆၧၫ့နၩ့ဒံၩ့ခံၫ့လၧစပွဲထံၭ လၧစအၫဘြဟၫ့, ဒဲစအံစၭ, ဒဲစယၫကူၭအၥိၭ လၧမူၭခိၪအဘၩ့အမုးအဖၧၩ့လီၫ.