ယ့ၫၡုၬမၩဘျၪထဲၩ့ၦလၧအနါအၧၩ့ဒဲၦအုၭအၭ.

မၩဒီၭလဖၧၫ့ အဝ့ၫဒၪစဲၪ့ထၪ့ခွံၬဝ့ၫ လၧတဲအၫႇ ဒဲစဲဒၧၫ့အနဲၩ့တၭႇ လ့ၩဝ့ၫထီၩ့လၧ ကွံၩဂၫလလံၫလၧ ဒကၭပိၫလံၭအခးအၥၭကျၩလီၫ.- ၦဂဲၫဆိၬၦလၧအနါအၧၩ့ႇ ဒဲချဲၩ့လၥ့ၪဘၪလဂၩ လၧအအီၪတၭႇ အၪ့ကံၩ့အၪ့ယၫဝ့ၫ ဘဲၫၥိၭအမိအီၪက့ၪထၪ့အစူၪ လၧအလီၩ့လီၫ.-

အဝ့ၫဒၪကိၭန့အဝ့ၫနီၪ လၧဆၧကဒုၩအလးတၭႇ အီၩ့နုၬအစူၪနိၩ့လၧအနါဖၧၩ့တၭႇ ထိၪဖျံၭဝ့ၫတၭႇ ထိၭဘၪအဖျ့ၩလီၫ.- ယိထၪ့ဆၧလၧမူၭခိၪႇ ဂၪ့အုၩဂၪ့ထိၬဝ့ၫတၭႇ စံၭဝ့ၫႇ  အ့ၭဖၥၫႇ ဘဲၫၦစံၭဆၧအၥိၭႇ ဝဲထၪ့ဆံၭ.- အနါဖိးထၪ့ချဲၫ့မၬတၭႇ ဖျ့ၩအထီၪ့လၩ့ပၠၪထဲၩ့ဝ့ၫတၭႇ ချဲၩ့ထၪ့ဆၧဂ့ၩဘၪစဲၪလီၫ.- အဝ့ၫဒၪမၪလူၬအဝ့ၫၥံၪ ဘဲၫၥိၭအထီးလီၩဘၪ ၦနးဂၩလဂ့ၩလီၫ. မွဲလါနၫ့ႇ ဒံၩ့မၪလူၬဝ့ၫနီၪႇ အဝ့ၫၥံၪဒံၩ့လီၩဘၪ အၪနဲၪ့အလးဒံၭး- ဒဲထီၫမံၫထီၫမၪဒိၪဒိၪလ့ၬတၭႇ စံၭဝ့ၫကယဲအမၩဆၧ ကိၭအမံၩ့ဒ့ၭလဖၪနီၪႇ မၩဝ့ၫဂ့ၩဘၪစဲၪမၬကၨ. ၦလၧအနါအၧၩ့လဖၪနီၪႇ မွဲအမၩနါဂၧၫ့ထၪ့ဝ့ၫတၭႇ ၦလၧအချဲၩ့လၥ့ၪဘၪလဖၪနီၪႇ မၩချဲၩ့ထၪ့ဝ့ၫလီၫ.