ယ့ၫၡုၬမၩဘျၪထဲၩ့ၦလဂၩ.

ဆၧမၩအၥၭထီးအအီၪလၧဒိၩ့လဖျိၪ့အဖၧၩ့နီၪႇ ယိခွါႇ ၦခံၫထူၬဆၫအၧၩ့လဂၩ ဒၪဘၪယ့ၫၡုၬတၭႇ ထွံၩလၩ့အၪ့ကံၩ့အၪ့ယၫဝ့ၫႇ စံၭဝ့ၫႇ ကဆါဧ့ႇ နၥၭအ့ၪအီၪလၧနမိမၩဆံၫ့ထၪ့ထဲၩ့ယၧၩယီၩ နမၩနဝ့ၫၥ့ၪလီၫ.-

အဝ့ၫဒၪယူၬစိၩအစူၪႇ ထိၭဘၪဝ့ၫတၭႇ စံၭဝ့ၫႇ ယၥၭအီၪႇ မွဲနဆံၫ့ထၪ့ဆံၭ. အဆၧခံၫထူၬဆၫအၧၩ့နီၪ စဲၪ့ထၪ့ခွံၬဝ့ၫချဲၫ့မၬလီၫ. အဝ့ၫဒၪမၪလူၬဝ့ၫ ဘဲၫၥိၭအဆၧထီးလီၩဘၪ ၦနးဂၩလဂ့ၩ. မွဲလါနၫ့ဘိၩ လ့ၩဒုၭနဲၪနၥၭလၧၦလုဆၧတၭႇ ဘဲၫၥိၭဆၧထိးအၥၭလၧ အဝ့ၫၥံၪအမ့ၬယၫမိအီၪဝ့ၫတၭႇ မၩဘိၪ့ဆၧဘဲၫစမိစ့ၭမၪလူၬဝဲၩဝ့ၫအၥိၭ လၧနဆံၫ့ထၪ့အကၠီၩ့ဆံၭ.

 မွဲလါနၫ့ဘိၩႇ အပရၧၫ့ဂၧၫ့ထၪ့ၥၩလၩ့ အၪထၪ့လခီၫတၭႇ ၦခမျၧးဖၭဒိၪ ဂဲၫအီၪကိၩ့အီၪကီၪ့လၧအအီၪ ဘဲၫၥိၭအမိခိၭနၪဆၧႇ ဒဲဘဲၫၥိၭအဆၧမိဘျၪထဲၩ့ လၧအစူၪဖၧၩ့လီၫ.- အဝ့ၫဒၪစဲၪ့ထၪ့ လ့ၩဝ့ၫလၧမံၩ့လၬကျၩတၭႇ ဘၩဆိၪဖၪဆၧလီၫ.